[عدنان منعم]

سلامات \يبويه الليله وياكم سلامات سلامات\ دمعتي تبقى برجاكم سلامات
اكلك بويه وياك = اموت بلوعة جفاك
عليله من تفاركــــــــــــني شيـــــــــظل بيه
بس الدار بعــــــــدك تنــــــــــــــغر علـيه
اظل اللهم صــــــــبر ونيـــــــــــاح ليليه
واناطر كــــــــمر هاشـــــــم يرجع عليه
الفراك \ يهدم حيلي يابويه الفراك
انه اشتاك \ يضي عيني انه الطولك انه اشتاك \اكلك بويه وياك
ادور بالغرف اسمــــــع صدى صــوتك
عايفني يــــــبويه ورايـــــــح لمـــــــوتك
كون وياك ماخــــــــــذني احــــــط قوتك
واسمع ياحبــــــــــيبي نــــــــبرة قنــــوتك يغياب \تعالو ونشوفو ادموعي يغياب
علاالباب \ اناطر ترجع احبابي علا الباب \اكلك بويه وياك
العليل اشــــــــلون اهله ايفـــــــاركونه
وعلا نكلة جدمـــــهم تدمع عــــــيونه
يظل بالاه هوه ودمــــــعة عيــــــونه
وعينه اعله الدرب بلكــــــت يذكرونه
يماشين \ذبلت روحي بجغاكم يماشين
علا حسين تجري ولموتي علا حسين \ اكلك بويه وياك
عفتوني وحيده اتســــــــله بالغــــــــــربه
شتظن زيـــنب انه واتحــمل الصـــــــعبه
حسباتي جبل بس حســـــبتي حســـــــــبه
باحــــــــــظان اليتم يحــــــــــسين اتربه
تظنون \ نسيتوني وانه بتكم تظنون
العيون \ تنطر بويه ردتكم العيون \ اكلك بويه وياك
برداني انشــــــف دمعـــــــتي عليــــكم
وماظل بس قصصكم تحجي ماضـــيكم
عفتوني غصـــــب يحســــين ادريكــــم
وحيطان الغرف تشــــــــرح ماسيـــــكم
الدموع \ نزل كلبي يغيابي وي الدموع
الظلوع حنت من فركت احباي الظلوع \ اكلك بويه وياك
احلفــــــك بالزجــــيه ردلي يحــــسيني
عليــــله وانه بعــــــدك من يبـــــاريني
بعد ياهـــو اليصــــــبحني ويمــــسيني
بس لوعه وهظـــــم بجــــفاك تدريني
الابو راح \ تركني وماسئل عني الابو راح
الدمه طاح \ يسليني بعد وني الدمع طاح \ اكل بويه بجفاك
خادم الحسين \ عدنان منعم

[قوافي الأيثار]

اخي القصيدة جميلة ورعاك الله ولكن طورها غير حسيني جملة وتفصيلا

[صادق العارضي]

احسنت في ميزان اعمالكم