[سفينة البحار]

لاتزال الجروح ندية ..
بانتظار بلسم

اختنك من اسمع بطاري جرح
وتنزل دموعي ملح ...
وابقه ادور ذكرياتي ...
واليصح والمايصح
واعقد ويه العتك من جروحي جلسه
وبيهه يتقرر صلح ...
لن بعد مابيه حيل ...
اخذ طول الصبر حيلي
كبل ..............
كبل جنت آنه وكح

تحيــــــــــــــــــــــــــــــاتي

[ابو ياسر الكعبي]

اختنك من مايمر طاريك عالحايط جرح
تختنك بالهوه الريّه ..
ويطش بجروي الهجركومة ملح ....
ليلي ما يطلعله ايل
كل نهاري بلا صبح

[تلميذة الحسين]

جميل ماقرا دامت اناملكم

[ابو ياسر الكعبي]

الى حائط الوجع

يتمثال الوجع مالحظه ناسيك
وصّوني عليك وجيت أمر بيك

أضن خلّص حزنهم كبل لتطيح
ومحّد ناشداك اشبيك ؟مابيك

أمس جانو ابسد فيّك يلوذون
ويعلكون الجروح الداميه اعليك

فتحت الهم عيونك دمع عاشور
وكل ساعه جرح منهم يبجّيك

مامر بيك منهم واحد شلون !!!
ولو بس بجرح واحد يواسيك

كسرو خاطرك يالخاطرك جام
وبعدك واكف الهسه اعله رجليك

اشحسبالك يجونك ؟انت غلطان
شكثر باريتهم !! محّد يباريك

إجيت انفخ بجسمك روح الجروح
ومن تحتاجني عود آنه أمر بيك

تحيتي لكل جرح ندي

[ابو ظاهر البركي !]

لتصدك يحايط مانسيناك
عندي جروح وكحه شدهن الراي
وابو ياسر جروحه يبنن كبار
لذلك جان قاسي شوي وياي



اشتقت لاوجاعكم

[سفينة البحار]

الملم جرحي بلكي يبين زغير
كدام الشماته المايرحمون
واضحك من جذب بس دمعة العين
تنزل عالوجن .. تغافلني وتخون


الى المحتفلين باوجاعهم
تحيــــــــــــــــــــــــــاتي

[ابو ياسر الكعبي]

اقتباس : المشاركة الأصلية كتبت بواسطة ابو ظاهر البركي ! [ مشاهدة المشاركة ]

لتصدك يحايط مانسيناك عندي جروح وكحه شدهن الراي وابو ياسر جروحه يبنن كبار لذلك جان قاسي شوي وياي اشتقت لاوجاعكم

الله الله عليك أبا ظاهر

قسيت اويالجرح حسبالي يتوب

أثاري وياي أقسي وماني داري

انتظرته يمر عليّه .. أتاخّر أهواي

أثاريه أحترك من لهب ناري ..........

لك كل التقدير والود ايها البركي

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

الملم جرحي بلكي يبين زغير كدام الشماته المايرحمون واضحك من جذب بس دمعة العين تنزل عالوجن .. تغافلني وتخون الى المحتفلين باوجاعهم تحيــــــــــــــــــــــــــاتي

إشتلملم بالجرح ,والجرح تابوت

شما لمّيت بيه يطول خلكه

خلك دفان خلكه مرافك الموت

بكل لحظه ألف حسره التحركه

ما أجمل بأن يحتفل الجرع بأوجاعه ,

ألف تحية وتزيد

[سفينة البحار]

على الحايط كتبنه بدم الجروح
الحايط والعليه معروض للبيع
وخلينه الثمن ضحكات ... ضحكات
ومانقبل البعد البيع ترجيع
حايطنه كبر محد يمر بيه
واذا طاح اعتقد ميصير تشييع

[ابو ياسر الكعبي]

الحاضر في القلب الغائب عن حائط الوجع ....
سفينة البحار مازال الحائط بانتظار من ينفض عن جراحه غبار الفراق,

ستكون لي عودة فمرحباً بعودتك ............