[ابو ياسر الكعبي]

سلام على المبدعين

أنه جروحي سنابل خَضْرَت إهموم
حصدتها ابمناجلها الفلاليح
عمري اويا الدياسه باث منثور
ذرّتني ابهوى عالي المراويح
سفينه وبالبحر غطّيت مجبور
يلن كثرت عله ظهري الملاليح!

[زكي الياسري]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

سلام على المبدعين أنه جروحي سنابل خَضْرَت إهموم حصدتها ابمناجلها الفــــــــــلاليح عمري اويا الدياســــــه باث منثور ذرّتني ابهوى عالــــــــي المراويح سفينه وبالبحر غطّيــــــــت مجبور يلن كثرت عله ظهــــــري الملاليح!

اْنه اجروحي مناجــل حصدت النوم
وضافت للجــروح الغـُربــه تجريـح
و اذا تنشد يناشــــد عـــــــن الِعلوم
صُفن ريشة حمامة ابعُرضــة الريح
وإذا نشروا شِرعهم صـوب الهموم
تِطول اسنين سَفــــــــرات الملاليح


تحياتي للمبدعين الافذاذ

[زكي الياسري]

الحبيب الغالي
سفينة البحار

لا لونَ للحرف حتى إذ مــــررت بهِ
فصار يشرقُ فيهِ النور إشـــــــراقا


ابياتك اقدس و عبيرك اعطر يا فذ


و الحبيب ابو ياسر
ما زلت نور صفحة الاحزان

[طيار عراقي]

انا چفوفي محارم تمسح الدمعات

ولوشفت الحره تبچي اكطع چفوفي

[ابوتكتم الخير]

إلى أحباب القلب ابو ياسر الكعبي والسيد زكي الياسري
نسأل الله العلي القدير في هذه الأيام المباركة وبولادة الأمام الحسن كريم أهل البيت
أن يحفظهمفي صحة وعافيه
أنه جروحي فرح بس تضحك إهموم
وتداعب ألمها بدمعة العين
وأذا تحزن تراها تصيح حيهوم
وتذر الملح عل الجرح مرتين
وأذا صدوا شمالته عليها فد يوم
عنوه تروح وتقبل السجاجين

التحيات للكل

[زكي الياسري]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

إلى أحباب القلب ابو ياسر الكعبي والسيد زكي الياسري نسأل الله العلي القدير في هذه الأيام المباركة وبولادة الأمام الحسن كريم أهل البيت أن يحفظهمفي صحة وعافيه أنه جروحي فرح بس تضحك إهموم وتداعب ألمها بدمعة العين وأذا تحزن تراها تصيح حيهوم وتذر الملح عل الجرح مرتين وأذا صدوا شماته عليها فد يوم عنوه تروح وتقبل السجاجين التحيات للكل

جميل جداً .. يا ابا تكتم ..

حلگ الجرح لو صب ألم ... خلتضحك اشفاف الجرح
مو حلوه لو عاذل شِمـَـت ... لتخلـي ضيمَـــك منفضح
و الهاي يا راعي الحزن ... انحب لـَحَــد خيــط الصُبح

[ابوتكتم الخير]

جميل جداً .. يا ابا تكتم ..

حلگ الجرح لو صب ألم ... خلتضحك اشفاف الجرح
مو حلوه لو عاذل شِمـَـت ... لتخلـي ضيمَـــك منفضح
و الهاي يا راعي الحزن ... انحب لـَحَــد خيــط الصُبح

والأجل ياسيدنا الكريم هذه الأبيات التي سطرتها جروحك
ولك
حلك الجرحج مفتوح ولألم يسعر
والحلوة تدري البيه بالألم يسكر
ولهاي أداري بيه وللصبح أسهر
وأرعى الحزن ياصاح خاف أتعثر

ربي يداوي كل جرح من جروحك سيدنا الكريم
لقد وفقنا الله بزيارة سيدنا ومولانا الأمام الحسين وأخيه ابو الفضل العباس عليهما السلام هذه الليلة المباركة
وقد ذكرناكم سيدنا بالزيارة والدعاء والصلاة في صحن الأمامين
ربي يقضي جميع حوائجكم

[زكي الياسري]

جزاك الله خير الجزاء ايها الحبيب إذ ذكرتنا عند الحبيب

لفراگ الأهـل و ارض الوطـــن آثار
ودموع الغريب احــــــدود سِـچـّـينه
و ثلثين العــــذاب ابغربــــــة الآلآم
من فرگة علي و عبّاســه و حسينه


تقبّل الله زيارتكم
واعمالكم في هذا الشهر الفضيل

[زكي الياسري]

جَـِرح هلـّيله أعمَـق كــل الجروح
وبراس العقيـده الأثــــــــر ظـــاهر
جرح مو سهله نكتب عنـّه چلمات
جرح النور كيف ايوصْفـَهْ شاعر؟


عظــَّم الله اجوركم

[سفينة البحار]

لنا ولكم عظيم الأجر بمصابنا بأمير المؤمنين
علي بن ابي طالب ( عليه السلام )

اليوم الكون كله بوكت الآذن
صاح الله واكبر وااااعلياه