[سفينة البحار]

الى باب الله والشهيد في سبيل الله

سيدي ومولاي (( عبد الله الرضيع ))

يا ازغر جبير بطف حسين الله .. ست اشهر ولكن باب رحمة رب

بكماطك والك عالناس كثرة افضال ياوارث وريث الورث اكرم اب

خليت الدموع اتسيل في ذكراك واليجري الدموع الجنة حتما طب

يل بجيت ابوك وكبلة عرش الله النبي وحيدر علي والزهرة هم تنحب

ويل قصتك ابد ما مرت على انسان الا ودمع عينة من المحاجر صب

الك بالطف صور كلما تمر اسنين من ذهن اليحبك دوم تتكرب

اذكرك بيها واذكر عمرك المذبوح وبفيض الصور مولاي اتكهرب

اشيح بوجهي عن كل الدمه المسفوح مو ماريد اشوفه منه اتهرب

ويصير كبالي دمك ياعزيز حسين مابين السمه والارض يتكلب

يل تشبه لعيسى من نطق جلمات عبد الله كال وانته عبد الرب

صحت وحسين شاهد من صحت يحسين ماعز النحر لو نحري يتطلب

يوسف من جمالك عنده بس عُشرين لو ويا عشت ما حبه كلمن حب

على اسماعيل جزيت وعبرت حدود ماتم ذبحه ذبحك تمم المطلب

برد نار الخليل على الخليل تصير وانته النار منك للحشر تلهب

نوح انته صرت مركبك جف حسين عليت على الضلاله وسيلهم من صب

رد لامه موسى العين كرت بيه وفاركت اليحبك يلي بس تنحب

آية موسى ايده الاُخرجت بيضاءلمعت ركبتك جالفضه من صوب

ومن كماط حزنك طلعتهه تنور ايدك للنحر جالماي تتسحب

تبت ايد شمرك من دنت للقوس ومن حط السهم وادماك تب وتب

فصول الطف تتم ؟؟ لا ماتتم بس بيك الطف لفصوله بدمك اتمم

يل نور الشمس من مس خيوطه ابليس بدمك من اجاه الطاهر اتيمم

يا ذخر اليحبك وانته شمعه اتنور تدفع كل ظلام وظالم واظلم

ويل اسمك فرج لو مر عليه الضيم كل ضيم اندفع بسمك لون تمتم

اريدك بالحشر تشفع يعالي الشان بكماطك لذت بجفوفك وبالدم

بجيت السماء وانته لسه زغير لو تكبر الباري بمنزلك اعلم

عذرا لك مولاي فانا قاصر مقصر