[في الروحْ تَسكنْ]

مساء الوردات والنجمات ...
طبعا اللمسات البسيطة في أركان البيت تعطي إحساس بالجمال .. والراحة .. وكل شئ جميل ..
أخترناه من المحلات .. بعد تفكير .. وأعتراض ووو ألخ :rolleyes:
علشان هيك ... قلت في خاطري ..
ألتقط لكم بعض اللقطات العابرة من أركان بيتنا ...
والتي تعني لي الكثير ..
ففي كل لقطة حكاية .. حدثت لي عند شرائها ... وسأخبركم لاحقا .. :p

الصورة (1 ) قصتها قصة .. وكانت مع البائع الصيني ..




الصور (2 ) شريتها من مصر ... والحكاية هنا طلعت روحي مع عم مصطفى :p




الصورة (3 ) من السوق الصيني ... شنج بنج لنج ... ما أدري شو كان يبي يقول وآخرتها تهاوشنا على الجمل الصغير والقصة لاحقا :p





الصورة (4 ) اللوحات من تايلند .. وطبعا .. الهواش صار في المطار .. كنت خايفة عليهم وحسيت إنهم أولادي




الصورة ( 5 ) هذي الزهور قصتها غريبة .. وتصرفي أنا أغرب .. رجعوا للموضوع وراح تعرفون شو القصة ;)




الصورة (6 ) وآخر صورة في الجولة .. صورة هالمزهرية .. والورد ... والقصة صارت عند شراء المزهرية .. :cool:

[في الروحْ تَسكنْ]

القلم الرقيب .. أدري راح تمر من هنا .. وتكفى لاتنقدني كثير في الصورة الأولى لأنها مهزوزة ومو شئ

[ارسطو طاليس]

أختي في الروح تسكن
انت رحالة لو مضيفة طيران
شنو دايرة العالم ؟؟؟؟
ههههههههههههه
والصور رائعة تسلم الايادي

[في الروحْ تَسكنْ]

لا والله .. مارحت كل العالم .. بس الصين ومصر وتايلند وسوريا وإيران .. وماليزيا وأندونيسيا.. عقبال الباقي ^^

السفرة الجاية بتكون للعراق الحزين .. يارب

[راسم الابتسامه]

السلام عليكم اخت (؟) الصور جميلة وذوقج اضاهر احلى
يارب توصلين لاقصى بقع العالم بس كون اتجبيلنه وياج صوغه خاصة الي لاني مرتبط بدوام مزعج ومااكد اسافر في كل وقت بس العطل الصيفية تحياتي

[فضّه]

اللهم صل على محمد وال محمد وعجل فرجهم


مااااا شااااء الله تحف فنيه منتقاة بذوق خاص تسلمين اخيتي وربي يزيدكم من فضله

عجبتني التايلنديه واشعر بمرارة وصولها معاج للبيت لانه حصل معاي موقف مشابه حتى اني حسيت بعناااء وصولها للبيت اكثر من السفر نفسه



في انتظاااار تروين لنا يا شهرزاد ^ــــ^



اتمنى لك الخير كله

[في الروحْ تَسكنْ]

راسم الإبتسامة .. أفتقدنا تواجدك ...

كلنا .. مانقدر نسافر إلا في أجازة الصيف .. شكرا لمرورك العاطر ... نورتني ^^

[في الروحْ تَسكنْ]

بقولكم قصة الصورة رقم (1 ) ..

هذه اللوحة كانت معروضة للبيع .. من ضمن اللوحات الكثيرة ... والي تخلى الواحد يحتار .. المهم .,. شهودة دخلت مزاجها هاللوحة .. وقلت بروح أخذ لفة عشر دقايق .. وراجعة .. بآخذها .. وطلعت من المحل بعد مارفعت ضغط البايع .. بالسين والجيم .. منو رسمها .. وشو ألوانها .. وكيف وليش ومن ووو ألخ ..
لحد ماقال أوووووووووف وأنا مسكينة بعدني ماقلت شئ

المهم .. فديتكم .. هي كلها عشر دقايق .. ورجعت ومالقيت اللوحة .. قلت وينها .. قال أحد ثاني شراها ... ووقفت تسمرت في مكاني .. كأن أحد طقني بمسمار على رآسي وتثبت في الأرض .. ومستغربة .. لأني خلاص حطيتها في بالي .. وشوي وكنت ببكي ..
وطبعا مالي حق اعاتبه .. ليش باعها .. والخاطر مكسور .. وصار 65 مليون قطعة
تخيلو الموقف جاية أطلع وأجر أذيال حزني .. إلا وأشوف واحد مرجع اللوحة .. وقال للبائع .. يصير أخذ غيرها لأن زوجتي تبي صورة خيل ...
فديت زوجته
وقلت في خاطري بعد ماشريتها .. سبحان الله على الصدفة .. لو كنت طالعة قبله بدقيقة كنت ماراح أشتريها

[فضّه]

لالالالالالالالا عااااااااااااااااااد القصه رقم واحد فضييييييييييييييعه وتستاهل العنوه


معقول ولا احداث فلم خيالي سبحان الله اللي لك فيه نصيب تحصله تحصله !!


يعني فرحت لك وانا اقرى تاريخ القصه اذ ن انت شلون كانت فرحتك ؟؟؟



كم عزيزه عليج هاللوحه الحين هااا


يا الله الله يحفظها لج من عيونا ههههههه وفي انتظاااار باقي القصص اكيد بوليسيه هالمره ههههه



موفقه حبيبتي

[في الروحْ تَسكنْ]

بصدق .. ياقلبي يافضة .. أحيانا الصدفة .. تخلينا في مواقف غريبة وعجيبة .. سبحان الله ... هذي المرة الوحيدة الي صارت لي حركة الصدفة .. بهالشكل .. أما باقي القصص مآسي .. ^^

منورة قلبي ..