[عشاق المفيد]

بسهم عبد الله تصوب سابح بدم ركبته
والعرش لمصابه يهتز ماحمل هم قصته
بحضن ابو اليمه انغدر يجري دمه من النحر
---------1--------
عبد الله جرحك موجرح تبجيله كل عين
يااية الله وتنذبح بجفوف الحســــــــــين
دمك تعلك بالسمه وضلت نياشــــــين
نحرك تصوب بالسهم وتصــــوب الدين

حسين راد الماي منهم والجواب اصبح سهم
شنهو ذنب الطفل دامي بالعطش كلبه نهضم
مصابه يبجي الصخر يجري دمه من النحر
--------2---------
يحسين طفلك بالحضن من شفته مذبــوح
من شفت عبد الله انصرع ويعالج الـروح
دمه على جروحه نزف من نحرة مسفوح
وياك دم تبجي السمه ويانه وتنــــــــــــوح

طيرعبد الله ويرفرف كطع كليبه العطش
هالحزن للحشر يبقى بكلب هادينه انقش
كلبه بالهم انفطر يجري دمه من النحر
-----------3-----
زينب تنضرة وبالالم صاحت يالعضيد
طفلك شبيهه ركبته ومسبـــــــــــل الايد
ياخويه اشوفن هالطفل مكــطوع الوريد
ماعدهه رحمة هالبشر جــــي عبدة يزيد

لجل عبد الله دموعي تذرف ليوم الحشر
ولجل عبد الله انوحن - وابقى الطم عالصدر
ذنب منه ماصدر- يجري دمه من النحر
---------4--------
شلون الرباب تلكته من نحرة مــكطوع
يوليدي نحرك منكطع عطشان مصروع
عبد الله عطشان انكطع وكليبـــــه ايلوع
وحسين كلبه منصدع بمصابه مــــفجوع

نبلة الضالم تصوبه - انذبح عطشان الرضيع
والسماء اركان هزت - والمصاب اصبح فظيع
دمه من نحرة انفجر - يجري دمه من النحر
------------------5-------------------
سكنه تحظنه بياكلب هالطفل مـدمي
جاوين عباس الشهم جاوين عمــــي
ياعمي عبد الله انذبح يالطحت مرمي
رجع اجفوفك يابطل وكشفلي هـــمي

صاحت بصوت اليتامه - مات عبد الله الطفل
عمي ياعباس افزع - موتولانه النذل
بنبل يرمونه وحجر - يجري دمه من النحر
--------------------------------6-----------------------------
وحسين كاصد للحرب ويودعه بالنوح
عطشان طفله ومنذبح ينضرة مـــذبوح
عبد الله لمصابك الم تتعذب الــــــروح
سبب مصاب الشيعتك دمك المســفوح

الجرح عبد الله التصوب - دوم تلطم شيعته
بالسماء نشوف دمه - نذكر بهم عطشته
جرحه مايحمل بشر - يجري دمه من النحر

\\\\\\\\\\\\\\\\\\\\\تمت بعون الله \\\\\\\
38القصيدة

بكل قلب مجلس مصابك ياحسين
-ياعزاء الينصب طول السنين
يادمعة الحره -----------ياعبرة الزهره
-----------------1---------------
اه يليل العاشر اوكف كل صبح مااريد يطلع
زينب اتودع قلبهه عله الحسين اتسيل مدمع
ليله بالاكبر تودع وياهم العباس ودع
والرباب ابحال يفجع تودع الطفل الي يرظع

هذا ليل العاشروليل الدموع-
-تصيح ساعات الحزن مامش رجوع
اليوم الضلع كسره ------يالوعة الزهره
---------------2-----------------------------
لوطلع صبح المنايه ينذبح عبدالله ضامي
والعطش يسبي الفواطم ينظرن الجسام دامي
وينكطع عباس جفه وينكسر ظهرك امامي
وزينب اتنادي حسيناً تحترك بعدك خيامي

الليل يخلص والصبح جدا قريب
باجر اتسيل المدامع والنحيب
طر الصبح فجره ------------ياعبرة الزهره
-------------------3---------------------
شلون لوودعت الاكبر وللحرب زفيت قلبك
توذره اعداك وتطعنه ياحسين وبي تصوبك
كلبك اتكطع امامك والعده بالدم تخضبك
ولو طلبت اميه تشرب ترفض الوادم تشربك
تصوب اسهام العطش جبد الرضيع
بنحره ينصاب ابسهم طفل وصريع
بحسين جم طبره ياعبرة الزهره
----------------------4-------------------------
باجر ابصوب الشريعه تنطفي العباس عينه
والعمدراسه يخضبه والعطش يذبح سكينه
عله النهر عباس يوكع وزينب اتشوفه الحزينه
هلكمر كطعو يمينه وبدوالجربه الامينه

جفوف ابوفاضل ياعاشر تنكطع
وينكسرضهرالحسين وينفجع
عبدالله وي نحره ------ياعبرة الزهره
------------------5-------------------
شلون وحده حسين يبقى والمهر زينب تقدمه
تكله خويه اكشفلي صدرك ياحسين اردن اشمه
صدرابواليمه تقبله وصية الزهراء امه
امهه وصتهه الزجيه تدري صدره اعداه تهشمه

زينب اتقبل ابالم صدرالحسين
وصية امهه فاطمه ام قلب الحزين
جفين متوذره ----------يادمعة الزهره
------------------6-----------------
فاطمه المظلومه تعلم سهم المثلث يصوبه
بهلسهم جتال تدري للحسين يصيب قلبه
والحجرصوب جبينه وهالحجردمه يخضبه
من المهرللكاع يوكع بالسيوف اعداه تخضبه

شلون لويصعد على صدرك شمر
ياحسين وبيده نحرك ينطبر
سحكو على صدره------------- ياعبرة الزهره
----------------------7----------------
والشمر راسك يحزه وتسحك الخيل اعله صدرك
جثه فوك الكاع تبقه بس دموم يسيل نحرك
ياغريب تصيح زينب خويه اكعد شوف امرك
حركواخيمنه الاعادي يالذبيح بهاي اخبرك

تستعر نيران بخيام العليل
وتسمع اصوات الارامل والعويل
خيام التشب جمره -------------ياعبرة الزهره -
\\\\\\\\\\\\\\\\\\\\\تمت بعون الله \\\\\\\
القصيدة 38
بالمناحر بالحناجر
كل لحضة ياعاشور باسم الحسين نثور
---------1---------
يحسين بحــــــــــبك امنه صوت اليصرخ بيه ياسيـــــــــن
بصرخت ياسين انصيح احنه يبقى بضمايرنه حسين
ذباحك ضل يذبح بينه يابو الاكبر صار سنيـــــــــن
لجل العباس احنه انطينه- جفوف واسينه الجفيـــــــن
يامجيدا ياشهيدا
دمك يضل يفور باسم الحسين نثور
--------2---------
نذكر اسم الله بكل موكب - ونبجي اعله حسين العطشان
هذا الينحب فوك المنبر - وذاك اليلطم والحزنان
نلبس اسود بمصيبتكم - يحسين وحتى الرضعان
بالزنجيل احبابك تطلع - و تملي الشوارع شبان
بالجوامع بالمدامع
ننحب على المنحور باسم الحسين نثور
-------------3-------------------
يحسين ولو جانه العاشر - نتحسر دمك مسفوح
هذا اليذبح ذاك يوزع - نكضي الليل دموع ونوح
ذاك اللي بالساحة يمثل - دور الغريب المذبوح
وهذا يمثل دور الاكبر - ودور القاسم كله جروح
بهم جمرنه - ندك صدرنه
لامايغيب النور - باسم الحسين نثور
----4--------------
مانترك درب حسين احنه - دوم انوح على المظلوم
حب حسين اليجري بدمنه - وننزف لجل حسين دموم
حتى بشرب الماي نذكرك - ياعطشان ويامحروم
نذكر عبد الله اليتحسر - اعله الماي ونحرة المفطوم
بكل فخرنه - وكل عمرنه
لجلك ندك صدور - باسم الحسين نثور
5
واصحاب حسين انواسيهم - بذلو لحسين الارواح
زهير ومسلم وي نافع - والحر وي جون المصباح
حبيب وبرير القارئ - وعابس صال بلاية سلاح
اصحاب حسين بثورتهم - عرش الباطل ذل ونزاح
مانساوم - بل نقاوم
لامايهمنه الجور- باسم الحسين نثور
---------------------
خادم اهل البيت ابو احمد الخ
\\\\\\\\\\\\\\\\\\\\\تمت بعون الله \\\\\\\
القصيدة 39

بماي عيوني -أسكي حسين بماي عيوني
9
من عباس اتعلم واسمع
عالباطل ثائر مايخضع
صاح جفوفي خل تتكطع
خلهم برماح يطعنوني
__
2-
خلي السهم يصوب عيني
و تتكطع للدين يميني
سالم يبقه حسين و ديني
ماهاب الكوم تعرفوني
3-
خل راسي العامود يصوبه
فائز آنه ورب الكعبه
ماعوف حسين ولا دربه
ثابت عالحق تشوفوني
4-
هاي الجربه و خل تتبده
أسكي بماي عيوني جبده
مهما غدروا أهل الرده
و بسهم الغدر يصوبوني

كلبي من ضماه يسعر جمره
و ما أشرب كبل ابن الزهره
عمري فدوه يروح ا لعمره
يانفسي من بعده هوني

الشاعر
ابو احمد الخفاجي
\\\\\\\\\\\\\\\\\\\\\تمت بعون الله \\\\\\\


تجري دمعات العباده اعله الخدود
ياعلي اعله امصابك اينوح السجود
------------1---------------
تلطم الايام ويون الصـــــــــبر
ابكلبك انشوف الخيم تسعر جمر
انت شايل كربله اشعندك صبر

وي مصابك نزفت اعيون القيود
----------------2-----------------
راس الحسين ابدليلك منرسم
وطفل بالنبله ذبيح ومبتسم
والبطل عباس راسه المنهشم

عسكرابصدرك نشوف احنه وجنود
------------------3-------------------
جبدك المسموم وضح ماجره
ياعلــــي وسهم المثلث فسره
وعين ابو فاضل جرت دم عالثره

دولة امصابك فلا الهه حدود
---------------------4------------------
يا علي ابكلبك سبي وسوط وطفال
وزينب الحره تجتفهه الحبال
وراس ابوك ابرمح تنظرله العيال

يا علي وتسبيكم اذناب اليهود
-----------------5----------------
تسجب ادموع الصحيفه ابكل دعاء
عليك نحر حسين ضل ينزف دماء
يا علي السجاد تبجي الانبياء

الكبرك ايات الحزن يبقن شهود
---------------------------------------------------ن----

الشاعرابواحمد الخفاجي
\\\\\\\\\\\\\\\\\\\\\تمت بعون الله \\\\\\\

القصيدة 42

تنسبي اعيالك يسبع الكنطره
راس اخوك اعله الرمح ما تنظره
---------------1----------------
تقـــــــبل السجاد مجتوف ابحبل
وزينب المفجوعه تصعد عالهزل
وعلى ظهري ابسوط يظربني النذل

لاتخليني وتظل فوك الثره
--------------2-----------------
أعله الجثث مرينه شفنه حسينك
شلــون تفزع ونت ماهي ايمنك
شلون تنظرله وسهم صك عينك

ننظر المظلوم كطعو منحره
-------------3----------------
ننظرالراس الغريب المنذ بح
رتل ايات الكهف فوك الرمح
بقلب زينب جم رمح وجم جرح

ضربوالاطفال وانه ميسره
-------------4---------------
وعذبـــو رقيه كوم الحاقدين
اطوهه راس حسين مصيوب الجبين
ماتت الطفله على راس الحسين

خيل تسحكنه وخيام اموجره
-------------5--------------
مجتفين ودخلونه اعله القصر
تقبل الاطفال يسحلهم شمر
ويضرب ابراس الحسين ويفتخر

يزيد ويشتم ابونه حيدره
-------------------------------
__ابو احمد خفاجي
\\\\\\\\\\\\\\\\\\\\\تمت بعون الله \\\\\\\
القصيدة 44

يجري دمعي على المصيبه يجري دمعي
حســــــين من ذبحو حبيبه يجري دمعي
الأكبر توذر وجروحه تكبر
------1----------------
الاكبر اليشبه محمد والوجه قران
بيد ابو السجاد قدم لدين الله قربــــــان
بالحزن ليلة تنادي ياعالي الشان
زينب بحسرة تودعه تودع الفـرقان

نبجي نار على الفجيعه على الفجيعه
توذر الاكبر يشيعه علة الفجيعه
بالدم تعفر وجروحه تكبر
------2-----
المعركه جن كعبة عندة باركانهه أيطوف
يحصد بروس الاعادي وتتهاوه السيوف
بالصفا وبالمروة يسعى راواهم الخــوف
وعالكفر جمرات يرمي جمرات الحتوف

حسين يصرخ اه يالاكبر اه يالاكبر
بطحتك كلبي تفطر اه يالاكبر
كلبي التحسر وجرحه تكبر
----3-------
الاكبر وزادت جرحه على الارض يوكع
والعدة صارت تكطعه الهادي التكــــــطع
تعنه الحسين بحسرته كاصد المصـــــرع
طاح الحسين على الاكبر والطيحه تفجع

ناده يبني وياحبيبي ناده يبني
زودت همي ونحيبي ناده يبني
دمعه التفجر وجروحه تكبر
------4-----
بصفه ابو اليمه تمدد يشتمه بالنوح
كلبك العطشان يبني هيجلي الجروح
يبني خليني اودعك ياشمعة الــروح
ياعلي ماكدر اشيلك يبني يامــذبوح

ياعلي خليني اشمك خل اشمك
يجري دمك هذا دمك خل اشمك
عاين المنحر وجروحه تكبر
--------------5----------------
للخيم شالو مدمي وتلكته امــــــــــــه
ننضر الهاي محمد سابح ابدمــــــــه
الاكبر اوليدي اريدة وخلوني يــــــمه
جم سهم صوب دليلي كطعوله جسمـــه

بالالم زينب تنادي تنادي زينب
يبني ذبحوك الأعادي تنادي زينب
صبري تفسر وجروحه تكبر
------6-------
ياغصن روحي التكطع يادمعة العــين
ليلي بمصـــابك سهرته واتعذب سنـــين
حسرتك بكليبي جمرة و يهضمني البين
والله ماانسه مصـــــــابك انت والحسين

ليلى بالحسرات تنحب ليلى تنحب
بالمصيبة تواسي زينب ليلى تنحب
والحزن اثر وجروحه تكبر
----------------------------
ابواحمد خفاجي
\\\\\\\\\\\\\\\\\\\\\تمت بعون الله \\\\\\\
القصيدة45
1
خيالي يرتقي المنبريقره وتلطم الابيات
شفت فوك الورق موكب واسمع ياحسين اصوات
بهلموكب شفت لوحه بيهه حسين يقره ابيات
يمهم واكف العباس وزينب تنحب اباهات
2
خلص ليل الحزن والنوح واشاهد صبح العاشر
حبيب اتالم اجروحه وبريراليفجع الخاطر
وعابس وذروه الكوم ومسلم عالجرح صابر-
انصاره اتذبحو كلهم حسين ابوحده ضل حاير
3
شفت صورة وداع اشلون حسين ايودع الحره-
وجاسم ودع العباس والهم تنضر الزهره
لوجه الاكبرر اتشاهد الزجيه وتبجي بالعبره
- دم كام القلم يكتب بيدي وشبت الجمره
راوتني القوافي حسين شا يل طفله بيمينه-
يكللهم يريد الماي عبدالله وتهل عينه
شفت قوس وسهم مسحوب نضراته تبجينه
كاصد ركبة العطشان صوب كل امانينه
اعاين لوحة الموكب كررت النضر اخره
شفت فارس على الشاطي يمه اجفوفه متوذرة
جرح راسه العمود وطاح وعينه من الدمه حمره-
ماضل يمه بس واحد ضامي ومنكطع نحره—
دموعي اعله القصيده اتسيل من اكتب اسم زينب-
اسم زينب يراويني مشاهد منهه اتعذ ب
اشاهدهه تودع حسين وتقبل بالصدر كوكب-
وانضررضع ونسوان تنادي عمتي وتنحب
يصب دمع الحبر نيران وتصب دمعاتي عاالخدين-
جن شفت الغريب يحير وتحيطه العده صوبين
وسدد حرمله النبله وبيهه انصاب قلب حسين –
حسين من الفرس من طاح احس طاحن رموش العين
بايدي احتركت الورقه من اكتب خيام ونار
نيران ابخيام حسين حسين اشتعلت بالعيل اشصار
اطفال حسين بالبيداء تاهت والعليل احتار-
وزينب تمشي مسبيه وتصرخ ياعلي الكرار-----
------------شع الخفاجي------------------
\\\\\\\\\\\\\\\\\\\\\تمت بعون الله \\\\\\\
القصيدة 46
اثنين اطفال ذبحوهم بالمسيب
على اولادك يمسلم كلبي يتعذب
-----------1------------
عجب يادنيه ايامج حزن وهوال
ماشفنه بشريعه تنذبح اطفـــــال
لجن طبع البشر ميال للامــــــوال
على الذبحوهم الدلال ضل ينحب
----2-------
لاام لا ابو من فرو وحـــــــيدين
كله تريد تذبحهم ينور العـــــــين
مثل عبد الله دمه الخضب الكونين
كل شيعي عليكم كلبه يتصــــوب
---3---------
عجب هالناس تتقرب لكل حاكم
تذبح بالطفال وتقتل العـــــــــالم
وتقارير الظلم تذبح يـــــهالوادم
لكل حاكم نشوف الناس تتقرب
--4----------
يجرهم بالحبل وبسيفه يضربهم
اطفال ازغار من دمهم يخضبهم
وبنهر الفرات الطاي يكـــطفهم
هالاطفل بالدم ليش تتخــــضب
-5-----------
كل حق واضح الوادم ترة تعـــــــرفه
لجن لجل المصالح عمدن تحــــرفه
من دم هالصغار تريد تتشــــــــــفه-
الحذر كل الحذر بارينه من يغضب