من المجد صغنه ابفخر علي انه
وعلانه ربنه امن انجعل علي انه
نتسابگ ابيوم الحشر علي انه
وابچف محمد نروه من الكوثر
اللهم صل على محمد وآل محمد
---
حيدر علي فارس بدر والخندق
يوم ابن اود اجتاز الحصن والخندق
طشارها اتعدى النبي والخندق
والجنـدله باب المعاجز حيدر
----
السر العجيب وي الزجيه مخفه
لاوين يبقى هالضريح مخفه
حبها جهر ما اظن بيه مخفه
والمايحبها يوم المواجه يخسر
----
موفقين ابو شهاب
احسنت
---
نور الحسن ابن النبي نور النه
من نور سيقان العرش نور النه
بيده الضوه بيوم الدفن نور النه
بصكة الظلمه تعهد يحضر
----
اكسير ياحب الحسين وجنه النه
الدمعه شقى لغير البشر وجنه النه
للناصبي تصلى صغر وجنه النه
لان اليقسم بالحشر بس حيدر
-----
موفقين
لامامني الهمامين الحسن والحسين صلوات الله وسلامه عليهما
ونتمايز ابجود الذي شبرّها
العليه ابفضايل وابكرم شبّرّها
شاف الدجل نار الجهل شبّرّها
وثبة بطولة اخمدت چانون الشر
وارواحنه لشهد الوله يحسنّه
واحسان چف الما يجف يحسنّه
ذاك النندبه ابكل عسر يحسنه
وابجاهه يصبح كل عسرنه اميسّر
تحياتي ودعواتي لك عمي ابو تركي بالتوفيق
كل عام وانتم بخير بمناسبة قدوم شهر الرحمة
اعانكم الله على صيامه وقيامه بحق محمد
وآل محمد
-----
علي نوح هالعتره ورفع رايتها
قاوم اميه وما علت رايتها
دك الثوايا وسارية رايتها
يا ما للموالي والاياما حرر
-----
محمد الباقر صورة طبق من جده
للعلم باقر وانتهل من جده
وخلف الصادق بيه صفه من جده
العلم بيده انتشر واطور
----
موفقين ابو شهاب
العرض المتطور
