فيه موضوع مترددة فيه أبيكم تنصحوني
حمود بدأ مدرسة و متعبني بزيادة
هو يروح مدرسه القطيف الأهليه و اني سجلته بالباص تبعهم
وين المشكله المشكله ان الباص يمر عليه الساعه 6 الصباح بدري واجد صح
و ما يرجع الا عالساعه 2 و 5 أو 10 دقايق
يرجع و هو تعبان على عمري
فشفت اللي يروحوا من معارفنا في سيارات خاصة
فيه اثنين معاه بالصف الاول بس المشكله ان اللي يوديهم الصباح غير اللي يرجعهم و اني ما حبيت هالشئ
و في اثنين ثانيين بس في متوسط قلت لانهم اكبر منه يمكن ينتبهوا اليه
و كلهم يطلعوا في نفس الوقت
مترددة اضم ولدي مع اي مجموعه ؟؟؟ بشو تنصحوني
أم حسن بلوسومز ... أخبار حسن في المدرسة
حمود نفسيته زفت و مو متعود و كل يوم يرجع يقول اليي بكرة ما بروح و كل يوم سالفه معاه علشان الباص يبي أبوه اللي يوصله
و النوم هذي سالفه ثانيه ما يرضى ينام بدري مع انه جدا تعبان عنده حاله ارق
و ما ياكل زين و باطنيته تعبانة
بالنسبة للملوخيه أنت كيف تاخذيها المثلجة او الطازجة ؟؟ عموما هي نفس الطريقة
شوحي بصل و ثوم و زنجبيل عالنار بزيت زيتون و بعدين حطي عليها الدجاج او اللحم إذا لحم اسلقيه قبل أما الدجاج بسرعه يستوي ما يحتاج سلق
حطي فيه كمية الملوخيه و غطيها بكميه مناسبة من الماي ملح و فلفل أسود و خليها لين تطبخ و اعصري فوقها ليمون
و بالهناء و العافيه
سهلة و لذيذة و ما تاخذ وقت أولادي يحبوها و يطلبوها بكثرة
ما شاء الله ... الله يزيد الحوامل في التجمع ... بالنسبة اليي كل ما اذكر اني كنت ناويه احمل بعد ما يكمل علاوي 4 سنوات أغير رايي أبي أريح شوي
مع اني ما احب يكون فيه تباعد بين الأخوان حلو أنهم كلهم يكونوا قريبين في السن و الواحد يجيبهم مرة واحدة و يرتاح
العرض العادي
