[*أحمد الكعبي*]

أهلاً بك سفينة البحار لايزال الوجع يتفقد الكبير أبا ياسرالكعبي
رعاكم الرب من كل وجع ومرحى لعودة الوجع من جديد.


شنو نفع السفينه أبّحر الأوهام
ورسَت ريح السفن من غير ملاح
آنه الماناوي أرسي بجرف الآلآم
بس جرتني گوه أچفوف الأرياح
أجروحي البلگلب ماتقبل أتنام
كلتني أسنونهه بفچوچ تمساح
عفت منهن أزغار بدار الأيتام
والكبار أعله وني شبعوا أنياح
أفزع للهموم أوراق وأقلام
وأگولن لو كتبت أهمومي تنزاح
ربيت الحزن ببيوت من جام
وتتكاثر شفتهه أبهيئت أشباح
چنت شاتل فرحتي بحلگ الأيام
وگطعهه الماعرفلي أبگاعه سباح
على أجناحي صعد ويشمر أسهام
گص جنحي ورحل من صارله أجناح.,

كل هذا وگلت بس أنته خلي
دشوف آنه شعفت .. وأنته شعفتلي

[سفينة البحار]

شنو شبينه وبعد محد يمرنه
جزعتوا الالم لو يجوي يمرنه
مثل طعم العسل طعمك يمرنه
ومثل جرحي فلا وفاي اليه


للغائبين ... المحتجبين عن العين
الساكنين في القلب
تحيــــــــــــــــــــــــــــــــاتي

[*أحمد الكعبي*]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

شنو شبينه وبعد محد يمرنه جزعتوا الالم لو يجوي يمرنه مثل طعم العسل طعمك يمرنه ومثل جرحي فلا وفاي اليه للغائبين ... المحتجبين عن العين الساكنين في القلب تحيــــــــــــــــــــــــــــــــاتي

مشوا يمكن لأن محد يمرهم
وعلى نار الصبر يسعر يمرهم
تعال وطَيب أجروحي يمرهَم
عفت حلگ الجرح ينزف عليه

[ام هاني]

[ابو ياسر الكعبي]

اقتباس : المشاركة الأصلية كتبت بواسطة صادق العارضي [ مشاهدة المشاركة ]

ماريده يلتم يوم جرحك يحايط نزفك دوه المجروح والعنده شايط عجابا لآ أرى نزفا ولا جرحا لبسلم من نزف شوقا وحبا لهذه الاوجاع

جرحي بسفينة نوح خضر ورك ياس
وكل وركة تنزف شوك من جدمي للراس
العزيز صادق العارضي
انرت المساحة بهطولك

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

اعود لالتجيء الى حائط الاوجاع من جديد علي ارى حروفكم جروحا نازفة ابداعها ولتلتقي حروفنا من جديد امر عالدار موحش صاير الدار لاريحة وطن لا لمة احباب اسالهه باهلهه شصار ما صار اشو كلهم صفوا عن عيني غياب اجيت .. بوجهي بوم من الحرم طار انجرحت ايدي لمن باست الباب جنه زغار بيهه احلامنه كبار نشم ريحة مشاعر بالهوه الهاب هسه كبار بس امالنه زغار ونشم بكلوبنه من الالم عطاب ماريدن اقدم لغيبتي اعذار بس الغيبه لابد الهه اسباب رديت ودمعتي تفضح اسرار وصوبت على جرحي والسهم صاب وقررت اكعد وتاني ليل ونهار وصيح بصوت كلبي من البعد تاب دعواتي لكل مبدعي حائط الاوجاع بالصحة والسلامة انتظر نزفكم تحيـــــــــــــــــــــــــــــــــــــــاتي

محزنه الدار كلها وموحش البيت
ماتدري بأهلها شصار ماصار
افتر بيها الفلك فرّت توابيت
وعلى افراكك تطفي النار بالنار
طفت جمرة حنينك !؟ ليش ماجيت
وكلي عيون تربي العتبة الدار
كل احبابي إجو بس انت ضلّيت
جروحي اعليك تبجي ازغار وكبار
وحك ليل الحزن سهران ضلّيت
بمحطات انتظارك ليل ونهار
تراتيل شوقي ومحبّتي
وعذرا لإنقطاعي مؤخرا

[ابو ظاهر البركي !]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

شنو شبينه وبعد محد يمرنه جزعتوا الالم لو يجوي يمرنه مثل طعم العسل طعمك يمرنه ومثل جرحي فلا وفاي اليه للغائبين ... المحتجبين عن العين الساكنين في القلب تحيــــــــــــــــــــــــــــــــاتي

جذب من كال جوانه يمركم
وعفتلك كلبي يوميه يمركم
يمر علبال جم واحد يمر كم
ولكن مو مثل مركم عليه


مودتي لكم ودعواتي لزوال اوجاعكم
البركي

[ابو ظاهر البركي !]

امس تنشدني عنك عتبة الدار
ورفضت ادخل البيت البنيته
تكلي جروح بيه جانن زغار
كبرن جا حبيبك ماحويته
تناشدني وتكلي اشصار ماصار
هذاك الضاع منك مالكيته؟؟
احلفك لو لكيته تكله خطار
خلي يمر عليه الكلب بيته
تشلهب رمش عيني وشبت النار
وصعد طوفان غيضي وهوديته
ماخفت علروحي وخفت علجار
وخفت حته علكلمن جاوريته
وشرد كلمن عرفني وجزع كل مار
واهود لو فقط اسمك طريته

لكم مودتي واعتذاري عن الغياب
وتقبلو مني شكواي
كتبتها على عجاله

[سفينة البحار]

تغمرني السعادة وانا ارى الحروف تنساب على حائط الاوجاع
معلنة عودة الغياب
فالى العائدين بابداعات نزفهم كل الحب والتقدير
والف الحمد لله على سلامتك المبدع الكبير ابو ياسر الكعبي
تحياتي للرائع احمد الكعبي
تحياتي للكبير ابو ظاهر البركي

دليلي.. شكثر من صدهم يمر بيك
وصفه حتى الشهد كلبي يمر بيك
يتعثر بيك ما يدري ال يمر بيك
نحيل وبانت اعراض المنيه
لكم جميعا ودي وتقديري و ....
تحيــــــــــــــــــــــــــــــــــــــــــــاتي

[سفينة البحار]

تغمرني السعادة وانا ارى الحروف تنساب على حائط الاوجاع
معلنة عودة الغياب
فالى العائدين بابداعات نزفهم كل الحب والتقدير
والف الحمد لله على سلامتك المبدع الكبير ابو ياسر الكعبي
تحياتي للرائع احمد الكعبي
تحياتي للكبير ابو ظاهر البركي

دليلي.. شكثر من صدهم يمر بيك
وصفه حتى الشهد كلبي يمر بيك
يتعثر بيك ما يدري ال يمر بيك
نحيل وبانت اعراض المنيه
لكم جميعا ودي وتقديري و ....
تحيــــــــــــــــــــــــــــــــــــــــــــاتي