[زهرة الفردوس]

بسم الله الرحمن الرحيم...
السلام عليكم ورحمة الله وبركاته...
هضموني هضموني

من شريط : نار
الشاعر : سيد سعيد الصافي
الرادود : الحاج باسم الكربلائي
هضموني هضموني .. يا بويه هضموني
سكنه العزيزه و سلوتك .. يا بويه هضموني

يابويه شحـﭽـي لك اشصار بحالي .. من ودعتني بويه
لا محنه و اثنين و تمر ببالي .. يالدللتني بويه
حال اليتيمة الضلت بلا والي .. ياليتمتني بويه

يتموني يتموني .. من زغري يتموني
ليش انحرم من شوفتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

لمن رجع خيل المهر صديته .. بالدماء مخضب بويه
بويه و مثل طير الـﮕطا اتلـﮕيته .. الطم و انحب بويه
خبرني طاحن يا كتر ناديته .. ﭽـبد المصوب بويه

صابوني صابوني .. بالـﭽـبد صابوني
يوم اللي صابو ﭽـبدتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

آنا ادري ما تـﮕدر يابن حامي الجار .. تسمع عتابي بويه
ريتك ﭽـنت و تعاين بحالي شصار .. يكلف مصابي بويه
من شبت بوسط الخيم بويه النار .. حرﮔـت ثيابي بويه

ضربوني ضربوني .. يا بويه ضربوني
لو عاعتنيت بجثتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

يا والدي و ﭽـم لوعة لك هدم الحيل .. مرت عليه بويه
خوف و مصيبة و هضم يا بويه و لين .. بالغاضريه بويه
جينا احمل سياط العدا و بين الخيل .. و اسـﮕف بيديه بويه

بنتوني بنتوني .. و الأثر بنتوني
ريتك تعاين طفلتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

اصعب مصيبة الهيجت آلامي .. و الـﮕلب مفجوع بويه
راسك ياخيمة عزتي جدامي .. عالرمح مرفوع بويه
ﮔـبل لعيوني انتحب ﮔـلبي الدامي .. دم يبـﭽـي و دموع بويه

ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

موقف اللي شيب دليلي هو الراس .. و شلون اوصفه بويه
بنت النبي و تتصدق عليه الناس .. يا ألف وسفه بويه
نحت و صحت ﭽـا وينه عني العباس .. صاحب الكلفه بويه

شتموني شتموني .. يا عمي شتموني
ما اظن تقبل غيرتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني

مجلس يزيد الصوبك لسهامه .. خابت الضنه بويه
خذوني عند اهل الغدر خدامه .. طلبوني منه بويه
يالراسك بوسط الطشت جدامه .. ﮔـمت اصدنه بويه

بعيوني بعيوني .. من شفته بعيوني
بالعصا يضرب شفتك .. يا بويه هضموني
............* ............* ............*

هضموني هضموني .. يا بويه هضموني
سكنه العزيزه و سلوتك .. يا بويه هضموني
ونسألكم الدعاء من القلب بتعجيل الفرج وبراءة الذمة

[زهرة الفردوس]

.. يا سائلاً أين الإحسان ..


يا سائلاً أين الإحسان - اليوم أمسى في الأكفان
قولوا إذاً - تلك السنن - تحيا بمن - بعد الحسن

إجه لدار الضيافة اليوم ضيف بحسرته يناشد - يكفكف بيده حسراته وخبر عن الحسن رايد
بلهيب النوح جاوبته بعد لا تجي يا الوافد - الكرم ويا الحسن دفنوه چا إلمن بعد گاصد
إن كنت تبغي بحر الجود - فالجود قد أمسى مفقود
بدر الهدى - بحر الندى - قد إرتدى - ثوب الكفن

ريحانة رسول الله وإبن أشرف المخلوقات - مرار السم فطر چبده ومصابه ما خلص من مات
على نعشه سهام من كل صوب غدت تتراكم الرميات - عگب الكرم فاضت بحور الدمع والحسرات
يوم شجونٍ يوم فراق - والدمع نارٌ في الأحداق
قلبي ذوى - من الجوى - فا إنطوى - يوم المحن

مثل ما صوبوا نعشه تصوب چبدي بمصابه - وعلي جور الوكت حورب وتركز بالگلب نابه
وتمحن گلبي بصوابين صواب الحسن وصوابه - عساني موسد بگبره وعليه هالوا ترابه
أنعى سليلاً للنجباء - أنعى حبيباً للزهراء
دهر النبى - للمجتبى - سل الضبى - جور الزمن

گبل دار المجد چانت زهية وتسطع بأنوار - عگب غيبة أبو محمد صفت وحشة وخلية الدار
فگد نور الحسن جدد مصاب الضلع والبسمار - وجدد عالمحن لوعات طبرة والده الكرار
آآهٍ على الضلع المصيوب - آآهٍ على الشيب المخضوب
دهرٌ قسى - كيف رسى - ذاك الأسى - في المؤتمن

ذكرت الزهرة والكرار وصرت أتعثر بهمي - وإلهيج لظى جروحي ودعاني حاير بهضمي
سمعت زينب تحن وتصيح متت مسموم يا إبن أمي - وحين سمعت صرختها تداعى كل عضو بجسمي
ألمني صوت الحوارء - صوت شجونٍ صوت بكاء
تبكي على - تاج العلا - حتى إعتلى - صوت الشجن

ألوذ بكاسر همومي وغدى بروحي الأجل يحدي - گبل چبد الحسن يا ريت بالسم گطعوا چبدي
وأخبرك دمعة عيوني جداول حفرت بخدي - وگبل ما ينحفر لحدك عساهم حفروا بلحدي
أبكي على السبط المسموم - أبكي من القلب المكلوم
ولوعتي - في مهجتي - عن مقلتي - غاب الوسن



للإستماع :-

http://shiavoice.com/play.php?linkid=16224

[زهرة الفردوس]

الرادود\باسم الكربلائي

.. بعد ما أشوفك ..



أخاف من أعوفك - بعد ما أشوفك
إذا ماتجيني اقدر ظروفك
طويلة رحلتي - واخاف برجعتي
بعد ما أشوفك

يعباس إختك آنه ولا تبارحني - جنت إنت إلتمسيني وتصبحني
بفرقتك ذلتي وشوفك يفرحني - وكلام الشامت بفرقاك يجرحني
يريت الموت أخد روحي ويريحني - وإذا أنساك الله لا يسامحني
أخاف أشتكيلك - وأعذب دليلك
وأريد بدموعي أبرد غليلك
تودعك دمعتي - واخاف برجعتي
بعد ما أشوفك

أودعك يابن أبويه ولليسر اطلع - وأعوفك بدر غايب نوره بالمصرع
مثل جسمك توذر قلبه وإتقطع - وكلامي وياك صار يترجمه المدمع
إذا أرجع يخويه شراح أتوقع - إذا أرجع أشوفك بعد من أرجع
أباصر دليلي - بسفرتي ورحيلي
قلت له عجيبة أفارق كفيلي
على فقدك حسرتي - وأخاف برجعتي
بعد ما اشوفك

أصيحن وإليموت شينفعه الصايح - سكتت ودموعي جدول عالوجن سايح
غصب عني أعوفك والضغن رايح - بلا توديع أتركك عالنهر طايح
تعاتب لا تعاتب و العتب جارح - تودني و إليود من شيمته يسامح
ضعنه برواحة - يريد السماحة
تسير الضعينة بونين ونياحة
تنشدك مهجتي - وأخاف برجعتي
بعد ما اشوفك

أنشدك لو مشيت بضعني وأتيسر - تقدر تنهض تشد الضعن تقدر
اذا بسياطه خصمك يضرب الخدر - تقدر تحمي عيلة وسايرة بهالبر
اذا جتالك بمجلس شتم حيدر - تقدر تجي هناك تدافع وتحضر
اذا وقفونه بمجالس عدونه - حرم وإحنه نسمع يشتمون أبونه
شينشف عبرتي - وأخاف برجعتي
بعد ما اشوفك

إذا مسبية من يمك رحت ومشيت - وعني ما قمت يا با الفضل حاميت
اذا مجلس دخلت وحايرة ظليت - إذا حشمتك وللنخوة ما لبيت
العذر مقبول منك خوية لو ماجيت - شلون تقوم وإته بس جسد ظليت
ياجمرة حنيني - يعذرك ونيني
عسن مني قطعوا يساري ويميني
شيرجع لهفتي - وأخاف برجعتي
بعد ما أشوفك

شخلت ساحةا لطف خذت مني حيول - شحجي ويا النهر والسهم والعامود
فطر جبدي العطش من نار سهم الجود - إذا تسكن لحد أسكن يخويه لحود
للطف يبن أبويه الضعن من يعود - أخافن ما أشوفك لو رجعت ردود

يطول غيابي - وأجيك بمصابي
إذا ما لقيتك تزيد عذابي
تهيج جمرتي - وأخاف برجعتي
بعد ما أشوفك

[زهرة الفردوس]

الرادود\علي مهدي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
اه ياحسين



اه ياحسين ومصابه ... لجلة العين سجابة
هالجلمة يا هو اللي كتبها مدري .. وبدم هالجلمة بعروقي تجري
هالجلمة وياي ابتدت من زغري ... ما تنتهي حتى بنهاية عمري
رغم الموت وترابه ... تبقى وياي ندابه
آه ياحسيـــن ومصابه .. لجلـه العين سجابه
هالجلمة من شرع الحزن بمحرم ... صارت فرض بيها يصيح المأتم
هالجلمة واجب عاللطم تتقدم ... مثل الصلاة تتوضى لو تتيمم
عرض الآه أسبابة ... من عاشور وصوابه
آه ياحسيـــن ومصابه ... لجلة العين سجابة
هالجلمة قالولي كتبها منظور .. وحسين خلدها على صفحة نور
هالجلمة صفحتها قبلها المنحور ... من بو صامد خنصر يمينة المبتور
حبر حسين وخضابة ... دم يلوح بكتابه
آه يا حسيــن ومصابه ... لجلة العين سجابة
هالجلمة ما تتثمن بأنفاسي ... واغلى من اسنيني وهلي وكل ناسي
هالجلمة لحسين افجعت احساسي ... واتمنى فدوة لراسة قطعو راسي
ولا عزان محرابة ...وجسمه الخيل تنتابه
آه ياحسيــــن ومصابة ... لجلة العين سجابة
هالجلمة من اسمعها اذكر زينب ... جن ليلة الحادي عشر تتغرب
هالجلمة مثل اخيام اخوها التلهب ... ماتنطفي , شما نلطم , شما ننحب
ظلها النار لهابه , للموعود وغيابه
آه ياحسيــن ومصابه ... لجلة العين لهابه

[زهرة الفردوس]

ياجابر



ياجابر بالقبر جسمي وعليك يعز مصابة
حبيب يحاشي محبوبة ولا يسمع جوابه
قلبي عالهم يكابر........................ هذا حالي ياجابر
تعاتبني تناشدني وجوابك مني تتوقع
أخبرك مارجع راسي بس الجسم بالمضجع
وجسمي اللي بلايا راس لايحشي ولا يسمع
رغم هذا أريد انطيك جواب من النحر يطلع
ياجابر يشرح الحالة جمر لوعة عذابي ............ لسان المنحر احشيلك وأبين لك مصابي
عالنوايب أصابر ........................ هذا حالي ياجابر
المحن نشبت مخالبها مٌهجنا ويرهب المنظر
مثل موج البحر باللطف علينا ماجت العسكر
شفت أصحابي بالحومة جثث جدامي تتنثر
شفت صفوة بني غالب شموس تكورت بالبر
ياجابر وحدي خلوني ولا مغوار عندي ............ أشيل النايبة بصبري وأقاسي همومي وحدي
عندي ماضل مناصر ........................ هذا حالي ياجابر
اطلعت طلعت حليف الموت من بين أهلي وأيتامي
وعفت عيلة رسول الله تحن وتنوح بخيامي
عقب خوض الحرب لنا جبيني من الحجر دامي
طحت واصوابي المثلث تلقيته بقلب ضامي
ياجابر والشمر شفته وإجاني وسيفه بيده ............ وريدي حزه شن جدي الرسول انحز وريده
حاوطوني العساكر ............* هذا حالي ياجابر
على راس الرمح راسي ياجابر لمن أتنصب
غديت أتفقد أعيالي وشفت نار الخيم تلهب
وشفت تتراقض أطفالي وتلوذ الخدر بزينب
على هاي الحالة عافوني تريب وبالدمى مخضب
ياجابر عالأرض جسمي صريع ودمي يجري ............ أجت خيل العدى وداست حوافرها على صدري رضرضتني الحوافر ........................ هذا حالي ياجابر
ركع فوق الرمح راسي وعلى الغبرى الجسم ساجد
ثلاثة أيام والسجاد أجاني وللدفن قاصد
دفني وراح من يمي تخطى بخطوة الفاقد
عقب غيبة ضعنها اليوم يجيني من اليسر وافد
ياجابر شن رجع ضعني اجى وعود علينا............ ياجابر بالدمع انهض تلقى هالضعينة
وأنا ألهم أناطر ........................ هذا حالي ياجابر
نهض من عالقبر جابر ومن عزمه ون ثلثين
تخطى على اللهيب وراح يستقبل رحال حسين
لنيسمع علي السجاد يناديه بنمير العين
يقله شتتت عزمي وخديت روحي دواه البين
ياجابر مصرع الوالد هدم بيتي عليا ............ ترك روحي تجر ونه أثر ونه خفية
شتله تجري المحاجر ............* هذا حالي ياجابر

[زهرة الفردوس]

الرادود\أباذر الحلواجي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ


البيت ماجة

البيتُ ماجَ باشتـــــياق
فالسبطُ سارَ للعـــــراق
وينادي واحسيناه واحسيناه
---------------
الله عظــــــــــم حرمته هذا بـيـته وكعـــــــبته
والأمـــــــــــان ابتربته للبــريه
من ضجـــــــيج التلبية جيـنه نعــقد أمـــــــنية
هذا يوم التــــــــــروية للمـــنية
والحرم صـــاح ابحزن ويلي من شال الضعن
يلي قلـــــــــبه ما سكن من أمية

قف لي متى أرجوا التلاق
هل أنت ماضٍ للعـــــــراق
صرتُ أبكي واحسيناه واحسيناه
---------------
انت زمــــــــزم والصفا يا فــــــــؤاد المصطفى
يا ثمر قــــــــــلب الوفا قلبي يســأل
جيفه تتــــــــركني بألم وانت مصــــباح الحرم
طالــــــع ابهاي الحـرم وينه تــرحل
هالمقـــــــام وهالحجـر والحطيم اللي انفـــــطر
قلبه يســــــأل هالسفـر وعينه تنهل

تحدو على حدو النياق
هل كان هذا لــي فراق
لأنادي واحسيناه واحسيناه
---------------
بالغصب أطــــــلع وانه قــــــلبي رايد موطنه
والجنـــــــــــــان مزينه للشهادة
عندي حـــــج ابهالسفر تلبيــــــة روح ونــحر
والدمه تجــــــــري بحر للعــبادة
جاي أنه يا كـــــــــربله والضــــــعينة محـملة
بالنفوس الباســـــــــلة والإرادة

خذني عُـروجاً بالبُراق
فالهجرُ هذا لا يُطــــاق
كم أنادي واحسيناه واحسيناه
---------------

[زهرة الفردوس]

.. صلى عليك ..



صلى عليك مليك السماء - جسم صريعٌ بالعرى مقطعُ الأعضاء
سليب حسين غريب يا حسين

مو آية وحدة بهذه نزلت آيات بيها الكتاب يصرح
شما بالسمى وبالأرض من مخلوقات بإسم الإله تسبح
معناها يشعر عالم الموجودات باليحزن وباليفرح
وبهالشعور عليك ناحت كل ذات وادي الطفوف يوضح
بكى عليك ضميُر الجماد - ثم إرتدى ثوب الحداد - يا مبكي الأطواد
عجيب حسين غريب يا حسين

أول صواب الحجر لمن صابك ذاك الجبين تهشم
هذا الحجر ظل ينحب على مصابك وأصبح جبينك مأتم
سهم المثلث سجد يم أعتابك أدى التحية وسلم
ومن صاب چبدك ظل يحن لصوابك ألمك وهو تألم
ناحت عليك رؤوسُ النبال - وبكتك صاليةُ القتال - من محجر هطال
حبيب حسين غريب يا حسين

لمن طحت وإستقبلت وجه الله بدم الجروح إلترعف
تعناك شمر الخنى وسيفه بيمناه لگطع النحر متلهف
وعالنحر من وسط السيف وخلاه سيف الشمر ظل يرجف
هالسيف ظل يبچي على نحرك ودماه وعلى الجراح إلتنزف
بكت عليك عيون السيوف - وترابُ بادية الطفوف - في خطبك المعروف
تريب حسين غريب يا حسين

عن جثتك يا حسين راسك فصلوه وجسمك صريع مترب
تراب الأرض يبچي على حالك خلوه بموجة دماك تخضب
والشمس من شافت وريدك گطعوه بالحزن ظلت تلهب
راسك براس الرمح لمن شالوه حتى الرمح ظل ينحب
شابت عليك رؤوس الرماح - وبكتك بارقة الصفاح - يا من إلى الأرواح
حبيب حسين غريب يا حسين

والدك يوم الحشر هو الميزان وبچفه حوض الكوثر
شلون إنته إبنه تموت بالطف عطشان چبدك ذبل وتفطر
نهر الفرات اليوم منك خجلان ومن چبدتك يتعذر
خلوك يمه بلا غسل لا أچفان مغسل بدم المنحر
ناحت عليك ضفاف الفرات - دمعٌ وموج جاريات - وأنت بالفلوات
خضيب حسين غريب يا حسين




للإستماع :-

http://shiavoice.com/play.php?linkid=24584

[زهرة الفردوس]

.. شيعتي يا كرام ..



شيعتي يا كرام - يا عظامَ المقام
فإندبوا يا حسين- بفؤادٍ حزين

شيعتي إني غريبٌ بين أقوامٍ بغاتِ
و أنا الضامي و أُسقى من كؤوسِ النائباتِ
قطعوا رأسي ظُلماً بسيوفٍ مرهفاتِ
رفعوه بعد قتلي فوق أطراف القناتِ
ذاك رأسي مُشال - في رماحٍ طوال
و قطيعُ الوتين - بفؤادٍ حزين

شيعتي إن غاب عنكم في سماءِ الموتِ فرقد
فإذكروا الأكبر لما غاله السيف المجرد
و قتيلاً فوقه الأرماحُ و الأسيافُ سُجّد
و به قد صرعوا فوق الثرى جسمَ محمد
و شبيهُ الرسول - وطأتهُ الخيول
و فقدتُ البنين - بفؤادٍ حزين

شيعتي ما إن سمعتم من منادي وا أخاهُ
فإذكروا العباسَ لما قُطعت منه يداهُ
جئتهُ نحو الفراتِ قاصداً كيما أراهُ
فوجدتُ الجسدَ الطاهرَ تكسوهُ دماهُ
فإهتفوا بإنكسار - أين ذاك اليسار
أين ذاك اليمين - بفوادٍ حزين

شيعتي ما إن فقدتم من غلامٍ ذي مكارم
فإندبوه بدموعٍ و إذكروا لوعة قاسم
هو كالبدرِ تجلّى و جلّى تلك الغمائم
بدل الأشمعِ قد زُف بأطراف الصوارم
غاب ذاك الهلال - في بروج القتال
غاب نور اليقين - بفؤادٍ حزين

شيعتي ما إن فقدتم من رضيعٍ و هو ضامٍ
فإذكروا طفلي لما قتلوه بإهتضامِ
بدل الماءِ سقوه من أنابيب الحِمامِ
بأبي من ذاق طعم الموت من قبل الفُطامِ
ذاك نحر الرضيع - فاض منه النجيع
و دفنت الجنين - بفؤادٍ حزين

شيعتي ما إن شربتم عذبَ ماءٍ فاذكروني
أو سمعتم بقتيل أو شهيدٍ فإندبوني
فأنا السبط الذي من غير حرمٍ قتلوني
و بجرد الخيل بعد القتلِ عمداً سحقوني
ليتكم حاظرون - للنداء تسمعون
هاتفاً بأنين - بفؤادٍ حزين





للإستماع :-

http://shiavoice.com/play.php?linkid=24589

[زهرة الفردوس]

.. بنت البتول ..


بنت البتول الشافعة - لإبن الوديعة تودعه
بين الخيم - صرخة ألم
ضلع أمك اليوم إنهشم

بدرين واحد بالأرض والثاني بأعنان السمة
بدر الأرض شايل علم وبدر السمه دموعه دمه
رغم الضوى ورغم الشعاع إلي يشع هالدنيا أمست مظلمة
بليل وسكون ووحشة يرسمها الدمع إنجمعن ودايع فاطمة
بلهفة وداع وجمرة دموع وظمة وبين ايد أخوها تماثلت أم الخدر وتكلمه وشتكلمه
لا هو صبر لا هو بچي ولا هيه سكتة ولا حچي تحچي ويا خوها بالإشارة والومة
وتگله روحي على الغصص متعلمة
بين ايدك أشعر گلبي يا حسين إرتمى
چن أسمع الناعي نعى - لوح نذير الفاجعة
بوجهي إنشهر - سيف القهر
وسلمت روحي للعدم

وداعك جمر لا بل أحر من الجمر
يبن أمي بس هالليلة ما ظلت سواها بالعمر
ومن يجزي هذا الليل والأبيض يطر
نفتح باب جروحك وتتغلگ أبواب الصبر
وأصرخ إذا جسمك إلبيض توذره وراسك على روس السمر
أصرخ صريخ الثچلة إلما تدري تمشي ليا كتر
اليوم فگدت جدي النبي اليوم إنطبر فارس بدر
واليوم بالباب إنهشم ضلع أمك الزهرة الطهر
والليل آه الليل وهمومه شكثر
من يجزي هذا الليل والأبيض يطر
أنظر جثث متبضعة - بالمشرفية موزعة
والدم يصب - فوگ الترب
بمصرع عواميد الشيم

ويلاه يا ليل الكدر ويلاه يا ضيم الدهر يا گلبي شكثر تحمل قهر
يا إبن أمي لو شفتك ذبيح وعالغبرة جسمك من يطيح ولو عاينت دمك يسيح وينزف مصبه من النحر
عالتل أجيك أصرخ وأصيح إنهض يا بن هيبة مضر
إدرك خواتك خويه داهمها الخطر
هجمت خيول بلا عدل والجمر بخيمنه إستعر
وكل حافر إليسحگ طفل يذكرني بضلع أمي الوديعة إلي إنكسر
بين الحريم اللايعة - وبين اليتامة الفازعة
أبدي الورع - وبلا جزع
أتوزع بجمع الحرم

يا بن أمي بعيونك شفت كل حرف من وصيته
عن رگبتك باجر يا خويه بالدمع أغسل نزف دم رگبتك
عن جثتك گلبي أحفره وبالگلب أدفن يا خويه جثتك
عن عيلتك لو حرگوا عليها الخيم دلالي خيمة لعيلتك
باجچر لون شفتك تريب وفوگ الترب جسمك سليب ما أگطع عليك النحيب بكل دمعي أبچي لفرگتك
آنه الغريبة يا الغريب حرگتني جمرة لوعتك
باچر خواتك هارعة - بهاي الصحاري الشاسعة
ومن يشهر - سيف الغدر
وتتگطع جسود الهمم



للإستماع :-

http://shiavoice.com/play.php?linkid=24588

[زهرة الفردوس]

.. يا دنيه ..


مسلم شمال القلب من دنياي مسلم
أظل طيب أظل والدين مسلم
يصب دمعي لمصاب أطفال مسلم
يريت إلصار بيهم صار بيه


يا دنيه ما ظل والي - يا دنيه حتى أطفالي
يا دنيه راحوا تالي - يا دنيه هضموا حالي

بالكوفة مسلم وحده - ما بيها ناصر عنده
عدوانه خانوا عهده - وبصبره باذل جهده
بالغربة حفروا لحده - ما تطفى جمرة فقده
وأطفاله تاهوا بعده - راووها نفس الشدة
أولادي وآنه أمهم - أولادي سفكوا دمهم
أولادي محد يمهم - أولادي شغلوا بالي

ما ننسى حال العترة - شفناها فوق الغبرة
سيدها قطعوا نحره - خياله داسوا صدره
وعياله جذبت حسرة - عالوالي تجري العبرة
وأطفاله هالمنذعرة - مرعوبة صوب القفرة
طفليني هم وياهم - طفليني ما أنساهم
طفليني وين ألقاهم - طفليني تتراوى لي

بدموعي عنهم أسأل - يا ديرة محد يندل
دلالي ظل يتأمل - عالفرقة ما أتحمل
لن ناعي صاح ورتل - طفلينج بلا معقل
ذبحوها يم الجدول - والثاني يم الأول
ما أنسى وشلون أقدر - ما أنسى دوم أتذكر
ما أنسى هذا المنظر - ما أنسى فقد الغالي

أطفالي راحو مني - وبقلبي جمرة وني
مهمومة وخايب ظني - وهمومي ما رحمني
محتارة بالطف لني - ولا والي ينشد عني
مخلوقة للهم جني - والونة صارت فني
أتمنى يقرب أمري - أتمنى يخلص عمري
أتمنى مسلم يدري - أتمنى يتعنى لي


للإستماع :-

http://shiavoice.com/play.php?linkid=24587

__________________