اللهم يحفظكم اخي ابو اسد ويطول بعمركم تعرف اني الوحيده الي تغربت من عائلتي وهم عددنا 11 5بنات 6 اولاد ولا خطر بالي يوم اسافر واترك اهلي وبلدي بس الحمد لله على كل حال
و
وحق امي فاطمة .. يا اختي الغالية احس بيج رغم اني عمري ما اتغربت
ولا احب الغربة ..؟ لو تعرفين جاني عقد 4 سنوات الى كندا على حسب اختصاصي ( ادارة الاعمال العامة )
بس مارحت لان ما احب الغربة وعندي حنين للوطن والاهل يفوق التصور !
والسفرة الثانية للسويد مع صديق وكل الامور كانت متاحة قبل 16 سنة ؟وهم ما رحت ..
لان فراق الاحبه شي صعب .. هذا موكلامي ؟ كلام الامام الحسن الجتبه روحي له الفدا
اسال الله تعالى بحق فاطمة المظلومة ان يقضي كل حوائجك ..آمين
ممنون
السلام عليكم احبتي ..
اليوم راح نحجي عن صنعة شعبية عراقية كلشحلوة ومهمة و وكل بيت يحتاجه
هي مهنة ( النداف ) او صنعة الندافه
ملاحظة // هاي مهنتي قبل 13عشر سنه قبل ما اتعين بالوظيفه 8_8
وعندي بعد صنايع ؟ (( سبع صنايع والبخت ضايع ))
النداف ...او الندافه شغلة كلش حلوه والناس لحد الان يرغبون بيه
ولو التطور الي حصل والاستيراد الكاسح باسواق العراق قضى على معظم المهنة !
لان الناس اليوم يستخدمون الفراش والبطانيات والمنادر ( فرشة محشاية بالقطن )
استبدلوهة بالقطن الصناعي او البولستر او الاسنفنج المضغوط اوالمفتت للحشوه ..
والنداف قبل يعني قديما يندف القطن الاصلي بيديه يعني عنده خشبة ماتتعده ال30 سم يسموه ( جُك النداف )
(والوتر) عصى رفيعه وبيه وتر يخلي القطن عليه ويضربة بالجك ويستمر والامر متعب ..
واليوم يستخدم النداف مكينة بيه فتحتين وماطور وقايش ودولابين عليهم قطعة قماش عريضة متحركة تى تنقل القكن
داخل الفتحة الاولى والفتحة الاولى بيه بسامير مدببه ةحادة اتقطع القطن من تفتر وطلعه من الفتحة الثتني ..
وبعدين يجي النداف ياخ القطم المنفوش ويعبيه بالفراش الي خيطه من الخام يسموه ( الوجه )؟
الوجه يعني البطانة الداحلية للمواد الي راح يستخدموهة بالفراش وهي مثل القالب الاولي وبعدين
يجيبون الناس القماش الي يعجبهم من الوان وزخرفه ونوعية حتى يلبسوهة على الوجه ..
وهي المواد او انواع الفراش هي
1- المخده ويترواح طوله وعرضه ( 45سع×60سم ) حوالي كيلوا قطن يحشيه
2- المندر يعني الفراش الي ينامون عليه او يكون على حجم السرير نفر اونفرين ؟
ابوالنفر ( متر × مترين ) حوالي من 5 الى 7 كيلو قطن يشيه وسمكه 10 سم
ابو النفرين (مترين × مترين ) من 20 الى 30 كيلوا قطن اوحسب رغبة الزبون وسمكه15 سم اواكثر
3-( اللحاف) وهذا اجمل شي بالندافةيعني ( البطانية ) يغطون بيه وهنا يبدع النداف ويسوي اجمل الزخارف عليه بالخيط والابرة ومايستخدم المكينة .
ويكون عرضه 2متر × 3 متر وتاخذ قطن اقل .. لان تكون رفيعة (يعني سمكه )كوالي من 3سم الى 4سم
4- (الجودليه ) هي تشبه المندر بس اتكور رفيعة وسمكه 4 سم حوالي وتاخذ 2 كيلوا قطن او اكثر
العراقيين يسنخدموه للكعدة عليه اويحلوه تجت الخطار والضيوف اويفرشوهة بالصيف بالحوش ويسولفون ..
احلى شي بالدنيا بغداد وايام وذكريات بغداد والله مثل تراث بغداد ماصدك اكو شكرا على القصه الحلوه
هلا اختي الجليلة ...
اي طبعا هو اكومثل بغداد ؟ وايام بغداد ....
تكدرين اشاركين اختي الغالية باي موضوع تراثي او قصة عراقية قديمة او تقليد ....
ممنون منج
العرض المتطور
