[سفينة البحار]

السلام على اقلام الابداع التي تنزف وجعها ابداعا

متجدد

اماني شكد عفتلك ... شكثر احلام
درت وجهك ولا بالحلم مريت
وبقيت انطر وتاني واحسب ايام
يل بنيان عمري بلحظة هديت

على كل جروحي عندك بصمة ابهام

بجروحي سلوتك هيجي حسيت

انا كلش رقيق وكلبي من جام

ورغم شفاف بيه اسرار ضميت

اثر جدم الموادع صدر احكام

طشرني ورجعت بامل لميت

الولي للكلب بلكن .. عسى ينام

وينسه جروحك اللي تارسه البيت

انه ناطر حلم منك يمرلي

ويسولفلي ويكلي انت شعفتلي

الى ان التقيكم في وجع جديد

لكم مني كل الود والاحترام و,,,

تحيـــــــــــــــــــــــــــــــاتي

[ابو ياسر الكعبي]

وعلى الإبداع النازف ألف تحية وسلام

أماني ماعفتلي ابهيئة احلام ,
عفتلي تحت خاصرتي خناجر..!
تنكرعيّشتني بزيف الأوهام
وجامة خاطري مكسوره خاطر
أبكد ماهمّشتني بروحي آلام
وبكد مابعتني أمطر مشاعر
مواويلك خذت من عندي جم عام ؟
يجي باجر واكول انتظر باجر
تعال وخل نصفّي إحساب الايام
كبل لاتنتهي الدنيا وأسافر
اذا آني اتركتلك بصمة إبهام
وضليت بجرح واحد تكابر
أنه كلّي جرح من جدمي للهام
اتركتني وطلع حظي اوياك عاثر
عفتلك صُوَر تحلم بيها الاقلام
وتركت ابذكرياتك كلب شاعر
بعد شترك إلك كلّي وشخلّي
كل هذا وتكول , إنت إشعفتلي
"
للوجع بقايا سأكون بإنتظارها
ولأنّي أحب الوجع ودّي ومحبّتي لأهل الوجع

[ابو ظاهر البركي !]

سلام على رواد الوجع

اول مره خلي نقيس البعاد
مابينك وبيني شطولها اتصير
اذن مقياس جيب وانت الاستاد
وخل وحدة قياسك هجر , تهجير؟
أنت من هجرت وبيه مافاد
تعنيتك ذليل وحيل بالجير
ردت منك لقاء وردت ميعاد
جرح بيه نخيتك صاير جبير
خنكت دمعة عيوني بحبل وشداد
اخاف يسيل دمعي ويمك يصير
ادري بسبب هجرك لكن عناد
اجر بأذن كلبي لكن فطير
برد صد عله نارك طلعت رماد
لاذ بكتر حبك طلع تزوير
جاع اباب هجرك طالب الزاد
قبل بس كون منك خبزة شعير
رد بصوت عالي هجرك وراد
خلص وكت الهجر وانوب تهجير
يصيح بصوت ابعد يله ولي
هذا العفته اليه ؟؟؟ انت شعفتلي

[*أحمد الكعبي*]

أسترق السمع من أوجاعكم السلام على أصحاب الوجع النازف

رجع ذكرياتي الچانت أوياك
ترسن شيب راسك كله منهن
أزغر ذكرى بيهن حيل تهواك
ذبن بالغلط يمك حملهن
گلتلك ذن أمانه أزغار بحماك
أگبال الناس لاتهتك سترهن
بحايط بالي أجوم ليش ذكراك
وعده ذكراك الملمهن وأشگهن
ما أسولف أهمومي بيوم ملگاك
أخاف يضيج خلگك من ثگلهن
أخلاف الذكريات أيموت معناك
من أچفوف بالك لا تذبهن.

أنطيتك گلبي صك يالمابعتلي
كل هذا وتگلي أنته شعفتلي

[جودت الانصاري]

احبابي شلون حالتكم ,,,,,, بعدنه
جفيتوا والدهر عنكم ,,,,,, بعدنه

انجان انتم نسيتونه ,,,,, بعدنه
بذكركم كل صباح وكل مسيه
قديم

[ابو ياسر الكعبي]

اقتباس : المشاركة الأصلية كتبت بواسطة جودت الانصاري [ مشاهدة المشاركة ]

احبابي شلون حالتكم ,,,,,, بعدنه جفيتوا والدهر عنكم ,,,,,, بعدنه انجان انتم نسيتونه ,,,,, بعدنه بذكركم كل صباح وكل مسيه قديم

جودت الانصاري
حضورك أضاء المساحة

كم من مهجِتي مات وبعد كم
بجينه والبجي خلّص بعدكم
إنجان الدهر عن عيني بعدكم
أشوفنكم بروحي بكل مسيه

[ابو ياسر الكعبي]

أفتقدُ شركاء الوجع المزمن
خصوصا سفينة البحار؟؟

[جودت الانصاري]

مر من درب ديرتنه ,,,,, ولا مر
وما ضكت الحلو بهجره ,,, ولا مر
تدري الاصعب بهجره ,,,,, والامر
مروره بغير ميسلم عليه

[صادق العارضي]

الله عليكم اخوتي واساتذتي الاعزاء
فعلا من أراد ان يرمي بهمه وغمه
فعليه ان يتعلي صهوة جواد نزف
حايط كلماتكم ووجعكم الذي اجد فيه
شخصيا مكانا لأعلن اسراري وخلجات
صدري من تراكم احداث الظروف الصعبة
بوركتم ووفقتم ودام الله اعماركم وعطائكم
لكم من الاعماق كل الحب والاحترام

مو كتلي فلا أنساك هيهات
أنه ابعازتك هسه انته وينك!

أمس طاحت دمعتي اكبال شمات
كالوا عاشت ايده البجه عينك!!

مما راق لي

[ابو ياسر الكعبي]

اقتباس : المشاركة الأصلية كتبت بواسطة صادق العارضي [ مشاهدة المشاركة ]

الله عليكم اخوتي واساتذتي الاعزاء فعلا من أراد ان يرمي بهمه وغمه فعليه ان يتعلي صهوة جواد نزف حايط كلماتكم ووجعكم الذي اجد فيه شخصيا مكانا لأعلن اسراري وخلجات صدري من تراكم احداث الظروف الصعبة بوركتم ووفقتم ودام الله اعماركم وعطائكم لكم من الاعماق كل الحب والاحترام مو كتلي فلا أنساك هيهات أنه ابعازتك هسه انته وينك! أمس طاحت دمعتي اكبال شمات كالوا عاشت ايده البجه عينك!! مما راق لي

صادق العارضي
مرحى ومرحبا بك ايها الكريم
أنرت المساحة بوجعٍ راق لنا كما راق لك

"