[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مولاتـــــــــي يازهــــــــراء ( شـــــور )
ــــــــــــــــــــــــــــــــــــــــــــــــــ ـــــــــ
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــــــ
للمهدي مولاي أنتظر يبني گبر مولاتي
وأمشي وأزورن فاطمه وأبچـــي وأبث حسراتي
ما يصبر إبعيني الدمع عيني تصب دمعاتي
وأهتف ونادي الطاهره سمعي صدى آهاتي
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــ
حاضر يريت إبمحنتچ يانبعه من هادينه
يوم إنكسر منــّچ ضلع والباب شافت عينه
چـــا گــابلت دار النبي أحميها من كُل شينه
وأفني اليجي إبنيّة حقد فاگــد هُداه إو دينه
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــــ
ياريت ويّه المنتظر للهادي نمشي إنزوره
نُنصب مآتم فاطمه إو ينشر علينه نوره
وإنودّع الزهره إبألم ما أقسى هاي الصوره
مهمومه راحت فاطمه من الحقد وإغيومه
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــــــ
ياريت ويّاه الحسن وإحسين نسمع نوحه
نسمع حنين العالمه زينب غدت مجروحه
وإنشارك الوالي علي الله يساعد روحه
نبعة محمد راحله وإدموعهم مسفوحه
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــ
گوموا نشيّع فاطمه ويّه علي ياشيعه
عهد الموّده والعشگ لهل النبي مَنْبيعه
والثار لازم ناخذه ويّه الأمام إنطيعه
وإنبايع المهدي الأمل ما أحلى هاي البيعه
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ـــــ
من عصرة الباب الألم ﯾبگـــه يهشّم صدري
ما تنطفي نار الضلع تِلهِب حنيني إو جمري
ما أوفي بنت المُصطفه لو ظل أنوحن عمري
هيّه الشفيعه فاطمه تحضرني ساعة حشري
مولاتي يازهراء == مولاتي يازهراء == مولاتي يازهراء
مولاتي يازهراء == مولاتي يازهراء == مولاتي يازهراء
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldijj63656.mp3.html