[جودت الانصاري]

التمسك تعال وجيب ورحي وياك ,,,,, من يوم الرحت واني افتقد روحي
قالب ثلج ردتك من يجيني الكيض ,,,,, مو قالب ملح ويشعوط,, جروحي

ملح باليود رجاء

[جودت الانصاري]

نتف ريشاتنه مثل الحمامات ,,,,,,, وجبناها زحف ما نكدر نطير
يتمونه اهلنه بذيج الايام ,,,,,,ومثل يوسف ربينه بوحشة البير
لتسولفلي عن الاه ويلاه ,,,,,, انه عمري كضيته بقمقم زغير
وللمعاناة بقيه

[سفينة البحار]

انه زحمة جروح وآهي تفصال ..... كدرهه زماني علي تكدير
تكمطت بحزن ورضعت من الضيم ..... ومن زغري صرت يا سامعي جبير
من اريد اكتب شعر عن آه فد يوم .... من كثر الالم انسى التعابير
واريد ارسم صور للي امر بيه ....... الكه ابالي منتظره التصاوير

[جودت الانصاري]

جنه ازغار والدنيه : التزامات ,,,, ول ماله ظهر بيه تره يحير
بعمر حالوب وربينه مصاليخ ,,,,, بطرك احلامنه مثل العصافير

يدولبنه الوكت باشكال والوان ,,,,,, وجلمات البشر لسع الزنابير
خلانه علج بحلوك الايام ,,,,,,,,,,,, وخبز ركاك ببطون التنانير

مرورك نور ازال وحشة متصفحي فلا حرمني الله منه

[سفينة البحار]

الفرح عندي حلم ما مرني فد يوم *** وخدي من الدموع انحفر تحفير
الحزن يرتاح يمي وينزع الاه *** دك بظهري لآلامه بسامير

[جودت الانصاري]

خاوانه الحزن من احنه وزغار ,,,,, ,,هاجس ليل ومرافج محاذير
نتلكّه الصبح كبل اليزرعون ,,,,,,,, ونحلم بالشمس مثل النواطير
لا حرمني الله من طلتك سيدي
احترامي

[سفينة البحار]

شتله الحزن صار بين الضلوع ... نزيف جروحي صاير جن نواعير
اذا تفرغ ولو ماتفرغ بيوم ... عيوني يفيض بيها الماي وتدير
لحروف الوجع
تحيــــــــــــــــــــاتي

[*أحمد الكعبي*]

عله الحايط طبعت ضلوع الجراح
وتركت بكل جرح منك علامه ...
غشيم وأمّنت طعنات الرماح
لأجلك قامت بحزني القيامه ..........

[سفينة البحار]

على جروحي انطبع ظل حايط الآه ... تلكنه الجروح بلهفه وبشوك
من تمر عليهن تسمع اصوات ... ولون تكشفهه جنك طاب بسوك

تحيـــــــــــــــــــــــــــــــــــــــاتي

[صادق العارضي]

شٌفت المُوت وآكَف ياخــذ النْاس
كٌتلهٌ إشــٍبيكِ خآيبِ تًاخذٌ الــزِينْ
جــاوبنًي بـــــصلآفه ورافع الرأس
لـو أنيُ أستحُيِ ماآخذْ حـــسين

منقوووووووووول
بارك الله بكم وباقلامكم الرائعة
وصوركم الشعرية الجميلة
تقبلوا خالص دعواتي