[ابو ياسر الكعبي]

جميل وتبقه بع اجمل وره اجمل
واترجملك جُمَل شعري وره اجمل
اودّن كلمن ايودّك وارجمه الــــ
يعـاديك ويـدوّرلـك أذيّــه

[الروح]

وثيقه بكل فخر كلبي وثقلك
جبل ما شفت بأخلاقك وثقلك
الك يرخص دمع عيني وثقلك
الكلب لمن يدك يوكع بديه

[صبر الحوراء]

وسفة الدهر شتتكم وطركم
حسافة ماكضة منهم وطركم
بذكركم هذا انه اهذي وطركم
يعيد الله شملكم جمع الية

منقول

[صبر الحوراء]

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

منقول

[الروح]

يدنيا بلوعي وشكواي حسي
وعن وجهي غبار الضيم حسي
اظل اصرخ واصيح بعالي حسي
لم تحسين يادنياي بيه

[صبر الحوراء]

زماني بسيف مت عني علي راد
وهمي اشماجفل عني علي راد
ادور الي يجاوبني علي راد
ويضمد اجروح ما الهن شفيه

منقول

[الروح]

عليك الروح تسأل ما تسلها
وتدري انته العواذل ما تسلها
شمتاني سيوفك ما تسلها
اذا للضيج مر الضيج بيه

[صبر الحوراء]

زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه

[ابو ياسر الكعبي]

زمـانـي مـانصف مــرّه بعدلاه
رمـانــي والاودّنـــه بـعـدلاه
نـفاني عن وطن روحي وبعد لاه
شـكـثـر وشكـثـر ثـارات العَـليـّه

[ابو ياسر الكعبي]

اقتباس : المشاركة الأصلية كتبت بواسطة الروح [ مشاهدة المشاركة ]

عليك الروح تسأل ما تسلها وتدري انته العواذل ما تسلها شمتاني سيوفك ما تسلها اذا للضيج مر الضيج بيه

صباح موشّى بالنور والسرور
؛
العـواذل ماتت إبغـيـها بـسلـها
الـندم واللـوم والـحـسره بـسلها
بعـدهي امـجــرّده اسيوفي بـسلها
زمـاط وحـاضـره الـحـد الـمـنـيـّه