[دموع.]

القناعه اتضيع مني من التقي وياك
وعيني الشافتك ماراح تكفيني
لأن يرادلك عين بكُبر بغداد
وبأيدي راح اوسع خاطة عيني

[محمد الغزي]

اذا شمسين تطلع كارثة اتصير
جمالك كلي هذا منين جبته
اتفق ويه الشمس لدوخ بيك الناس
لوتطلع شمس لو تطلع انته

[دموع.]

كلب ثاني جبت حته اكدر انساك,,,,,,,,,,,,وصارت كارثه وهم حبك الثاني,,,,,,,,,,,,,


وعليك تعاركن هاذى كتل ذاك,,,,,,,,,,,,,,وزعل كلبي عله كلبي وموتاني,,,,,,,,,,,,,,,

[Dr.Zahra]

إغمض عيناك لبرهة من الوقت
ثم افتحها
ليس لتعرف الحياة من دونك ظلام كما يصفها البعض
بل لتعرف اني سأشتاقك اكثر من شوقك للنور وأنت مغمض العينين,,,

[محمد الغزي]

لا تطالبني بأمر بيه معجزات
لان ماعندي كَلب يتعذرك
تريد مني اذكرك شي مستحيل
غير كون انساك حته اتذكرك

[سلام العبودي]

شاورت الحزن لو يبتعد بس يوم
وترجيته ويه غيري ايبدل النيه
رفض شفت الحزن يبتعد ماراد
لان شفت الحزن متعود عليه

[محمد الغزي]

اذاينساك كلبي ثق اعدمه اعدام واذامايحب شخصك العن ابليسه وحضنك بكلبي وعليك اخط اعلان رجاءاهذاكلبي ولحدايجيسه

[صبر الحوراء]

يغم وكتي عله حبلك منشراني

بعتني بسوك غدرك منشراني
اذا صاج انت جفك منشراني
وحك ربك اكطعه العال بيه

[سلام العبودي]

انه السامو عليه ...من شراني
ابي وماخذت حاجه... منشراني
عطر للورده اني ...ومنشراني
اصيرا لليريد يخون بيه

[Dr.Zahra]

ليحبونك احسهم لي عدوان لان ماريد وي حبك شراكة
وذا كرهوك هم تكرهم الروح واخاف عليك من هذا وهذاكة
واغار عليك حتى من الحياطين واموت عليك يل كلك نزاكة