[عفتي فاطمية]

عمه بروقه عمره اربعه وعشرين
نونو حياتي هاي الي طالعه من ايدج تروحين تبجين
موانتي المستشاره دعلميه
اني عصبيه بس عصبيتي على ثلاث مراحل
مرتين تحذير وبالثالث يتمنون لوكاتبيه وصيتهم

[رغد الموسوي]

ههههه
عفوفة حلوة عصبيتج بيها تحذير
اني بالنسبة الي دائما احاول اتجنب المشاكل
يعني اذا يصير نقاش اوشي اترك واروح او اسكت
ماحب المشاكل

[عفتي فاطمية]

رغوده اني هم مااحب المشاكسات
بس بعض المرات اذا راد احد يشاكس وياي
اول مره احذر بالعين ثاني مره باللسان
الثالث لو على ابويه اذا كان كبير
اوبالايد اذاكان صغير
بس مااتذكر واصل للثالث
يعني يخافون من التحذير الاول
بالثاني يهربون

[رغد الموسوي]

ههههه
ياحبيبتي ياعفوفة عفية عليج

[بريق]

هلو شلونكم يا حلوييين
عفوفتي شلونها
راح اكلكم أني كللللش عصبية يعني مسودنة وخواتي كلش يخافن مني
وبنفس الوقت احب اتداهر الى ان الواحد يجزع مني وحلكي دومة مفتوح سفيهة جداً بس ضحك
وينضحك علية بسهولة وردت فعلي العصبية بس كلش مدمرتني أمنيتي أصير باردة
و احب الحقوق والواجبات الى حد انو الاخرين يعتبرونني معقدة بس أني احب الجد بالمعاملة والعمل اكره المجااااااملة وعندي نحاسة بس مع الكل فقط اللي عده اطباع يسويها وياية متعجبني فأستخدم نحاستي كأنذار وأخيرا أني اجتماااعية جداً بساع أتعرف عالناس

[رغد الموسوي]

فكرت بموضوع للنقاش
انه اذا فترة مشايفة احد اقاربك او احدى صديقاتك
وتسالين عليها وهيه مترد عليج طبعا بدون سبب
وانتي هم متعرفني سبب انقطاعها بس سالتي عليها وعرفتي انه ماكو شي يسبب انقطاعها عنك
والعيد اجه هل تعاودين السؤال عنها والاتصال بيها ام تزعلين وتنتظرين هيه تسال
ارجو ردودكم لان هذا الموضوع صار وياية مع اعز صديقاتي وهسه مادري اتصل بيها لولا

[بريق]

بالنسبة الية بس ادزلها رسالة ما اتصل

[رضا الله غايتي]

مرحبا صبايا
حلو موضوع المناقشه
والله احنه نقاشات بس كلش حاده
واني دائما التزم الصمت واذا ردت احجي
اكلهم كافي نقاش وشوفولنه سالفه حلوه نسولف بيه
ههههههههه

[رضا الله غايتي]

اقتباس : المشاركة الأصلية كتبت بواسطة نورالنجف [ مشاهدة المشاركة ]

السلام عليكم ..// شنو ها لنقاش ام حيدر ...// ههههههههه يعني مشاجرات بالكلام على قول عفوف كبرنا على هالسوالف ..، ههههههه صراحة انا أخوية الأصغر مني هو بعمر المراهقة وشوي شايف حاله .. مرات يضوجني بس انا أحاول دائما اتركه ماارد عليه بس هو يشوفني ما أديرله بال يظل لازك بيه .. ههههههه يكول ليش متديرين بال هههههههه اخر شي اروح غرفتي واكعد ابجي . .. تسلمي ام حيدر وبانتظار نقاشات حادة .. هههههههه ها شنو رأيكم بيه ...،:o

نور حبيبتي زين تسوين

[نورالنجف]

اقتباس : المشاركة الأصلية كتبت بواسطة رغد الموسوي [ مشاهدة المشاركة ]

فكرت بموضوع للنقاش انه اذا فترة مشايفة احد اقاربك او احدى صديقاتك وتسالين عليها وهيه مترد عليج طبعا بدون سبب وانتي هم متعرفني سبب انقطاعها بس سالتي عليها وعرفتي انه ماكو شي يسبب انقطاعها عنك والعيد اجه هل تعاودين السؤال عنها والاتصال بيها ام تزعلين وتنتظرين هيه تسال ارجو ردودكم لان هذا الموضوع صار وياية مع اعز صديقاتي وهسه مادري اتصل بيها لولا

اللهم صل على محمد وال محمد
شوفي حبيبتي ..
اذا كان سبب الانقطاع بدون سبب .. فهنا يختلف الامر عن اذا كان يوجد سبب معين ،
اذا بدون سبب فالغائب عذره وياه .. يعني يمكن مشغول او مسافر او يوجد عنده ظروف شخصية او او او ... الخ
فهنا أعذره وانا الي أبادر بالسؤال .. يعني مامعقوله هي او أني منقطعه عن صديقاتي بدون سبب لازم اكو سبب معين .. حتى لو بسيط مثل ما عندها رصيد او شغل البيت ماخذ وقتها يعني لازم يكون سبب وهنا أبادر انا وهي أكيد تفرح وتتعذر وتواصل بعد المبادرة..
لكن اذا كان اكو سبب او يمكن يكون زعلان مني لكن انا لم انتبه ولا اعرف سبب الزعل ..
أيضاً أبادر انا يعني بفعلي هذا احصل على اجر وإذ ا ما اهتم الي وبقى زعلان بعد المبادرة هنا لا اتركه وماكو داعي افكر فيه مرة ثانية .. المهم انا الي عليه سويته ورضيت نفسي وأقنعت بفعلي .. وهو حرررر

يعني انا أشوف هذا أحسن شي .. وان شاء الله يعجبك جوابي رغودة

وشكرا للنقاش الحلو .. حقيقة يصير مثل هالامر بين الصديقات .. ونستفاد من أجوبة بعض ..


وانا بانتظار كم في اي شي حتى لو بسيط .. يعني حلو إحنا أعمارنا مقاربة لبعض وأفكارنا بعد .. جميل ان نستفاد من بعض


بانتظار عفوفة .. نشوف شنو رأيها في الموضوع ...،