[ابو معاد النجفي]

يزينب يحوراء..بت علي والزهراء

زينب انتي ام الخدر..انتي عنوان الصبر

انتي احلى الاسماء

***************

ارضعت نهج الولايه..بت علي وبت الزجيه

ومن اعدده خصالج..الكلام ايطول بيه
عن عقيلة بني هاشم..انه ارويلك سجيه
عفت الزهراء عدهه..والعقل حامي الحميه

وكفت اهل الكفر..وانحنه راس الشمر

يوم ذاعت انباء

********************

ابدا ماذلت وخضعت..وكفت ابذاك المكان

ونادت بجمع الطغاة..حتما يدور الزمان
وتنرفع رايات تخفك..تعله بعلو السنان
وبجحيم وصقرانتو..واحنه مسكنه الجنان

بيه من خط الحبر..عدنه ماكو كل جبر

عدنه بس العلياء

******************

لو ندبت باسم زينب..تنجلي هموم الموالي

أذكر انته اسم العقليه..وبطلبتك لاتبالي
لابد وتلكه الحلول..وتعرف معنى سؤالي
شمعت الزهراء هيه..وثوره صارت للمعالي

ضحت بكل العمر.. وحاربت اهل الغدر

عبرت اكبر صحراء

******************

من عمره من البدايه..حاكمه هيه وعلميه

تغذت بحضن الولايه..كل علمه من كليمه
حيدر الوالي ابوهه..وجده للامه رحيمه
والحسن وحسين اخوهه..ولبو فاضله نديمه

احنه من نقره شعر..منه ينزاح العسر

وتنفرج هالارجاء

*********************

لو لذت مره بأسمه..واندبت انته العقيله

كل هموم البيك ترحل..وحملك الباري يشيله
ورحت للكافل ندبته..واذكرت اسم الكفيله
لو تصير اجبال همك..ماتظل روحك عليله

ربك يصدرالامر..وانته بيه تبتشر

منك يروح الداء

***************

خادم اهل البيت

ابو علي السعيدي