أبو ظاهر البركي
بحـثو علخــطأ مالـــكو لبناك
بنيت ومن ذهب سويت لبناك
ولأنك فخر طيب أصل لبنـاك
أدعوك الكفر ذوله الناصبـيه
_‘____________
القناص ألأول
زكي وطاهر رجس مابيه لبناك
بنيت وللنجم مرفوع لبناك
اذا ما حصلو اخطاء لبناك
طعنو بيك ياحامي الثنية
ـــــــــــــــــــــــــــــــــــ
الشاعر احمد العراقي
عدل مخصوص بالايمان خطّاك
وچِذَب مولاي كل مدغوش خطّاك
ردى الباري اعله متن الدين خطّاك
وسند بيه امّنت دعوة نبيه
ــــــــــــــــــــــــــــــــــــــــــ
أبو ظاهر البركي
علي أبنك تراهو مشه بخطاك
النصر دينه درب مرسوم بخطاك
كماط وللنبي خيطت بخطاك
وتكمط بيه بعد حامي الحميه
ــــــــــــــــــــــــــــــــــــــــــــ
الشاعر ابو تركي البدري
لابو طالب شرف مرفوع وابناه
وشاد الدين بيده وعلا وابناه
ويكفي لو علي وزوجته وابناه
نور وعم على كل البريه
ـــــــــــــــــــــــــــــــــــــــ
الشاعر وجدي الجاف
النبوة أبزوده ابو طالب - وفاهه
روحــه تــنوصف عالي - وفاهه
صارت عـالنـبـي ضيهه - وفاهه
لجن غالتهه أرجاس البرية
ـــــــــــــــــــــــــــــــــــــــ
أبو ظاهر البركي
النبوه جان ابو طالب حملهه
ورسالة تضحيه ألأبنه حملهه
وكبل ماتوضع الحره حملهه
فطر حايط الكعبه يريد أخيه
ــــــــــــــــــــــــــــــــــــــــــــ
الشاعر أبو تركي البدري
وحق من سيير العالم والافلاك
ابو طالب امير قريش والبطحاء والافلاك
وتشهد له المحب والضد والافلاك
مسلم فطرته وكله حميه
----
ما ضره انكار الحق وجحده
وباطل يلبس الباطل وجحده
اذا بايع وبخبخ له وحجده
ترجاه يعترف باعظم قضية
ــــــــــــــــــــــــــــــــــــــــ
-----
العرض العادي
