[ابوتكتم الخير]

صاحت يعباس العلم عل المشرعه طاح
وجفك يخويه منكطع إبيض الأصفاح
وحيده آنه خويه إ بكربله ولاح الهضم لاح
كلي شسوي بغربتي....منهو الينشف دمعتي
يا خويه كسره كسرتي أكضيها بنياح

صاحت بعد منهو إلي بهاي المسيه
نومه إخوتي إعله الثره بالغاضريه
ويولوني بسياط وشتم إجيوش إميه
شتم الولي حيدر علي .... كل هذا ونوب أنسبي
إل طيبه وجهت العتب لمي الزجيه

[ابوتكتم الخير]

ونصار
بالحومة إسمعت يحسين ون صار
يكــــولون إنذبح عبــــاس ونصار
أسألك عن جفيلي الحيد وين صار
عل المشرعه خويه بكت جثته رميه

[ابوتكتم الخير]

نعي السجاد
د كوم إكصد يبو القاسم عليله (علي إله)
وصيح بصوت وا ويلي عليله (عل اليله)
نغدر بالسم يمهدينه عليله
وجبده إتكطعت بسموم إميه

[قاسم حتروش]

كلك وفه وأيثار كلك محنّه ولو أخو واحد راد بيك يتجنّه تقبل مروري

[أم كميل الكلابيه]

موضوع جميل والأجمل هو روح الأخوه التي تنبعث من الأخ أبوتكتم الخير
أختكم العضوه الجديده شاعرة أهل البيت ع أم كميل الكلابيه في قسم الشعر الشعبي
أتمنى للجميع الصحه ودوام الموفقيه وخصوصاً صاحب هذا المتصفح الراقي

[ابوتكتم الخير]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

كلك وفه وأيثار كلك محنّه ولو أخو واحد راد بيك يتجنّه تقبل مروري

ألله .... ألله .. على هذه القريحة العذبة
والوفاء نتعلمه من أهل بيت النبوة
فهم منبعه
لقد أبكيتني بهذه الكلمات العطرة
أيها العطر

[ابو يعرب الجنابي]

واحة مشرفه
ياإستاذنا العزيز القاسمي

[ابوتكتم الخير]

العزيز ابو العرب
واحتي هي واحتك
ووجودك بها شرف لي أيها الغالي
أخ ،صديق
لك ماتحب
شرفتني

[ابوتكتم الخير]

خل أودعك يل تريد العلكمي
خويه جاري الماي بعدك علكمي
خيالي
أنه زينب الماشافت الوادم خيالي
شفت منظر وأحسبنه خيالي
طفت عينه إنكطع جفه خيالي
وظلت رايته وجوده رميه

[ابو محمد]

السلام عليكم احبتي

بطل عباس من هاشم وسرها
ونومسها بصعيط الطف وسرها
يريت ايعاين الحرّه وســـــــرها
تلوّه اعله المتن سوط ال اميه