[ثوار المهدي]

فداك القلب يايمه ( مؤثره جدا)


--------------------------------------------------------------------------------

قصيدة كتبها شاب حصل له حادث سيارة و كانت معه والدته ..

نتيجة هذا الحادث توفيت الوالدة نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه:


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ...

وسلامتكم

وتحيــــاتي لكم,,,

م ن ق و ل:cool:

[عاشقة الرضا]

مشكور على النقل

[ثوار المهدي]

السلام عليكم ورحمة الله وبركاتة
اللهم صل على محمد وآل محمد
مشكور
الله يعطيك ألف عافية

[لجنة ألإستقبال]

اي هذه حيل حلوة

بارك الله فيكم احسنت

[ثوار المهدي]

مشكوراخي لجنه ع مرورك العطر

يعطيك العافيه

[اسعد المطيري]

شيئ جميل

ان يتحسس المرء آلامه

في اوقات الوجع اليومي

امنا لها حضور

لأننا لو قلنا نتذكرها

فأننا نكون قد نسيناها

ونحن لم ولن ننساها

فهي المهد والولادة

والركض هنا وهناك

والأشياء العظيمة

هي كل الدنيا

دمت بود حبيبي

[سيف آل محمد]

بارك الله فيكم احسنت

[ثوار المهدي]

مشكوووووووووووووووووووووووووووورين ع مروركم العطر
إذا أعجبك موضوع من مواضيعي فلا تقل شكـراً ... بل قل الآتـي ::
اللهم اغفر له ولوالديه ماتقدم من ذنبهم وما تأخر..وقِهم عذاب القبر وعذاب النار
و أدخلهم الفردوس الأعلى مع الأنبياء والشهداء والصالحين
واجعل دعاءهم مستجاب في الدنيا والآخرة ... اللـهم آمين