[زهرة الفردوس]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم

إسمع يظالم انت و عبيدك لا ما نسالم منصافح ايدك
يوم الخندق ينعاد و انحضرك يبن ازياد
*
للجنه حب حسين اشرف وسيله غايتنه احنه اوياه حره و أصيله
ما نلقه بين الناس قائد بديله و لا تنجب الأكوان واحد مثيله
و هذا انت يبن ازياد نفسك ذليله جامع ضعاف انفوس من كل قبيله
عيش بخيالك فاشل منالك جينه القتالك انت و رجالك
و هذا العكسر ينباد و انحضرك يبن ازياد
*
جامع حشد جرار زمرة نواصب و اتوضح ابعيناك سوء العواقب
مهما جمعت اجيوش وسط الحرايب ابهمة عزمنه انبيد هاي الكتايب
جينه و حسبنه احساب كل الجوانب شفنه الخلود ايريد نمضي و نحارب
جينه ابعزمنه نعرض هممنه بالحومه دمنه ايخلد اسمنه
جينه انحقق أمجاد
*
بالدنيه يبن ازياد فاشل مرامك يوم الحشر بالنار يصبح مقامك
اتعنينه بالأسياف نعلن خصامك و انكشفت ابكل حال ساعة ختامك
منهابك و منهاب سلطة نظامك مهما تصب نيران جور انتقامك
منهابك احنه و بالهمه صحنه من دم جرحنه انشيد صرحنه
بالطف حان الميعاد
*
من هالحرب متنول غير الخساره و لا يخدعك ذيباج قصر الإماره
جيش و طلع وياك ابوسط المعاره ابهمة عزمنه اليوم نعلن دماره
أنصار أبو السجاد احنه الغياره و ريح الأجل بالسيف نكشف غباره
و بها الملاحم لا نظن نساوم لا تبقه واهم احذر يظالم
و الخالق بالمرصاد
*
بالهمه و الإيمان و المعنويه جينه و نريد انزول دولة أميه
نحمل مهج و انفوس حره و ابيه و بكل ثبات انخوض بحر المنيه
و دم النحر لو فاض بالغاضريه للأمه دمنه ايصير أثمن هديه
الواجب دعانه انأدي الأمانه و نعرض دمانه لجل الدنيانه
جينه ابكل إستعداد
*
يوم الهلاك اليوم يوم الإباده و جيشك يظالم حان موعد حصاده
و احنه ابعزم فياض و بكل إراده بالحومه نفتح باب درب الشهاده
و اعرفنه حب حسين أشرف عباده و اللي يتبعه اينول تاج السياده
حسين اكتشفنه يعرف هدفنه للحق هتفنه و بيه اعترفنه
لجله انقدم أجساد
*
لا يغيرك ابدنياك عرش الزعامه ما تلقه يبن ازياد غير الندامه
طغيانك ابها اليوم يصبح ختامه و كل طاغي بالأقدام نسحق نظامه
نبذل دمه و أرواح لجل الكرامه و ساعة نصرنه اتصير أوضح العلامه
ابلهفة أملنه للطف وصلنه صادق عملنه و ساعة أجلنه
تصبح ساعة ميلاد

[زهرة الفردوس]

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم

بسم الله الرحمن الرحيم
السلام عليكم ورحمة الله وبركاته


السلام على عشاق الله الواحد الأحد ...السلام على عشاق الرسول الأعظم محمد ...السلام على عشاق بنت الرسول الزهراء البتول...السلام على من اتخذ طريق علي بن ابي طالب طريقه...السلام على عشاق السبطين الحسن والحسين...السلام على عشاق آل البيت وشيعتهم...السلام على منتظري صاحب الراية الفائزة حبيبنا الإمام المهدي عج...ورحمة الله وبركاته


السلام على ابي عبدالله الحسين وعلى الارواح التي حلت بفنائه ..
يالتنا كنا معهم فوالله لنفوز فوزا عظيما
[ ذاك المُنى لو أن ذلك يحصلُ ]


لقد كتبتُ لكم القصيدة الثانية التي ألقاها الملأ باسم الكربلائي ليلة رابع محرم
وهي [ اسأل وين وآنه ابحيره ]
للشاعر الحسيني المتألق [ عبدالخالق المحنّه ]
حيثُ كانت كلماتها مؤثرة جدا إلى جانب طريقة الإلقاء ..
والذي طالما تعودنا ان يكون الإلقاء متميز ..



اسأل وين – وآنه ابحيره
عن احسين – مو عن غيره
جاوب لا تحيرني – مو عالأربعه اخبرني
عن احسين مو عن غيره


لاتشرح أكثر يالحادي – شوف ابحالي اشسوّى البين
اسأل عن احسين اوليدي – جاوب واتهل دمع العين
عبدالله وجعفر يالحادي – كلهم فدوة إلوجه احسين
من سمعت عباس انهارت – قامت تصفگ بالچفين
فدوه اتروح – كل ويلادي
لأجل احسين – روح الهادي
حسّت بالهضم روحي – واسمع صرخة اجروحي
عن احسين مو عن غيره



گال إلها احسن اعلى الغبره – عاري وظل ابلا تغسيل
واخيول اعداه رضّت صدره – وعالأيتام اتدوس الخيل
لاخيمة إلظلت عد زينب – لاحامي إلظل بس اعليل
ردّت مكسورة ومهمومة – بس ادموع الحرقة اتسيل
كون اوياه – گطعوا نحري
من فرگاه – يجزع صبري
ماريد العمر يبني – جوابي لليناشدني
عن احسين مو عن غيره



آنه وصبري وليل اغيابك – وادموعي وحسرة فرگاك
واتأمّل ترجع يوليدي – ماتسوى الدنيه ابليّاك
وصّيت اشبولي ايضحّولك – دمهم يرخص لجل ادماك
كافل زينب نور اعيوني – أعرف ما گصّر ويّاك
ياعباس – رفعة راسي
يانبراس – أهلي وناسي
نعمَ الناصر اوحامي – يوليدي الگلب دامي
عن احسين مو عن غيره




بعد إلراحوا من اعيوني – ماظل غير الوّن والنوح
وإلمثلي ايعيش اويه اجروحه – وايطوّل ليل المجروح
آنه ام إلگطعوا چفينه – وآنه ام احسين المذبوح
اي وادموعي ونار احزاني – انحب لمّن روحي اتروح
تسعر دوم – نار امصابه
المحروم – من احبابه
بعدك مانمت ليلي – دمع العين يحچي لي
عن احسين مو عن غيره



يوليدي اوكل يوم ابني لك – كوم اتراب امن الأحزان
واتصوّر گبرك واشكي لك – شكوى الضايع والحيران
وابچي إلحد ما گبرك يغرگ – بلكت يتروّى العطشان
يالضايع مني اوضيعني – بين المدمع والنيران
ليل انهار – تجري ادموعي
تسعر نار – بين اضلوعي
تلهب من يطفّيها – حسرة وجرحي اعليها
عن احسين مو عن غيره



كل نظره إلطفلك احسبها – من جمرة گلبي الملهوف
يحسين السيف إلحز نحرك – منّه ابعيني اتنام اسيوف
روحي اتصيح إلصوت اطفالك – عشت اوياهم ليل الخوف
انته النور ولو ماشوفك – ما ينفع يالغالي الشوف
ليل اهموم – ليل احبابك
راح النوم – بعد اغيابك
خوفي اوّحشة اسنيني – وانشد من يدلّيني
عن احسين مو عن غيره



سهم إلصوّب گلبك يبني – بس گلب الأم يتلگاه
والزهرة إلتعرف آلامي – نفس الحرقه ونفس الآه
عميه الخيل إلرضت صدرك – رضّت ضلع امك ويّاه
علّمت الروح اعلى الونّه – يوم امصابك ما انساه
جاري الماي – نار ابصدري
ظلّت هاي – لآخر عمري
ضامي وما شرب منّه – ويّ إلماقضت ونّه
عن احسين مو عن غيره

[زهرة الفردوس]

لبيك يا ثار الله
*
صوت الوجدان اينادينه النصرك يا مهجة هادينه
و ابهالدافع للطف جينه و الدافع يحمل معناه
*
مدفوعين ابدافع حبك انمد ارقاب سور الدربك
نقسم يبن الزهره ابربك نلحق دربك نتعناه
*
نتعنه و كل واحد منه يظهر لك صولات و فنه
يبن الزهره و بس ترخصنه كل فارس يتعاله انداه
*
شوف اشيعمل بالحومه الحر هيهات الحر بالشده ايفر
بيده الرايه و جاليث ايكر و اتطرز هالجلمه الواه
*
عابس يصرخ هاكم فني عريان أستشهد متمني
حب احسين اللي جنني و كل عاشق تذرف عيناه
*
و مثل أنصارك يبن الزهره سرنه و نبقه ابنفس المسره
بالشده و ساعات العسره خطك يا حسين اتبعناه
*
و كلنه انصد اعليك و نربي نهتف حبك يسري ابقلبي
سلمك سلمي حربك حربي و هذا شعار و ما ننساه

[زهرة الفردوس]

أنصارك ما نخلف عهدك
يا والينه يا والينه
*
أنصار احسين ابن الزهره وقفت بالحومه و منتظره
ناده حبيب انريد البشره ترخصنه و نوقف عد حدك
*
إنته القائد و احنه اجنودك نوقف يا حسين اعله احدودك
ما نخلف يا الضامي اعهودك هيهات اتظل بالطف وحدك
*
بالطف هيهات إحنه انعوفك وحدك و العدوان اتشوفك
إحنه ابيوم الشده اسيوفك يا الما درت الظالم خدك
*
منك يا حسين اتعلمنه للحق انموت و ما يهمنه
أرواح و أعمار و دمنه نفديها و نرخصها ابسدك
*
قبلك نتقدم للحومه صد للطاغي و جيشه و قومه
أنصارك عندك معلومه اشحده الرايد يوقف ضدك
*
خل عينك هذا اليوم اتقر أنصارك أحرار و كل حر
هيهات الحر بالشده ايفر لا و الزهره و روحه الجدك
*
عنك بالأرواح اندافع جون و حر و ظنوة نافع
إحنه أنصارك و إنته الشافع و امواعدنه ابجنة خلدك

[زهرة الفردوس]

ولدي يا ريحانة عمري هل ينفعني بعدك صبري
ودعتك و أنا لا أدري هل ينفعني بعدك صبري
............
يا سلوة حياتي اشلون ودعتك يبني يا علي و اشلون فارقتك
ساعه لو تمرني و بيها ما شفتك أحس جني شهر يوليدي ضعيتك
آنه امك و يا ما ابحظني نيمتك و من عطفي و حناني يا بني ارضعتك
و كل صبح و مسه ابلهفتي امقابلتك و أشعر بالسعاده لون قبلتك
يا شهداً ما زال بثغري هل ينفعني بعدك صبري
*
ودعتك و عمري المضه أتذكرته و حيلي يا علي البرباك هدمته
و الليل البعين الأمل ساهرته تنام انت ابسعاده و أنا ما نمته
و مر صبر الزمان البيه تجرعته و قلبي بالحنان اعليك تعبته
مو هذا الذي امن الدهر رايدته و لا هذا الحساب القبل حاسبته
تتركني و دموعي تجري هل ينفعني بعدك صبري
*
اشلون أحمل افراقك مو سهل يبني و بيك القلب كل ساعه يطالبني
يا البيك الدهر دولابه دولبني يابني و قبل وقت الشيب شيبني
يالأكبر أنشدك و انت جاوبني أظل برجاك ياللي اربك تعبني
خوفي الزمن بغيابك يصوبني شصبر و الصبر بعدك يعذبني
يا يسريَ في ساعةَ عسري
*
للحومه يلكبر من رحت عني ما نشفت دمعتي و لا سكن وني
و قلبي لو جنت تدري اشطلب مني يقلي الحومة اوليدج علي اتعني
قمت لجن اجذامي ما يعينني من كثر لهموم اللي تولني
رقه حيلي الزمان و بيك دوهني اشلون أقطع ونيني و انقطع ظني
النارُ بإحشائيَ تسري
*
بقيت بخيمتي و اعيوني اربيه و منك يا عزيزي انتظر جيه
و أسمع صوت أبوك ابونه مخفيه ينادي بألم القلبه و بواجيه
أدعي العلي اوليدج صفي النيه و أدري ابدعوة الأم دعوه مقضيه
صحت يا ربي نزل عطفك اعليه يا الرديت يوسف رد علي ليه
فوضتُ إلى الخالقِ أمري

[زهرة الفردوس]

للــشــدد يـبـنـي جـنـيـتـــك تـالـي بـالمـصـرع لگـيـتــك
أصـــرخ وگــلـبــي حـزيـن مـن بـعــد ذيـــــچ الـسـنـين
تـالـي بـالمـصـرع لگـيـتــك
* * *
يـا غصـن عمـري السگيته بالدمع ازرعتك بگلبي ويحاميك الضلع
يبني ما حـسـبت غصـنـك يـنـگطع وجسمك گبالي يالاكبر ينصرع
تــحـــيــرت واصـــبـرت نــاطــــرات واسـهـــرت
يـــا تـعـب ســـهـر الليــالي هــذا مـا چــان اعـلـه بـالي
أگـضـي عمـري بـالـونـيــن مــن بـعــد ذيـچ الســـنـيـن
تـالـي بـالمـصـرع لگـيـتــك
* * *
اسگيت عودك يبني من ماي النظر حـسَّــبت تـكـبـر ويـنـفـعـنـي الثمر
يبني ما چنت احسب احساب الدهر لــن اشــوفـك تالي محزوز الـنـحر
جـمــرتــــي ابـــچـــبـدي ولـوعـتــي ابـمـهــجـتي
انـتـــظـــر وبـگـلـبي ناري يـبـنـي چـــاويــن انـتـظاري
وانـكـتــب فـــوگ الجـبــين مــن بـعــد ذيــچ السـنـيــن
تـالـي بـالمـصـرع لگـيـتــك
* * *
سـنين ربـيـتـك يـالأكبـر واسـهـرت وانـتـظـر يـولـيـدي تـكـبر واكبرت
لـنــي شـفـتـك شاب بعيوني صرت يـبـنـي لـمـن فـارگـتـنـي اشـفـكرت
اشـحـسّـبـت مــن غـبـت اتـغـــرَّبـــت وشـيَّـــبـــت
عـالــدرب ظـلـيـت اتـانـــي يـبـنـــي خـــلانـــي زمـانـي
أصـفـــج ايـسـار ابـيـمـيــن مـــن بـعـــد ذيـچ الـسـنـين
تـالـي بـالمـصـرع لگـيـتــك
* * *
اكـبـرت يـوليدي وفرح بيك الگلب لـنـي شـفـتـك واگـف ابساحة حرب
عگب ذيچ الفرحه لن دمعي يصب عگـب دارك صـرت بـديـار الغـرب
امـصــوبــه ابـنـــايـبـــه امـطــالـبـــه بـــالــربــــه
يمـــتــه يـالأكـبــرتـجـيـنـي عـالـــدرب مـشـبوحه عيني
وسـفـــه يـا لـيـث العـريــن مــن بـعـــد ذيــچ السـنـيـن
تـالـي بـالمـصـرع لگـيـتــك
* * *
صـحت بالخيمه ودمع عيني ايهلي يـــا إلاهـي أقســم بـغـربــة هـلـــي
ردلــي مـن المـعـركـه وليدي علي مـثــل مــا رديـت يـوسـف ردّه لــي
وانـدعـيــت مـن مشـيت يـبـنـي ريت يـمـي جـيت
وارجـعـتـلـي وصـبـرتـنــي وهــم عـفـتـنـي وفـارگـتـني
بــالــمـدامـع والــحـــنــيــن مـــن بـعــد ذيـچ الـسـنـيـن
تـالـي بـالمـصـرع لگـيـتــك
* * *
اشـبـحت عيني والگلب يسعر جمر شـفـت اُبوك ايوصّي زينب بالصبر
ناشـــدت مـن عـمّتك شـنهو الأمـر گـالـت ابـنـچ عـلي اطاح من المهر
ابـحـومـتـك جــــثــــتــك وغــدرتـــك دنـــيــتـــــك
مـن عـگـب لـيلي السهرته وكــل تـعـب عـمري التعبته
شـــفــتـك اگـبــالي طـعـــين مــن بـعـد ذيــــچ الســنـين
تـالـي بـالمـصـرع لگـيـتــك
* * *
يـبـني جسـمك طاح ما بين الخيول والسـفــك دمـك سـفـك دم الـرسول
حرت شـعتب عالدهر يبني شگول ريت عمري اخلاف عمرك لا يطول
گـلـبـي ذاب بالـمـصــاب مــن العتاب راسي شاب
والأشـــد واعــــظــم عليــه مــن عگــب خــدري سبيه
وانــــت بـالمـصـرع رهيـن مــن بـعـد ذيــچ الـسـنــيـن
تـالـي بـالمـصـرع لگـيـتــك

[زهرة الفردوس]

طلع شبل احسين من امخيمه
مدرع و مطوس و مشهر صارمه
........................*
صارمه و الدرع يتبارن سوه
ووجنت الحره بوجنته أم الضوه
حين شافه احسين دلاله التوه
وين يبني اتريد يا بدر السمه
قال أريد الكون ويه أهل الرده
و هاي روحي اتروح لوجودك فده
كل اخوتي اليوم و اهلي اممده
اشلون أتم اخلافهم عيني العمه
يا علي وافيتني حد الوفه
و لا خلف مثلك شبيه امخلفه
بيك نتسله بوجه المصطفه
جيه تفارقني يا روحي اموالمه
و الذي بالمكرمه الطيب انتسب
ما تبره من الغرايب و العجب
ما سوه الروح بطعنته ما سلب
و زانته بس بالسيوف امنظمه
و عين ليله شابحه بوجه الحسين
و الحسين الظنوته شابح العين
بين ما ما فرحان بيه و مستعين
انخطف لونه و تكور محزمه
نادته ليله يبن سيد البشر
لونك اتغير و أظن عندك خبر
جره إعله ابني نايبه كَللي و ضرر
نعم جاوبها يا ليله المولمه
انحدر لبنج عليه فارس شديد
رُبه بحجر الحرب قابع بالحديد
ما بقلبه من رحم كافر عنيد
خايف إعليه لن يصيبه بلهدمه
اسمعت خطبه من رسول الله و جواب
يفرج الكربه و يشفي من الصواب
اندعي لبنج دعه الام مستجاب
لعل ربه من ايد هذا ايسلمه
طبت الخيمه و اهيه امدلعه
صاحت بمهجه صديعه امولعه
رفعت ايديها و جادت بالدعه
و الدموع اسحاب جنها ساجمه
تسجم ادموع المدامع كالسحاب
فوق خدها لاجن اوياها التهاب
ميلت برقعها عنها و الحجاب
و أشخصت بعيونها الرب السمه
نادته بعبرة دمع علخد يكت
إلك ما للغير بعيوني اشخصت
يا من اليعقوب يوسف عودت
عود ابني علي و اهلك ظالمه

[زهرة الفردوس]

الأكبر في الميدانِ
ليث بين الفرساني
........................
بأس من الكرارِ
عز من الأطهار
نور في عين الثار
يهدي بني الإنسان
هذا شبيه الهادي
بالخلق و الأمجادِ
من عترةٍ أسياد
بالنص و البرهانِ
مادام الأكبر باقي
للسبط ذرعا واقي
فالدين في الآفاقِ
موطد الأركانِ
سل عنه يوم الطفِ
عن بأسهِ و السيفِ
لم يعرف معنى الخوفِ
حين التقى الجمعانِ
كم فارسٍ أرداهُ
فوق الثرى أبقاهُ
لا ينجو من لاقاهُ
مهما يكن ذا شأني
ينقط نسرا حائم
لا يغمدن الصارم
إلا في قلب الظالم
و الغادر الخواني
المجد للإسلامِ
رغماً على الظلامِ
ما دام الأكبر حامي
فالظلم دوما ثاني
لا أنسى لما أقبل
بكرا قدام الجحفل
من بأسه لا يجهل
إذ عُد في الشجعانِ
ليلى فاضت عيناها
تدعو الباري مولاها
و السبط يدعو الله
أن يهلك ذاك الجاني
عاد الأكبر ذا بأسِ
نحو أبيه بالرأسِ
أفديه مني نفسي
من فارس مطعانِ
ضام ما بين العسكر
و القلب جمرا يسعر
يشكو للسبط الأطهر
هل ماءٌ للضمآنِ
ضامي بين الأعدائي
ما ذاق طعم المائي
و السبط في الرمضائي
ذو خافق عطشانِ
نادى مولاي ادركني
قد نال الطاغي مني
يجزيك الباري عني
يا سيد الشبانِ

[زهرة الفردوس]

ريتك حاضر يا بو الحمله ريتك حاضر
مسلم حمل لوعات يالتحضر الشدات
ريتك حاضر يا بو الحمله ريتك حاضر
........................
جرح قلبي و جفن ما فارق المدمع إلك أشرح مصيبة مسلم و تسمع
مصيبة و من حزنها الطود يتصدع من الكوفه و بعد يا علي اشتتوقع
مصيبة و لو ردت أذكرها يالأنزع أخاف اعليك أخاف الطبره تتوسع
تلهب ناري من أذكر مسلم تلهب ناري
هاي اعباري اتفيض و تنزف هاي أعباري
وشتنفع العبرات يالتحضر الشدات
............
عله الموعد وصل مسلم لبو السبطين للكوفه و تعنه بأمر من احسين
عقب ما بايعوا نقضوا عهود الدين اعله صوب الظالم ابن زياد منجرفين
و مسلم ظل وحيد و ظل يدير العين ما يدري يحيدر يتجه لاوين
نكروا عهده أهل الكوفه نكروا عهده
كلهم ضده شاف الوادم كلهم ضده
و انعقدت الرايات
............
بالكوفه و أهلها مسلم اتحير ما يدري النتيجه اشلون يا حيدر
قعد يم دار طوعه الحره يتفكر و بحسرة قلب مجروح يتحسر
بدلاله مواقف ظلت تتوجر تفت صم الصخر هالحال و المنظر
شافت طوعه حالت مسلم شافت طوعه
نار اللوعه ابقلبه استعرت نار اللوعه
يومك جزاه و فات
............
طوعه نادته و منها القلب مرتاب شنهي وقفته يا هذا يم الباب
من انين إنته و لعلك من بلد أجناب لنها تستمع من ابن أخوك اجواب
غريب آنه يقلها و ما إلي أصحاب أريد الماي ضامي أحس قلبي ذاب
بس هالمطلب منج عندي بس هالمطلب
ماي أرد أشرب و آنه الضامي ماي أرد أشرب
أشرح لك المأسات
............
لمن شرب منها الماي ظل محتار لنها اتناشده اشعندك ابباب الدار
تلفت أشوفنك يمين ايسار جنك ما إلك لا أهل لا أنصار
جاوبها يا حره أهلي ناس أطهار عقيل الوالدي و عمي علي الكرار
أرد أتعذر لا ما اعرفتك أرد أتعذر
عمك حيدر صيح و حشم عمك حيدر
و اصرخ يبو الكلفات
............
لن طوعه تكله و أدت المعروف هاي الدار دارك و اعتبرنه اضيوف
إدخل بيها آمن لا يمسك خوف لمن بزغ وجه الفجر لنه يشوف
دار الحره طوعه طوقتها اصفوف طلع و القوم حاطوه ابحجر و اسيوف
عقب الهمه وسفه اتيسر عقب الهمه
ذبوا جسمه من قلعتهم ذبوا جسمه
بالغربه مسلم مات

[زهرة الفردوس]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم
بسم الله الرحمن الرحيم
عظم الله اجورنا واجوركم ..
[ تبكيك عيني لا لأجل مثوبة - لكنما عيني لأجلك باكية ]
[ تبتل منكم كربلا بدم ولا - تبتل مني بالدموع الجارية ]
السلام على ابي عبدالله الحسين ..

لقد كتبتُ لكم القصيدة التي ألقاها الملأ ليلة خامس محرم .. للشاعر الأديب .. عبدالخالق المحنّه ..
كلمات جدا رائعة !!



بالطف يتامه – اثنين
انشد يزينب – وين
بعد الگمر – وين المفر
أنشد يزينب وين



بعد حرگ الخيم والخوف واشباحه
حلم دمع اليتيم ابعين ذبّاحه
مشوا اولاد مسلم خطوه وانياحه
مثل طير الغريب اوتِكسَر اجناحه
راحوا ولا يدرون – كل المسافه اعيون
لاح الخطر – وين المفر
أنشد يزينب وين




تريد الجائزة والكل تتابعهم
ولا إلهم شبه محّد يضيَعهم
للسجّان إجوا واتهل مدامعهم
يتلون الكتاب اوهوّ يسمعهم
من دمعة الأحزان – أطلقهم السجّان
وصّى الحذر – وين المفر
أنشد يزينب وين




مشوا والموت لو تاهوا يدلّيهم
وحوش الليل صارت تحرس اعليهم
إجتهم جارية وشافت معانيهم
هذوله ابدور تنشد وين اهاليهم
لمن اجوا للدار – وانكشفت الأسرار
حارث حضر – وين المفر
أنشد يزينب وين




يسولف والوجه من التعب مخطوف
يتامه اثنين فرّوا وين مايدرون
تگّله اهنا يحارث بس ملكها الخوف
دم احسين كافي وذوله عدنه اضيوف
لمن اجه وشافوه – دمعة فرح لاقوه
صاح الدهر – وين المفر
أنشد يزينب وين




لاح السوط بيده وبان وجه الشر
وابهاي الزغير ايلوذ بالأكبر
لا گلبه انكسر والحرمه ما تگدر
وينك يا علي الكرار ما تحضر
ياحيدر ايصيحون – وابيا حمه ايلوذون
محد حضر – وين المفر
أنشد يزينب وين



گالوا له يحارث ليش تاذينه
يحارث بيعنه وأخذ الثمن بينه
يظالم عاد لإبن ازياد ودّينه
گالوا له نصلي انريد خلينّه
دمعة وداع اطفال – وايعاين الچتال
سيفه انشهر - وين المفر
أنشد يزينب وين



منهو ايريد منكم ينذبح أوّل
صاح آنه الچبير اوگال لا تسأل
يحارث خل اخويه اوگام يتوسّل
ذب روحه الزغير اوگال لا تفعل
شاف العجب واحتار – وانشبحت الأنظار
صاح النحر – وين المفر
أنشد يزينب وين



گطع راس الچبير إلما عرف رحمه
وإجه يم الزغير ايصيح وايشمّه
يغمض اعيون اخيّه وينظر إلدمّه
والحارث تظن هالمنظر ايهمّه
ظل الزغير اينوح – لن اعلى اخوه مذبوح
صوت النهر – وين المفر
أنشد يزينب وين


مأجورين شيعة موالين ..
نسألكم الدعاء ,,

تحياتي
.||. اماني الزينبيات .||.
خادمة اهل البيت (ع)