[لبيك داعي الله]

دكيت باب الـوطن
وابوابه مسدودة

ومن فتح بابة انزلن
دمعات بخدودة

صب الدمع واشتكى
من دون ما يحجي


وصعبة علية من شفت
عين الوطن تبجي

آآآه يا وطنا الحلو
راحت حلاتك وين

راحت وصارت قطع سودة عل الحياطين

آه ياوطنا الحلو يا زين يا غالي
مو انت الاول جنت ليش اصبحت تالي

الناس جانت كبل تتوسل اتشوفك
وهسة صفت بالعكس تتوسل اتعوفك

ابجي على بلدي
ابجي على بغداد
عل المتحف ابجي انا على التاريخ والامجاد

ابجي على الصحفي ابجي على الفنان

وعلى الماي ابجي انا وعلى الاشجار ولاغصان

ابجي انا على القتل ما بين هل الخوان
واجي انا على الغدر وعلاسة الجيران

ابجي على مذهبي وابجي على ديني
عل القبلة صار الذبح بيد المخاويني

نذبح بعضنا ذبح والاجنبي والمحتل
نتوسلة بالبلد يبقى ولا يرحل

السبب خوف الشعب من حرب اهلية
ومن معركة قادمة سنية شيعية

المن يكون النصر والمن يكون التاج
ويا مذهب الينتصر وتحجله الحجاج

من يا ترى المنتصر لو فاض بينا السيل
ولكم ترة المنتصر امريكا واسرائيل

هذا العراق الحلو بيه الزمان اندار
ولو نار هسة طفت تشتعل باجر نار

الليل ذاك الحلو ليجنن ابغداد
اصبح يضيك الخلك وايامه ما تنراد

والماي ذاك العذب ما عاد نفس الماي
روجاته يبجن دمع واحزان بيه هواي

الصار بينا وجرى ما يخطر على البال
ومو كل دمع ينبجي ومو كل حجي ينكال

بسبب وبلا سبب نتكاتل على المال
ونسينة عدنا وطن وجروح بيه اشكال

هذا العراق الحلو ما غيره حبينا
وبغداد بيت الاهل البي تربينا

شاف العراق الحلو من الهموم اشكال
وياما انجرح هلوطن بس ما بجت عينة

ونصحونة ياما بشر نرحل لغير بلاد
وما عفنا هذا البلد ونحبه ظلينا

بس خايف يضيع الوطن ما بين هذا وذاك
وشيعوضة النا الوطن لامال لا املاك

نحتاج مال الدول مال تهدينا
بس لو طلبنا وطن ياهو الوطن ينطينا

بعد ما جابته امه اليمسجن يالعراقيات

حلوات الطبع واخلاقجن حلوة
والرايد يمسجن يالعراقيات مايكدر ويغديلجن فدوة

انتن للعراق احزام يالحلوات
انتن شوك ياخذنا ويرد بينا

احنا بشوفجن ياعيني متولعين
وياجن عمر عشنا وتربينا

بالجبهات ما بجانا طاري الموت
بس فراكجن هوة الي يبجينا


للشاعر :عادل محسن

آلمني جدا هذا الشعر وهذه الكلمات



منقوووووووووووول














تحياتي ................. لبيك داعي الله .

[ابو طالب العاملي]

بسم الله الرحمن الرحيم
وصلى الله على محمد وآله الطاهرين
******************************
دفع الله عنك البلا
يا وطن سيد العلا
***************
مرقد الأمير فيه علا
ومرقد الشهيد به حلا
*****************
وقطيع الكفين والكاظمين
مراقدهم بالنور اٍستهلا
********************
والقبة العسكرية هدمت
لعن الله ظالمي أهل الصلا
***********************والحمد لله رب العلا

[نور المستوحشين]

لا أعرف من اشكر ...


فكلاكما أبدع ....

نقلك رائع أخي ........ وابياتك أروع أيها العاملي



شعب العراق تحية و وسام **** ولماء دجلة والفرات سلامُ

شعبً تحصّن بالكرامة رافعا **** علم الإباء فدونه الأعلامُ

يا أهل بغداد الكرام إليكم **** نُسب النضال وسُطرت أقلامُ

والطامعون شرار خلق دنسو *** أرض الحضارة كي يعم ظلامُ

أطفالهم يتلذذون بزينة **** وصغارنا بين الورى أيتامُ

قتلو البراءة والمنازل هدمت **** هدموا المساجد واستبيح ذِمامُ

قولوا لبوش ومن يؤيد فعله *** ثمن الكرامة غِيرة وحِمامُ

فإذا قتلت اليوم طفلاً **** فغداً سيأتي بعده ضرغامُ

شهداؤنا حُلل النعيم مآلهم *** وقتيل كفر في العذاب يُسامُ

ياأيها الشعب المرابط معلنا *** أن الحياة نعيمها أوهامُ

من ذا يُجيب ومن سيسمع صوتكم *** وبنوا العروبة كلهم نوّامُ

لكن بعون الله ثم نضالكم **** سيذوق كأسا للهوان طُغامُ

ويعود مجدا بالمآثر حافلٌ **** وعلى المآذن تُرفع الأعلامُ




تحــيـــــــــــ نور المستوحشين ـــاتــي

[لبيك داعي الله]

والله ان الكلمات تعجز عن وصف اشعاركم

*************************

شرفتم وعطرتم صفحتي بمروركم ايها الكرام


فلكم مني انا لبيك داعي الله تحيه وسلام

****************************


اسال المولى القدير ان يعم على الامه الاسلاميه الامن والامان


شكرا للمرور اعزائي

تحياتي .................. لبيك داعي الله .

[ابو طالب العاملي]

بسم الله الرحمن الرحيم
وصلى الله على محمد وآله الطاهرين
******************************
وأبياتك أجمل يا نور المستوحشين
أرى الكل صاروا من الناظمين
******************************
في ديوان الشعر باتوا حاذقين
في القلب يتركوا أثرا مبين
*****************************والحمد لله رب العالمين