w.p.m news
إعتقال عضو بجمعية العمل الإسلامي والأستاذ بحوزة خاتم الأنبياء (ص) العلمية "سماحة السيد محمد علي العلوي" فجر اليوم السبت من منزل عمه في مدينة عيسى كما قامت قوات الإحتلال بمداهمة شقته بمنطقة عراد وسرقة مقتنياتها وأغراضها.
ويقوم جهاز المخابرات أيضا بإستخدام جهاز سماحة السيد "البلاك بيري" لتتبع بريده الإلكتروني وحسابه الخاص في الفيس بوك وإ...ستدراج من في قائمته.
شكلهم هدموا المساجد الشيعية اللي قريبة من بيتنا فعلاً لأني ظليت قاعدة للصبح وللحين مانمت وما سمعت صوت أذان شيعة نهائياً وحسب ما سمعت إن الجمعيات الطلابية قالت إن الإضراب عن الدراسة بيرجع إبتداءً من اليوم ومع هذا أمي مصرة إلا تودي أخواني المدرسة بس وحدة من خواتي أصرت توقف ويايي وقالت خلاص ما بتروح المدرسة خصوصاً عقب هالضغط اللي مو طبيعي وصاير على الطلاب وهم أصلاً مو فاهمين شي من اللي قاعدين يمتحنون فيه غير هذا ثلاثة امتحانات إلى خمسة في يوم واحد وهم مو ملحقين يدرسون ويش ويتركون ويش ومع هذا بقية اخواني يقولون لازم يروحون المدرسة عندهم امتحانات ومادري ويش أشكره بيرسبون وأمي مو راضية تقتنع بكلامي ومصرة توديهم وكل مرة أقول ليها خطر عليهم تقول ليي بتستطلع الوضع قبل ما تنزلهم المدرسة يعني إذا الوضع عادي بتوديهم مو مشكلة مع انها تدري عن الإضراب
أصلاً هي بيصير عليها ضغط لين بتدرسهم وما بتقدر تستحمل إذا الواحد منهم وخصوصاً الابتدائي عنده ثلاث امتحانات في اليوم وكل امتحان في مادة غير الثانية جيف بتلحق عليهم تدرسهم كل هذا عشان جدي قلت ليها أني ما بدرس أي أحد يحتاج تدريس لأني مو راضية إن تودينهم المدرسة وهم مو مقتنعين بنصيحتي خلهم يتحملون ويتعبون وفعلاً من راحوا لحد الحين هم يصيحون يقولون كله امتحانات ومو فاهمين شي وبنرسب وأني ما درستهم لأن هذي الطريقة الوحيدة حق اضغط عليهم لا يروحون واضغط على أمي بعد بشكل غير مباشر لأنها ما بتقدر تدرسهم كلهم ولا بتلحق على واحد منهم حتى بس للحين هم يروحون ويقولون هم وأمي مستقبلهم وما ادري ويش مع انه اشكره بيرسبون لو استمر الكورس ومحد بينجح مو بعد تفوق
هاذي المشكلة اللي صايرة في بيتنا ومحد حاس بالوضع غيري أني وأختي مع إن أمي شافت بعيونها الهجوم على وحدة من المدارس ولحسن الحظ ما صار فيها اعتقالات بس مع هذا اكي رايحة تودي خواتي
الله يخليكم اللي عنده أو عندها حل لا يبخل عليي حتى أقنع أمي بالاستمرار في الإضراب وأني متأكدة إن هالحال مو في بيتنا بس أكيد في بيوت غيره عندهم نفس المشكلة وعلى هالحال حتى الناس اللي أضربت بتكسر الإضراب لين جافت غيرها مو ملتزم فيه وهذا يسهل على المرتزقة عمليات الاعتقالات والكل يدري إن صارت اعتقالات لطلاب وطالبة في مدارسهم وهذا الخطر يشمل المدرسات بعد لأن لو الطلبة ما داوموا بيساعدون المدرسات ما يداومون
العرض المتطور
