[looae saber]

نواعي لمصاب الامام محمد الجواد ( ع )
.................................................. .....
.................................................. .....



وسفه وْ الف يا حيف عالغدرو شبابه
ابن الرضا المعصوم سمّوه الگرابه
كل شيعي هذا اليوم يلعن هالعصابه
ما تنتهي اﻻحزان دم نبچي المصابه

..............

شنهو السبب يام الفضل بالسم چتلتيه
سبط النبي المختار بالغربه غدرتيه
وابهالمصاب الصار للهادي فجعتيه
باچر عليچ حساب بالمحشر تدفعيه

..............

الگبرك يبو جعفر نجي وْنزحف ملايين
ننعه المصابك يالتقي الجدّك معزّين
وبْصحنك بْلوعه وْ حزن نهتف منادين
ملعونه ذيچ السمّتك بت ّ الملاعين

..............

اخر شهر ذي القعده بي ذكره الفجيعه
بْسمّ الحقد ابن الرضا روحه صريعه
اعني الجواد اللي انغدر غدره مريعه
هيّه السبب بت الشقي النذله الوضيعه

..............

باب المراد اعليك حزنانه الرعيّه
وْمجلس عزاها اليوم بارض الكاظميه
تتحدّه كل ارهاب اشرار البريّه
ما هابت التفجير ما همها الاذيّه

..............

بالدمعه والانّات واسيها الزچيّه
وْواسي الوصي الكرار واولاد النقيّه
وانعه الوليّ الله التقي وْفخر الهاشميّه
تْجدد علينه اليوم حزن الغاضريّه

..............

اعله الجواد اتنوح هالليله الموالين
تنعه الولي المسموم غدروه الشياطين
هذا العزاء وْ هالحزن دوم وْيلِسْنين
كل شيعه لجله اينوح ويْواسي الميامين



...............................................
................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[الشاعر سعيد الفتلاوي]

شكرا جزيلا على النشر وفقك الله
اخي العزيز لؤي صابر