[ابو معاد النجفي]

ام الحسن بينه اتلوم..عن جبد ابنه المسموم
ورويلك انه اللي جره..جبدته ليش موذره
سمته بلحظه هالكوم

من صار حكم ابن النبي..ظلم ال اميه اتعده
وكفت زلمه مغرضه..حاربو نهجه بشده
ثارات عدهم من زمن..بيه البغض والرده
عارضو نهج المرتضى..ونهج الرسول اوولده

حكم الدعات الجائره..كل ال اميه الكافره
والحسن اصبح مالوم

الكرم من عنده ابتده..هو كريم اهل البيت
عن علمه اسولفلك بعد..لوردت مني وسئليت
هذا ابن سيد البشر..سبط النبي يالواليت
وارويلك قصة دفنته..اسمعني ياالما عرفيت

سمته هالتعرف مره..جعيده اسمه ماكره
بذاك الزمن مثل اليوم

اوصيه جانت للحسن..وصه اخوته وربعه
وصه حسين بدفتنه..ويهيل شافه الدمعه
ياخويه لوردت الدفن..يم جدي وامي البضعه
وادري يمنعوك الكفر..تدفني خويه ابقعه

يم جدتي الطاهره..وام البنين الصابره
وادريك صابر مهموم

ياشيعه شيعو ابن النبي..وعزو بعجل مولانه
وصحيو على نعش الحسن..بهمه وحزن ويانه
اهل الكفر والزندقه..كل ال اميه اعدانه
يمنعون دفنك يالحسن..وسدو عليه بيبانه

ياشيعه خل اناصره..ضد الافكار القاهره
الحسن مات ومظلوم

بيه الشجاعه والكرم..احسن صفه بين الناس
معروف ياسبط النبي..معروف ياتاج الراس
سيرتك يالكله علم..علم الرسول من الساس
واخوان عندك بالوفه..مثل الحسين وعباس

اعيون ظلت ساهره..وكلوب كله حايره
يوم الحسن مابيه نوم

الحلم من معدن علي..توارثه ولده الاحرار
والحسن اول موطنه..بيت العلم للكرار
والحكمه بيت الموعظه..انطاه بيه الاسرار
باب المدينه من العلم..ولده واخوته وانصار

غايبه يعرف حاضره..امته كله تناصره
من الندم عليه اتحوم

خادم اهل البيت
ابو علي السعيدي

[عبدالله خلف العتابي]

السلام عليكم
احسنت وابدعت وفي
ميزان حسناتك
اخوك
عبدالله العتابي