[صادق العارضي]

استاذي الفاضل واخي العزيز
جودت الانصاري بارك الله
بك والف شكر لمروركم العذب
ولملاحظتك الرائعة لبيت الابوذية
سلمت يداك
انتظر ردك
أضحك جذب للناس بس كشرة اسنون
حنطه وطحني البين برحيي اليكرهون

[ابو ياسر الكعبي]

السلام على روّاد الوجع.....
إذا زاير تِطب تزور الاوجاع
دمر عالحايط وخليني أشوفك
مرحى ومرحبا بأحبتنا النازفين وجع الابداع

شهد الله اني إشتقتُ اليكم

لي عودة لأُراكِمَ وجعي المُزمن

[سفينة البحار]

حيل اهلا صحت .. فززت الجروح
من شفتك على الاوجاع مريت
بنيت الحايط انته وعفته جا ليش
صاح الام بعدك بالم ضليت

لعودتك طعم العسل ابو ياسر الكعبي
لك خالص ودي وتقديري

[ابو ياسر الكعبي]

ماعفته ... خفت لتطيح الجروح
شفتها إمشابِجه وتتشلبه عالآه
خذتها اوياي ذابح ذِبِح مذبوح
وضل مصلوب كلبي امعلّك إهناه .. ,
""
سفينة البحار
ولهطولك طعم ألذّ وأحلى من الشهد

ودٌّ أفنى ولايُفنى

[ابو ياسر الكعبي]

عندك عِلِم
طعم الحزن أحلى والَذ من كل طعم

عندك علم
صوت الوجع أعذب نغم
والوتر جرحي المبتِسِم ...,

[ابو ياسر الكعبي]

الذين يشاهدون محتوى الموضوع الآن : 4 ( الأعضاء 3 والزوار 1)

‏ابو ياسر الكعبي, ‏صادق العارضي, ‏سفينة البحار

مساء عابق برضى الرحمن

[ابو ياسر الكعبي]

أكو ناس

مَـيّــتهـُم عَـدِل
وأكو ناس
حَيهُم مندفن

وأكو ناس
بـيـمينك تحط ايـمينها
وبيسارها خنجر طَـعِن ؟

وأكو ناس
حلوه اوجوهم
وگلوبهم حيّه ابتبن

وأكوناس
بيضه گلوبهم
تنزف دمع لمن تِحِن؟

مازالت الصفحات بانتظار وجعٍ قادم

[سفينة البحار]

طبع كلبي كزاز تكسرة كلمة آآآآآه
وانته بكل صلافه تمر تغنيهه

لكل من يزور حائط الوجع ودي و...
تحيـــــــــــــــــــــــــــــــــــاتي

[ابو ياسر الكعبي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

طبع كلبي كزاز تكسرة كلمة آآآآآه وانته بكل صلافه تمر تغنيهه لكل من يزور حائط الوجع ودي و... تحيـــــــــــــــــــــــــــــــــــاتي

الله الله

ياللروعة

أنه كلبي سمه ونجومه كلها جروح
تتماطر وجع لوماتصد ليها
"
لسفينة البحار ودّي ودعواتي

[ابو ياسر الكعبي]

أكوناس

مسكنها الگلب

وأكو ناس
تكره ما تحب

وأكو ناس
بلسم للجرح
وأكو ناس
تستاهل ذبح

وأكوناس
لوغابت تغيب أرواحنا
وأكو ناس
لوحضرت تحط بجروحنه
كومة ملح ......
"
مازال الحائط بانتظار وَجَعٍ قادم