ابو ذيات جميله لكل الاذواق - الصفحة 6

احمد العراقي · بتاريخ : 15-07-2009 الساعة : 07:00 PM

على الدنيا نذب والصوج بينه
وهمومك من قرابه وياك بينه
شما داريت تخفي الجرح بينه
مثل همي الغطاك وذيج هيه

واكول

نسولف عالذي متعوب بالحال
يكدّ وما تصف دنياه بالحال
الذنب بيها تعز وياه بالحال
ابعسر عگدة جفاها وبالاذيه

-----
تسولف بيه وتقطع بلحماك
اضل لا وين المن لك بلحماك
ادور ليـــش والعله بلحماك
وتذر الملح بجروح الطريه

واكول

عليله الروح ما واحد حملها
وفلا شافت حمه ابظله حملها
الوكت ما صاح وياها حملها
شوچة ضيم راوتها المنيه

----
سدى علتي ترى صارت بلحمه
وكباحه الواحد يشهر بلحمه
طك وانفطر ظل حاير بلحمه
وياه للموت ما اقعد سويه

واكول

الگطع لحمه ابحچي معلوم ضرباه
غفل ما يدري سوط لسان ضرباه
ضرب نفسه وطلع محصول ضرباه
صفر چيه ما حفظ منّه بگيه

تحياتي عمي الغالي ابو تركي

احمد العراقي · بتاريخ : 15-07-2009 الساعة : 10:16 PM

سمل ثوب النوايب ما ردانه
وسهم كلمن بغضنه ما ردانه
نكع غيض الليالي ما ردانه
درانه ابزود نمضي وبالحميه

تحياتي عمي ابو تركي

البدري14 · بتاريخ : 15-07-2009 الساعة : 10:43 PM

اقتباس : المشاركة الأصلية كتبت بواسطة احمد العراقي [ مشاهدة المشاركة ]

سمل ثوب النوايب ما ردانه

وسهم كلمن بغضنه ما ردانه
نكع غيض الليالي ما ردانه
درانه ابزود نمضي وبالحميه

تحياتي عمي ابو تركي

تسلم
----
سهم اعداك طايش ما يردكم
موح انحدر عالي ما يردكم
سد دوكان يعجز ما يردكم
عتاب ونعم ياهل الحميه

تحياتي

خادم الشيخ الكوراني · بتاريخ : 15-07-2009 الساعة : 11:52 PM

احسنتم شعرائنا المبدعين الرائعين حجي ابو تركي والشاعر الفاضل احمد العراقي موفقين ان شاء الله

البدري14 · بتاريخ : 16-07-2009 الساعة : 01:16 AM

شكرا لمرورك تلميذ الشيخ الكوراني
اسعدني تواجدك بالتوفيق بحق محمد وآل
محمد

احمد العراقي · بتاريخ : 16-07-2009 الساعة : 01:14 AM

اخي العزيز تلميذ الشيخ الكوراني
احسن الله اليكم اخي وبارككم
شرف لنا ان نرى متابعتكم واعجابكم بما ننشر
لاعدمناكم دوما
تحياتي

احمد العراقي · بتاريخ : 16-07-2009 الساعة : 01:48 AM

حي الله عمي ابو تركي وثلت انعام منك

كفو منكم يمن للطيب منبع
الكم بالحمية باع منبع
شريناكم بعد للموت منبع
ومحال ابيوم نترك هالخويه

البدري14 · بتاريخ : 16-07-2009 الساعة : 05:22 AM

اقتباس : المشاركة الأصلية كتبت بواسطة احمد العراقي [ مشاهدة المشاركة ]

حي الله عمي ابو تركي وثلت انعام منك

كفو منكم يمن للطيب منبع
الكم بالحمية باع منبع
شريناكم بعد للموت منبع

ومحال ابيوم نترك هالخويه

انا اخاف المتابعين يقولون الجماعه بدوا واحد
يمدح الثاني لذلك راح اطلع من المدح لان عتاب
غنية عن امدح وانتم من روؤس العرب
-----
نرد للي عليه الدمع هماي
مثل نو الثرياء عليه هماي
ابن حامي الحمى طلبته هماي
وخنازير الفرات تفوج ميه

هلا بيك ابو شهاب

عاشقة النجف · بتاريخ : 16-07-2009 الساعة : 03:22 PM

مجارات ولا اروع
وتستحق التثبيت..

احمد العراقي · بتاريخ : 16-07-2009 الساعة : 03:48 PM

الله يخليك عمي ابو تركي والنع منك والله

بارك الله تعالى بك لهذا التحول الى خط اهل البيت عليهم السلام

ابثورته للمجد دگ ساس وثبات
و گضه حسين لزمانه اسنين وثبات
الكرامة انصاغت من ادماه وثبات
عليها الي حصل بالغاضريه

تحياتي عمي العزيز