[الكعبي ابو ياسر]

نعم وحدك إبّالي . وكان مَن كان
إله ذكرى وبعد هيهات يرجع
لأن ميّت حسبته وغطّته اكفان
دفنته بصبخته وهيهات يطلع
نعم وحدك إبّالي .. تخضر ألوان
إلك كاع الكلب لوبيها تزرع
"
وللنزفِ نبضٌ جديد

[سفينة البحار]

اليك ........

رسمت اسنين عشرتنه مسافات
وبدربك احطهن خطوه خطوه
تعبني المشي ومنادهك وين
وبغيابك اجر النفس كوه
ابتلاني الله بهواك وكلت مشكور
ربي من ابتلاني بهيج بلوه
يل وصلك عتب ومناطرك ليل
ليل المااريدن بيه صحوه
ياعين التشوفك تعمه هالعين
يمخلي الشمس بكفاك تجوه
رد ليه الهجر ما لايك وياك
الحلو لابد اطباعه تكون حلوه

مع نزف الالم ارسل التحايا

[الكعبي ابو ياسر]

إليك...

اشتحط ياخطوه ودروبك بعيدات

أقرُّب تبتعد , ألتفت ملكاك

تندهني وأجيلك , وين ألكاك؟

وعناونينك شبح يطوي المسافات

يالتندل دروبي وتجفي وياي

وجرح تتركني بحلوك الرصاصات

عندي أسرار إلك دافنها بالروح

خاف أحجي وتكضها حلوك شمّات
"
بعض النزف يكمّم فم الجراح

[سفينة البحار]

[سفينة البحار]

اين جراحاتكم ؟؟؟؟
اين آهاتكم ؟؟؟؟
هذا نداء الحائط
هل من مجيب ؟؟؟؟؟؟؟؟؟

[بلورة الذوق]

إليك ...

على الحايط كتبنه شكد جراحات
وعلّكنه المواجع كبل العيون
زرعنه همومنه بمواسم النوح
وحصدنه من العذاب اهدوب الجفون
مناجلنه الدمع والسنبل افراك
وبيادرنه إنتظارات الـ يمرّون
تفاركنه وجمعنه حايط العوز
تحن أرواحنه للمايحنون
وينك مو , كلت كلبي المسافات
إنذبح نحر الأماني بسيف الضنون
"
إنحنائة لـ مَن استوقفه الحائط

[سفينة البحار]

الى حائطي ورواده مع وافر الحب
اغار عليك .... من تروح ..
واغار عليك من ترد ..
من تكرب علي كلش ومن تنساني من تصد
اغارعليك من كلشي
من اشفافي من رمشي
ومن تكوم من تكعد
اغار عليك .. واتمنه
اضمك محد يشوفك
مجنون بهواك آنه واذا ما مرت حروفك
اصيرن مثل حال الماي اليهوه لمسة جروفك
حلال النظر للجفين واستثنيهن جفوفك
لان كلمن يصد عليك احس بي للكلب يمرد
واغار عليك

[الكعبي ابو ياسر]

الى من نزف أبداعه على الحائط ياقوتا ومرجانا

مع محبتي اللامتناهية

"

يامَن حسبتك إلي واتنطّر الجيّتك

عيوني إزرعتها شمع

مختنك بيها الدمع

وروحي فراشة وفه

جنحانها مخضّبه ترفرف على سجّتك

مذبوح كلّي جرح

من الذبح للذبح

تنحرني كلما تجي وتذبحني بروحتك

تابوت نار أصبحت كلبي حطب غيبتك

كم مره كتلك اذا سافرت اترك خبر , لتطوّل بسفرتك

ماعاد أحمل بُعُد

أختنك من تبتعد

ما أنصفتني لجن روحي شكثر نصفتك

تشركني شرك الخشب واتبسمر بلوحتك

كل هذا وانه برضه

سهمك بكلبي مضه

يختنك بيّ الهوه واتنفّسك ابريّتك

"

ساترك حدقتي تنتظر القادم .........

[*أحمد الكعبي*]

مررت من هنا وتلذلذت كثيراً بجراحاتكم

[*أحمد الكعبي*]

عدنا من جديد
السلام على أهل الوجَع
وأهل الأبداع



شخباركم
غافلني بلليل وشرد , گلبي وتعنه لبابكم
يعني آنه هسه أبلا گلب , حَسبّولي عود أحسابكم
آنه بأرض وأنتو بأرض
والگلب صاير يعترض
چي سولفت بيكم أمس
صفگ أجناحه أويالهوى ملهوف أجه أتعنالكم
وهنيالكم ,,
أدري آنه بيكم بس چذب جاي أسئل أعله أحوالكم
سنتين صايرله الگلب عدكم يدگ
وأتنفس أبرية وجع كلهَ بسبب هجرانكم
حايطكم أبنص صفنتي تارك أثر ,,
مامنهدم راداني أعلگله الصور ,,
هسه آنه أجيت وماشفت منطبع چف لآثاركم
والجرح بسماره وگع !
وأشلون أروفنه إذا مو خيط من أحبالكم
شخباركم ,,