[شيعي سيدالأحزان]

اتعبت قلبي حيل من زود حبك
وتعبت أدور لك عن اللي يرضيك

صار الجفا يازين من جد طبعك
رغم ان قلبي بالوفا دوم حاويك

ليتك تروف بحال منهو يحبك
وتسكن بوسط العين وبالرمش اغطيك

وتملك خيالي واسهر الليل جنبك
ونسامر النجمات ياروح مغليك

بوسه على عينك وبوسة بخدك
واعيش سحر الهوى وسط عينيك

ألم شعرك واشبك يدي بيدك
وارش عطر الشوق كله حواليك

ابعرف ان كان لي معزة بقلبك
وابي تعرف ان كل جروحي تناديك

طال انتظاري وطال بوحك وصمتك
لا جيتني ... ولا خليتلي فرصة اجيك

كلمة ... وابيها صدق هالحين منك
ياتحبني ... ياتقولي روح ماابيك