[ايتام علي]

عجبني بالسيد المالكي شغله وحده ان قائمته مو بس متمسكه بيه لان قائمته لايوجد فيها رجل واحد بمعنى الكلمه سوى المالكي وهم من قال ذلك من خلال تصريحاتهم حيث قالوا انه لا يوجد اكفى من السيد المالكي بينهم لتقديمه كمرشح بديل
والله مخازي مو عيب عليكم 89 عضو مابيكم يقول كلمة حق امام المالكي اطلع عرتت بالكرسي ادري شنو كرسي الوالد ورث اطلع استحي على وجه اهلك ماكو شو عرقه بكصتك
ويطلع الافندي على العراقية يقول خلي الشعب يشوف الرواتب بعام 2006 وهس وقام الشعب يمشي على طوله ويتكلم براحته ورواتبهم زينه او القسمه العوجه لهل الشعب هذا ياهوا اليجي يعيره بنت صدام تقول العراقيين حفاي وبابا لبسهم نعل من نعل عليج وعلى ابوج صدام ويطلع المالكي يعير الشعب برواتبهم وبسياراتهم واذا تتكلم على الامن واجبك وغصبن عليك تفرض امن عوزك بس هاي لعد شنو شغلك وفوقتها وين الامن واجبات الحكومه توفير الامن والاستقرار وتوفير الخدمات ومن فضل الله كلهن ما متوفرات وكتلنا الجوع وعلى قولتهم الشعب ياعمى طاير لاهو حاط ولاهو طاير صار بينا المصاير
والله احتريت بحكومة حرق الملفات وزير التجارة ودع من الدور الاول وزير الكهرباء مايدري شنو السالفة كالوا استقيل استقال الرجال وزير النقل مكامش من الرؤوس وي رئيسه عليمن الله يعلم وكل فترة طابق بالوزارة احترق طابق العقود شنو السبب التماس كهربائي هي وينه الكهرباء حتى يصير التماس كهربائي ليش تقولون التماس كهربائي الشعب ميصدق قولو عقد من العقود طقت روحه من المبلغ العالي وحرق روحه واحترقو اخوته العقود وياه هاي الشعب يصدقها منكم !!!
ورمضان كريم عليكم وعلى الشعب العراقي