[كريم السعبري]

الحبيب الغالي ابو حيدر الورد
السلام عليكم
حب حيدر ابروحي شيد اهرام
وغصب عني كمت الهج باسمه
واذا موبسمه اردد ابد مانام
وكون اطبع عله الجفنين رسمه
السعبري

[القلب الاسير]

اقتباس : المشاركة الأصلية كتبت بواسطة كريم السعبري [ مشاهدة المشاركة ]

الحبيب العزيز الغالي الاخ والصديق الكبير الكبير احمدرفيش السلام عليكم عهد منطي الك ياأحمد رفيش أظل عل العهد واني عد كلمتي حبيبي وتاج راسي وانته بالروح واضل وياك احفظهه لصحبتي يجمعنه سوه حب ابو السجاد وتدري حسين ترخصله دمعتي خادمكم السعبري

بلسم طيب حرفك صدك انت وياي ..... مولاي من اشوفك روحي الي ترجع
من الكة الجواب بصفحتك ينصاغ .... بسم حسين وادري حبرك المدمع
ياسيد كريم السعبري انطيك .... عهد مني والك وحسين هم يسمع
لابد نبقى دوم الخدمة المظلوم .... ونضل جوهر كرامة بكل حرف نطبع
وانخة الزهرة اريد وياك بالميعاد .... من تشفعلك انت انخاها الي تشفع
خادمك الاقل
احمد رفيش

[القلب الاسير]

اقتباس : المشاركة الأصلية كتبت بواسطة كريم السعبري [ مشاهدة المشاركة ]

الحبيب الغالي الكبير الكبير ابوحيدر السلام عليكم اني بهل العذر صدكني محتار يبن رفيش كلي شلون احاجيك لوتدري اضل يومين بالبيت وثلاثه يخلصن بالسيراميك ههههههههههههه اخوك وخادمك السعبري

صدك حلوة هاي..... يا مولاي
يوفقنة الله .... موحدي ...... انت وياي
تحياتي يالغالي
الاقل
احمد رفيش

[كريم السعبري]

الاخ الغالي والحبيب الكبير الكبير
احمدرفيش
السلام عليكم
اعتقد بالله اخبرك يحمد رفيش
من امتدح جدي وال بيته
اذا حصل شهاده من ابو الزهراء
تحصل عشره انته عل قريته
ولان حسين جدي وواجب ارثيه
بس تدري المحب اكبر هديته
وانت المحب ادري وخادم شبيك
والمثلك الزهره تحل قضيته
كريم السعبري ينخه احمد رفيش
يريد الزهره تمضيله هويته

السعبري

[القلب الاسير]

الك وردة ازرعتها بعيني يا مولاي ..... حتى دموع شوكي بلهفة ترويها
اذكرك بشتياقي بليلة لو ساعات .... يومية امر بيها انت مر بيها
خادمك
الاقل
احمد رفيش

[كريم السعبري]

الاخ الغالي احمد رفيش
السلام عليكم
ماعايفهه اني حته امرهه بشوك
موهيه التضمد جروحي والهم
اسئله للجبوري يعرف حكوك
اذا موهيه يكدر جرحي يلتم
تحياتي السعبري

[القلب الاسير]

شامل وي صادق سالوا اعليك ..... وتحيات وسلام بعيني شايلهن
تاج الراس صغناك احنه يا مولاي ..... عدنه ارواح اخذهن هاك واسحكهن
من الحلة تجينه والرسل بغداد ..... جمايلكم يسيد كلي شيردهن
خادمك
الصغير الاقل
احمد رفيش

[كريم السعبري]

الاخ الغالي الكبير الكبير احمد رفيش السلام عليكم
تدري بشامل وصادق عزيزين
ما بالغ اذا كتلك عيوني
افهملي كلامي يحمد رفيش
مثل ما حبكم انتم تحبوني
سلامي الكم وللبركي اوديه
يهزكم شوك بلكي وهم تجوني

تحياتي السعبري

[ابو ظاهر البركي !]

نجيك بحيل الله لابد بيوم
مثل ماشرفتنه والنه من جيت
الك بصمات سيد بين الظلوع
وي رياض من طبيتو للبيت
شوكت تكرروها وتفرح الروح
ويطبنه الخير سيد لون مريت


خادمكم
ابو ظاهر البركي

[كريم السعبري]

الاخ ابو ظاهر البركي كل الود وليس هذا الرد وسارد عليك لاحقا انشاء الله
اليوم اجي لبو صخير واخبر احمد رفيش ومايرد ارجو الجواب بسرعه
السعبري