|
|
شاعر
|
|
رقم العضوية : 198
|
|
الإنتساب : Aug 2006
|
|
المشاركات : 1,299
|
|
بمعدل : 0.19 يوميا
|
|
|
|
|
|
المنتدى :
المنتدى الثقافي
توجه السجاد كاصد كربلا
بتاريخ : 05-02-2007 الساعة : 05:24 PM
السلام عليكم
عظم الله تعالى اجورنا واجوركم بمصابنا بامامنا ابي عبد الله الحسين واهل بيته وانصاره
في دفن الاجساد الطاهرة كتبت هذه الابيات المتواضعة
توجه السجاد گاصد كربلا ****** يدفن بدمعاته انصاره وهله
توجه السجاد گاصدها الطفوف
يدفن حسين الي وذرته السيوف
يدفن العباس مگطوع الجفوف
والدموع ادموم عالخد هامله
الدموع ادموم عالخد تنسجب
وبرزيته الروح ظلت تنتحب
ناره بالدلال ما تخمد تشب
تبقى ملتهبه ويزيدها البله
تبقى ملتهبه على امصاب الجره
ونار فگد اهله صفت متوجره
يشوفها العيلة بهضم متيسره
والرزايا اعليها بالهم نازله
الرزيا اعليه واعله ام الخدر
يدفن اهله ودمعه سيل الينهمر
وهي تنتظره بگلب صاير جمر
خافن يروح وتفگده العايله
تصورت لو راح ما يرجع بعد
وتفگد الحره العليل الظل سند
صار بعد حسين للبيت العمد
والحزن وي عمته هو الشايله
انطوت ليه الگاع جن جده الولي
وسهلاله الامر بارينه العلي
حزنه بالدلال ما اظن ينجلي
هذا امر الله وعليه يتحمله
من وصل لحسين راد يوسده
احنه ظهره ونوحه زاد وما هده
يبني من صوب النحر جاله الندا
بالرضيع الدفن ردت تكمله
من سمع صوت الابو لطفله يريد
مر عليه الامر جن سيف الشديد
گله خله وياي ما اريده بعيد
فطمته سهام المنيه القاتله
توجه لعمه البطل عالمشرعه
يوسده بگبره ودموعه اتودعه
شاف يسراه ويمينه مكطعه
ناده يا عمي يبن عقد الولا
عمي يا عباس يا حر وشهم
گوم شيل لواك بيد اهل الظلم
خلاف عينك عمتي زينب تهضم
والضعن شمر الي ظل يتكفله
يبو الباقر ساعد الله مهجتك
فجعت الاملاك هاي مصيبتك
سبعة فوك وگاع ونت ونتك
هزت الاكوان وقعة كربلا
خل نواسي الحره ونواسي العليل
والدموع ادموم يا شيعة نسيل
الثواب اضعاف من الله الجليل
والحساب حسين لينه يسهله
_________________________
ونسألكم الدعاء
وعليكم السلام ورحمة الله وبركاته
| |
|
|
|
|
|
العرض العادي
