[زكي الياسري]

حزني ثق من حزن كـــــــــل الناس احله
يمكن بكل القصص
ما صـــــــــار مثله
لكن شويونه يشبه حزن عنتر
على عبله

[ابو ياسر الكعبي]

من زغري وأنه تاجر بالأحزان
ودكاكين المواجع مشتريها
بكاروكي وعليّه اتلولي الآلام
تغطـّيني بدمع اُمّي وبجيها !!

[ابو ياسر الكعبي]

حسدتك ياوجع چي تسهر الليل

وتسامرهم وتسمع كل بچيهم

تبات اويه الجرح بأمواج الدموع

وتِگلّب كل مواجعهم عليهم !

[زكي الياسري]

اْنه وضيم الحِزن چَن فندق وضيف
لكَه ابحي الأسِكنــــــــــــه عَقد دائم

[زكي الياسري]

كِشَفت اسرار حزني اكَبال الاغراب
بـِـچـِوا چني چــِنـت منهم و بيهــم
و من كثر الدموع السالت انسيـــت
وصرت انشد علـى السبّــب بچـيهم

[ابو ياسر الكعبي]

يقول شريك الوجَع ....


أنه جروحي سمه وتتماطر جروح

وأشد منهن جرح منك لفاني

هِجَرت الشوک مثل طيور بستان

هجر بستانه وبهجران اجاني

أحِن حَن الفصيل الذيچ الايام

وأموتن واحترِگ اكثر عساني ..!!

[ابو ياسر الكعبي]

نعم ياشريك الوجع

أحِن حَنّة حمام الدوح للنوح

ومن يحچي الدمع يسكت لِساني

تماطرني حزن وامطرلك جروح

وأنوح بكل كياني البيه كياني

إذا عالحَرِگ گبلك أحرِگ الروح

وإذا عالموت من گبلك عساني ..!!

[سفينة البحار]

ردت ارسم هلال الجرح رسميت ... وردت ارسم نجوم ارسمت سجينه

وردت ارسم ضحكتي ما ندليت ..... خذتني ايدي غفل رسمت بواجينه


تحيـــــــــــــــــــــــــــــــــــاتي

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

ردت ارسم هلال الجرح رسميت ... وردت ارسم نجوم ارسمت سجينه وردت ارسم ضحكتي ما ندليت ..... خذتني ايدي غفل رسمت بواجينه تحيـــــــــــــــــــــــــــــــــــاتي

الله الله

يالروعة هذا النزف


ودّي

[ابو ياسر الكعبي]

دفهّمني الجرح ؟ ما أفتهم معناه !

لأن كلّي جرح من جدمي للراس

جرح يمشي اعله طوله ودمّه مشخوب

اشيجاوب لَوَن عنك سألته الناس ..!!