[خالد محمد مهدي]

شوفوها شوفوها))

**--------------------**

شوفوها شوفوها ** هل الدنيه شوفوها

ليش أمنـّوره / لحسين

ألمن مزهره/ لحسين ** شوفوها شوفوها

****************

شوفها بيمـن أزهرت ** شوفوها بيمن نوّرت

يارايه هل الليله علت **فوك البوادي ورفرت

للعالي ** للعالي ** الرايه للعالي

رايه طاهره/ لحسين

عـز ومفخره/لحسين **شوفوها شوفوها

*************

شدّت رياحين أو ورد **توصف الشوڱ من البعد

نهديها لسمه ألنـه ترد **معطّره بريحان المجـــــد

مزهيّه ** مزهيّه **الايام مزهيّه

يمه المعبره/لحسين

دنيه وآخره/ لحسين ** شوفوها شوفوها

****************

اسرع سفينه عابــره **بميناءه ترسي حاضره

اتعبرنه هم الغابــره ** ومن جور دنيه غادره

محلاها ** محلاها **هالسفره محلاها

وصلنّه وعبر/لحسين

يم جدّه حضر/ لحسين ** شوفوها شوفوها

**************

عم أبماسينـــــا الهنا ** يومه يحقق المنـــا

لموالي يحصد وجنا ** العمره بالخدمه فنا

أيّامه ** أيّامه **بالنور أيامه

ناذر العمــر/لحسين

متيقن ذخر/ لحسين ** شوفوها شوفوها

****************

من فضل الله ورحمته ** باجر يهل برايتـــه

والمهدي حلوه هلّتــــه ** أيركّع الظالم هامته

مهدينه ** مهدينه ** يعرفنه مهدينه

جنود الثورته/لحسين

ونرفع رايته/ لحسين ** شوفوها شوفوها

**************************

((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********