[الكاظمي]

بسم الله الرحمن الرحيم
بصراحه عجبتني هذه القصيده الجميله و احببت ان اظعها في هذا المنتدى الجميل اتمنى ان تعجبكم
آني عراقي طبعن القصيده للشاعر محمود الغريب
واضح في كل الاشياء
وطيب حتى الاستغفال
بكلبي يمين بكلبي يسار بكلبي جنوب بكلبي شمال
في اقصى جنوبيتي عراقي
وفي لكنة كرديتي عراقي
بدوي عراقي .. بغدادي بلف جراويتي
بعكالي ابشتي بجفيتي
بس تنخاني امشمر حاظر تلكاني
تامر عيني وتامر اغاتي
يتوضحلك اني عراقي
اني عراقي .. اول من علمت الناس اتخط الكلمة
واول من غازلت النجمة
واول من رطبت النسمة
واول دمعة واول بسمة
ولكل ظلمة ان اول شمعة وشمس انطلقت من بيتي
بابل انه .. سومر انه .. من اور انه .. الوركاء انه ولكش وكيش
ومختومة بكلهن جنسيتي
انه عراقي اول من خط الاديان
املك جامع للقران واملك اديرة ورهبان
وكنائس عندي وصلبان اني عراقي ..
لتعربني وتستغربني هذا يماني وهذا حجازي
وهذا الكردي وهذا العربي وهذا المسلم هذا المسيحي
وهذا السني وهذا الشيعي
ما اسمحلك ان تنسبني غير الاصل الشعب الراقي انه عراقي
انه عراقي .. الله كلم موسى بارضي
وارسى سفينة نوح بارضي
ادم صلى لربة بارضي
هود بارضي وشيت بارضي
واكرمني بستة معصومين ..
ومن دم حيدر ثورية ارضي وجف
عباس ودم حسين
اني عراقي
النعمان اتربه بارضي والكيلاني من اربات ارضي
واوراق العالم ما تكفي
وما تستوعب ارثي الباقي
ويكفيني افخر
امام كل السنة عراقي
ومرجع كل الشيعة عراقي
وبابا الفاتيكان عراقي
مو حقي افخر انه اصل الانسان الراقي
اني عراقي ..

[محمد الشرقي]

مشكور على هذه القصيدة الرائعة

[شيعية موالية]

مشكور اخوي على القصيدة الجميلة

[الكاظمي]

تسلم اخي محمد الشرقي و شكران اختي شيعيه مواليه على هذا المرور الحلو

[عشق فاطمي]

الاخ الكريم الكاظمي

الله يخلي ليكم العراق ويفرج همكم فرجا عاجلا قريبا ..

مشكور

[عاشقة النجف]

اني عراقي .. اول من علمت الناس اتخط الكلمة
واول من غازلت النجمة
واول من رطبت النسمة
واول دمعة واول بسمة

***************

الله الله
اخي الكريم الكاظمي
والله كلمات في غاية الروعه
سلمت الايادي التي نقلتها لنا
موفقين لكل خير

[الكاظمي]

تسلم اخي عاشق فاطمي و تسلمي اختي عشقت النجف على المرور و صدكو ماكو احلا من العراق بطيبت اهلا و ناسه و ماكو مثل نخوتهم وغيرتهم
الله يفرجها على شعبنا الصابر و يعوضهم خير الدنيا و الاخرا