[جودت الانصاري]

ها قد عدنا بخفي حنين

الكلب من كثر هجرانك ,,,,,, ولم بيه

وطشّر همي لبصدري ,,,,,,,,,, ولمبيه

اذا كلبك كلب حيه ,,,,,,,,,,,,,,, ولا بيه

رحم احسنلك ادفنه بهبيه

[سفينة البحار]

مومثل البشر كلش وفيه وياي
الجروح البيه ابد مايوم خانتني
اليبعد عني منهن يرجع ويا ضيف
وما عافني رغم اخواني عافتني

[*أحمد الكعبي*]

الجرح يتشلبه أعله طولي مكابر وصابر عليه
جزع من صبر العليه وگام يلهم بس ملح
عيب گتله أستهدي بلله وأنه ناويلك صلح
شال رمحه وصوباني
وكلي من يمته أصبحت تخشه الجرح.
احمد الكعبي

[جودت الانصاري]

عتاب
كولوله الدمع خنياب ,,,
كولوله : عليش ايزقفل ابابه ,,
اذا مامش بشر
عل الباب
يمن ريحة امسنه
وجرحنه الما طاب
يا جيحة مطر بيهه الملح ما
ذاب
يا جذاب ,, يلتحسب الكل جلماتك الف
احساب
ويوم الردت اعاتب
والعتب مرفوع
لان انت اساسا ما تساوي
عتاب

[صادق العارضي]

احسنتم وبارك الله باقلامكم الرائعة
مامرن بعــــــد دارك ولاصل ولاأرتاب من عكرب ولاصل
الشدة أتبين الطيــب والاصيل

يوكفلك درع من كل رزيه
بقلمي

[جودت الانصاري]

جميل اخي العارضي
مبدع انت بحق
وددت لو كتبت الابو ذيه بطريقتها الصحيحه :
ما مرّن بعد دارك ,,,,,, ,,,,,, ولا صل
ونه المرتاب من عكرب ,,,,, ولا صل
الشده اتبين الطيب ,,,,,,,, ,,,والاصيل
يوكفلك درع من كل رزيه

مع بالغ محبتي

[صادق العارضي]

استاذي الفاضل واخي العزيز
جودت الانصاري بارك الله
بك والف شكر لمروركم العذب
ولملاحظتك الرائعة لبيت الابوذية
سلمت يداك
انتظر ردك
أضحك جذب للناس بس كشرة اسنون
حنطه وطحني البين برحيي اليكرهون

[ابو ياسر الكعبي]

السلام على روّاد الوجع.....
إذا زاير تِطب تزور الاوجاع
دمر عالحايط وخليني أشوفك
مرحى ومرحبا بأحبتنا النازفين وجع الابداع

شهد الله اني إشتقتُ اليكم

لي عودة لأُراكِمَ وجعي المُزمن

[سفينة البحار]

حيل اهلا صحت .. فززت الجروح
من شفتك على الاوجاع مريت
بنيت الحايط انته وعفته جا ليش
صاح الام بعدك بالم ضليت

لعودتك طعم العسل ابو ياسر الكعبي
لك خالص ودي وتقديري

[ابو ياسر الكعبي]

ماعفته ... خفت لتطيح الجروح
شفتها إمشابِجه وتتشلبه عالآه
خذتها اوياي ذابح ذِبِح مذبوح
وضل مصلوب كلبي امعلّك إهناه .. ,
""
سفينة البحار
ولهطولك طعم ألذّ وأحلى من الشهد

ودٌّ أفنى ولايُفنى