[ابوتكتم الخير]

من طيبه إجيت بكلب مهضوم

للطف إعتنيت محمله همـــوم

إجيت وشفت الأخطار...... شبت بالكلب نار

من طيبه إجيت بكلب مهضوم

÷÷÷÷÷÷÷÷÷

يافاطمه يكلي الكلب..... كومي للطف إعتنيلــــه

إمدد إبنج عالوسيعه ..... بلا هدم محد يشيله

جسمه وذروه بقواطع ... والسهم صايب دليله

كومي إنثري تراب الكبر

وتكبعي بتالي الصبــــــر

آنه أدري ضلعج منكسر ..... ظلت وحيده العقيله

يالهادي صحت كوم إنهض وياي

يضهدني الضلع والنار بحشـــاي

بضلعي نبت بسمار .... شبت بالكلب نار

من طيبه إجيت بكلب مهضوم

÷÷÷÷÷÷÷÷÷÷÷

وسمعتها تكلي يمه ....ضلعج اليوم إنكــــسر

من وكع عالنهر جوده ....وإيده مكطوعه الكمر

كتلها يم الحزن كومي .... من سمعت منه الخبر

لأم البنين الأربعه

ظلت تره عالمشرعه

تلم الجفوف إمكطعه .... وتحني إبدمه الشعر

وتنادي ييمه إتعبت بربــــاك

أريد إم الحسن هاليوم تنعاك

وتجري يمك أعبار .... شبت بالكلب نار

من طيبه إجيت بكلب مهضوم

÷÷÷÷÷÷÷÷÷÷

لأم البنين آنه رحت .... رحت أعزيها بولدهــــــــه

ولمـــن وصلت المشرعه .... يم أبو فاضل شفتهه

تكله يراعـــي الموزمه ......زينب وحيــده عفتهه

محتاره بطفال وحرم

لاخدر ظلت لا خيــــم

تنخاك يا راعي العلم ... يولدي إنته إكفلتهه

صحت يم البنين إوليدي وفه

بالعين السهم ونكطع جفــــه

إعليه إنجمعت أشرار ....شبت بالكلب نار

من طيبه إجيت بكلب مهضوم

÷÷÷÷÷÷÷÷÷÷÷

لصيوانه رحت بدمعتي ...والجثث مطروحه يمه

هذا جاسم هذا الأكبر ....وذاك أخو سابح إبدمه

و بالوسط عبد ألله إبنه ..... دنكت إعليه أشمه

مذبوح من شفته الطفل

وبنحره نابت النبل

ودموع عالوجنه تهل .... نادته عبدالله يمه

يعبد ألله صرخت درن ثداياي

أنطيك الثدي لو تشرب الماي

وحشه بعدك الدار ....شبت بالكلب نار

من طيبه إجيت بكلب مهضوم

÷÷÷÷÷÷÷÷÷

وخاطبت آنه النهر .... يا نهر كتله أنشـــــدك

شنهو ذنبه يا فرات .... وينذبح عطشان يمك

إنته أول جيش إميه .... سددت إبصدره سهمك

سهمك الكطع جبدته

بسيفك إنته الي ذبحته

يا نهر عطشان عفته ... ولاروته بعذب ميك

يا نهر الفرات إنته الذبحته

وإنته أول سهم صوب جبدته

تكطع جبده بشفار....شبت بالكلب نار

من طيبه إجيت بكلب مهضوم

÷÷÷÷÷÷÷÷÷÷

ابوتكتم الخير

قاسم طاهر القاسمي

12 /محرم /1421

[في الروحْ تَسكنْ]

وحروف تأنُ وجعُ بِحجمكْ ياكونْ .. دمتْ بِعطاءْ الألق

[رياض الرسل]

السلام عليكم

شاعرنا الغالي
ابو تكتم الخير

كلمات رائعه كروعتك حبيبي
والله يوفقك لكل خير وبركه يارب
دمت لنا
والله لايحرمنا من وجودك

رياض الرسل

[الناقد]

ابو تكتم ...قرأتها في الصباح
فكان صباحا في افق كربلاء واحزانها
(كعدية ) تشرح هذه الاحزان
وتنشر لوائها..
دمت بطيب اخي العزيز
ولا جف حبر قلبك في رثاء اهل البيت عليهم السلام

[نزار الفرج]

بسم الله الرحمن الرحيم
بوركت يا ابا تكتم الخير وبورك شعرك الموالي ليرثي اهل بيت الرحمة
عليهم السلام.. حقا انها قصيدة مناجاة حزينة ..
دعائي لك ايها العزيز ..
ابومحسد
نزار الفرج

[ابوتكتم الخير]

اقتباس : المشاركة الأصلية كتبت بواسطة في الروحْ تَسكنْ [ مشاهدة المشاركة ]

وحروف تأنُ وجعُ بِحجمكْ ياكونْ .. دمتْ بِعطاءْ الألق

في الروح تسكن
نور سطع في واحتي أضاء المنتدى ألقا
دام نورك دعاء

[قاسم حتروش]

السلام عليكم ورحمة الله وبركاته
موفق يا قاسم القاسمي
أبداع في أبداع
جعلها الله نورا لك يوم القيامة
تحياتي

[ابو محمد]

السلام عليكم
احسنت ياخادم الزهراء
دمت موفقا بحق محمد وال محمد
تقبل مروري المتواضع
ودي ودعائي

[ابو ياسر الكعبي]

ايها القاسمي
ابا تكتم

لك من الجمال اريجه
ومن الحرف عذوبته

ومن ابداع لآخر
ومن جمال لأجمل

تقبّل مروري

[ابوتكتم الخير]

عليكم السلام عزيزي رياض الرسل
عبق هذا المرور
شكرا لمرورك والدعاء
ودي