[قوت القلوب]

لا ترتجف.. لاترتجف

تكفى طلبتك (( يبه ))..

لاترتجف

شف دم وجهي كيف من بعدك نشف

شف حتى نبض قلبي من خوفه وقف

لاترتجف ... لاترتجف

بيدي .., فتحت زراره

بيدي شلت غترته

وعطيته من الصحن تمرة

ياشين البيت وجداره

لاصرت تحت ذاك الركن

تنتفض.. مختنق.. ومن حر مافيك

تون

لاترتجف.. تكفى طلبتك ((يبه ))لاترتجف

قو أعصابك .. واثبت مثل هاك الجبل

ياما كنت تشيل فوق حمولك حمل

كنت الأمير.. كنت الملك.. كنت سيدي

عظييييييمة حيل كلمتك

ومازلت.. شيخهم كلهم

تكفى (( يبه )) طلبتك لاترتجف

شف دمع عيني كيف بان هماله

ماينفقد ابو لاصار من حوله عياله

هذي كلمة جدتي

بس انت قلبت هالمثل ومن قاله

لأنك غير,, والله غير.. لأنك من شحذ فيني الهمم

لأنك وهبت لي عزم غير عن كل العزم

لانك .. زرعت فيني طيبتك

وبنيت فيني هيبتك

بس (( يبه )) طلبتك لاترتجف

عساني انحرم من هناي

عساني افقد كل دنياي

بس مابي نفضة يدينك

لانت قادر ترفع عقالك

في لحظتها مادري وينها عينك؟؟

كنت تخجل اني اشوف الضعف محتويك

كنت حتى تبي تحاول تمثل

انك قادر تمشي خطوتين

بس بان التعب فيك

تكفى طلبتك لاترتجف لاترتجف

شف دم وجهي كيف من بعدك نشف

شف حتى نبض قلبي من خوفه وقف

ودمتم بكل الحب

تحيتي للجميع

[Ahmad]

ساعد الله قلبك أختي قوت
آجرك الله في والدك رحمه الله

خاطرة حزينه وجميله و تصوير اللحظات فيها اكثر من رائع

تحياتي

[قوت القلوب]

الله يخليك أخوي احمد شاكرة مرورك الكريم
أختك / قووووت القلوووب

[نور المستوحشين]

كلمات مأثرة للغاية ........آخر الأحزان انشاء الله أختي ............. تحــيــــــــــ نور المستوحشين ـــاتـــي

[قوت القلوب]

أسعدني مروركم الكريم
عاشت يمينك أخوي نور المستوحشين
أختكم قووووت القلووووب

[ابو طالب العاملي]

بسم الله الرحمن الرحيم
وصلى الله على محمد وآل محمد
***************************
يا ذاكري لا تنسني من دعوة لي صالحة
إبسط يديك إلى السما واقرأ لروحي الفاتحة
*********************************** لروح والدك ووالدتي يا قوت **والحمد لله على نعمه

[قوت القلوب]

الله يرحمهم برحمته يا رب العالمين
بحق محمد آل محمد الطيبين الطاهرين
قووووت القلوووووب