[هدوء اليل]

دفــان وبگلبي الـــنار يابويه يابويه
بس وين أدفنك محتار يابويه يابويه
بالگلب لو بالعين @ أمرك صعب يحسين @ يابويه يابويه
@ @ @ @
عفت زينب وأجيتك أنحب ومهظوم جفني من الدموع أمجرح وملچوم
أيامك گظت شيســوّي هــذا الـيــوم عليك وبس عليّه الـدنيه گام أتحوم
لا نظر عدي ولا روح يابويه يابويه
وتريد أشوفك مـذبــوح يابويه يابويه
والحيل أجيبه أمنين @ أمرك صعب يحسين @ يابويه يابويه
@ @ @ @
دربك من مشيته بصفي يمشي الموت حنين ومن يشوفك ياحُسين أيموت
يحظنك لو يصيح وما تسمعه الصوت أجيـت الوحـدي وما فصلت تابوت
تتوسد ظلوعي ونـــام يابويه يابويه
لو تسكن بعرش الهام يابويه يابويه
راسك يوالد وين @ أمرك صعب يحسين @ يابويه يابويه
@ @ @ @
حاير ويـــن أدفنك والگلب مفجوع أصبعك والنحر من الجسد مگطوع
وبصدرك سهم ومكسرات أظلـوع كـــل هــذا وأسمعك للرضيع أتلوع
گبرك ثبت بــالدلال يابويه يابويه
للموت أبــد ما ينزال يابويه يابويه
وأتگطّعت نصين @ أمرك صعب يحسين @ يابويه يابويه
@ @ @ @
لحد ببعيوني أحـفـر وأدفن العبّاس والأكبر عضيدي أحفرله وسط الـراس
والعريس گبره بـنـــبظي والأنفاس وأهيل أتراب حزني بجمرة الأحساس
وياك أخلي الاصحاب يابويه يابويه
أنصارك وأغلى أحباب يابويه يابويه
والمحنه بالچفين @ أمرك صعب يحسين @ يابويه يابويه
@ @ @ @





بركان بدليلي ونــاره وسط أحـشاي أبوالسجاد راح ومــارجـع ويـــــاي
ظل عطشان أبوي وما رويته الماي ياجرح الشماته شكبره جرح أعداي
فگدك مـــرار وآهات يابويه يابويه
ماأنسى يومك هيهات يابويه يابويه
بيك أستقام الدين @ أمرك صعب يحسين @ يابويه يابويه
@ @ @ @
خادم أهل البيت ع علي عربي الكعبي
الفاتحه على روح المرحوم عربي أبن عنيده

[جعفر المندلاوي]

طيب الله انفاسك وفي ميزان حسناتك
وتحية للكاتب والناقل معاً..
مع الود

[عدنان منعم]

كلام انزل دمعي اخي الكريم واسئل الله التوفيق