[الشاعر سعيد الفتلاوي]

ابو ذيّات لمولد السيدة الزهراء
عليها الصلاة والسلام
...........................................
................................



فرحنه اليوم للهادي عَلَمنه

وْلبو الحسنين والدوحة عِلِمنه

لان لولاه ما واحد عِلَمنه

مته وْيا يوم هل نور الزچيه

................


سرور الكل فرح اسمچ وعيده

اظل باسمچ يزهره اصرخ وعيده

شفيعتنه الكل يجددلچ وعيده

ولاده مباركه حلت علينه

................


الكواكب كلها من نورچ مزهره

وْضوه الاكوان من نورچ يزهره

يِنَور اسمچ على الكون ويزِهره

الارض وْالكون بانوارچ زهيه

................



ربح كلمن دعه الربنه ويِعِينه

دعاء اقره بذكر اسمچ وعَيْنه

ذخر انتي يزهره النه وعينه

شفيعتنه نريدچ بالمنيه

................

تره الامه رمزها انتي وْعلَمها

علامه اسمچ عله الاكوان وْعلِمها

نبينه المصطفى الناسه عِلَمها

تِنِور الدنيا بالزهره وْضويّه



............................................
...........................

خادم السيدة الزهراء
عليها الصلاة والسلام
الشاعر الحسيني
سعيد الفتلاوي الطويرجاوي

[فداء الزهراء ع]

اللهم صل على فاطمة الزهراء وأبيها وبعلها وبنيها والسر المستودع فيها والتسعة المعصومين من ذريتها عدد ما احاط به علمك وأحصاه كتابك ...

أخي الشاعر جزاك الله خيراً
ورزقك شفاعة مولاتنا الزهراء البتول وسلمت اناملك الولائية

ومبارك عليكم المولد الشريف

[الشاعر سعيد الفتلاوي]

شكرا لك وفقك الله

[عقيل العامري]

احسنت وفقك الله

[الشاعر سعيد الفتلاوي]

شكرا لك اخي الكريم