[نور المستوحشين]

انتهى اسبوع ام وحيده وللأسف لاجات ولا شفنها طبقها

انا راح أختار فلاان

فلاان ماعندك حجة الحين اجازة وماكو لا احساء ولا غيرها

نبغى طبق دسم زين

وعفية من تختار لاتصير ارهابي وتختارني والله الدنيا زحمة لفوق عندي ومالي خلق لاتصور ولا شي


تحياتي نور...

[فلاان]

بلوووسمووز مادري شنو :p

يم يم مغرية الصالونة
تسلم ايدج :p
وام جــود الله يسهل عليج ان شاء الله بمحمدوآل محمد ^^

انزين
نورو الحكام الجدد يعدلون في الدستور ومادري شنو جان تطووووول فترة حكمهم
وانتي تعدلين في القوانين جان ترجعيني وتردين لي صيدة ذاك ليوم

هههه
خلاص ان شاء الله بكرة بشوف يمكن اسوي غذا البيت اجل :$ ..
او أي شي آخر :p

وتينكيو ع الفرصة خيتي نور

[فلاان]

مممــ تمبو اسوي ليكم مقلــوبة ؟؟ لو محروق صبعة
يقولو محروق صبعة سهله خخ
بس مقلوبة من زمان ما كلت فيمكن اسويها ؟؟

:p

[فلاان]

محد رد خ خ خ
استوتـ المقلوبة الحين
بس يتنشف المآي ^_^.


واوافيكم الليل في الصـور على خير

[فلاان]

مقــلوبة اللحمــ

.. سـلامـ عليكمـ ..

اي نسرد ليكم القصـة لوول
طبعـآ قلت لهم البارحة ان الغذاآ علي
واخترنآ المقلوبة لولـ

وقلت ليهم 1 ونص ينحط الغذا
حضرتي قعدت .. نطرت نطرت محد قعد .. 12 ونص قمت اشوف شغلي بوحدي لوول

طبعآ المقلوبة تحتاج إلى :-
لحم .. رز :p .. بآذنجان .. طماط (صلصل بعد ع حسب الرغبة) .. بصل .. البهارات والملح لولـ ..

ايوه ؛؛ اللحم كان في الثـلاجة طلعته
وخليتـ صينية (صفرية . قدر) ومليتها ماي وتركته يسخن

وتركت اللحم شوي برآ حتى يذوب بآقي الثلج


انتظرت مافيني صبر فليت اللحم بايدي وثلجت احح لوول

وتركته لينــ بدا الماي يسخنـ تمام وكبيت اللحم فيه
شوي إلا حضرة الماما سلام الله عليها جت لي المطبخ
وقالت يوو غسلت اللحم ؟ قلت ليها يؤ نسيت :p
بس نظيف وجاهز مايحتاج

قالت لاا الحمد لله ماشتهي .. أهوو شيله
هع
وشآلته وقعدت تنظف فيه


وجت خدآمة مالت حرمة بياعة في الديرة
وامي طلعت ليها وقعدت وياها تسولف ومادري شنو وع آخر البضآيع وان البياعة راحت العراق لوولز
وانا كملت تنظيف ع السريع
ورجعنآ الـلحم ع النآر .. وشوية بصل و عفر كمون عن زفآرة اللحم ويخلط ..طبعآ بعد ما رجعنآه ما حطينا الماي حتى يطبخ .. اول ينزل الماي اللي في اللحم شوي مع الحرارة
وينكب برآ (الوالدة لو تشتغل في البلدية جان تسكر ثلاثة ارباع المطاعم لوول )

ونخليهـ ساعة ونص يطبـخ .. وانا رجعت ع النت لين نادتني امي اقصص الطماط والباذنجان لول

نقطع طبعآ بصل ونحمصهـ تمام بس ماجبت الصورة

نبشر الطماط زين


وبعد ما يتحمص البصل نضيف الطمام المبشور

وبعد ما نخلص من خلآطهم زين نتركه ع جنبـ


ونقطع الباذنجان ونخليه شوية عريض حتى ما يذوب بسرعة



طبعآ بعد تقطيعه نملح الباذنجان ونخلطه كويس
ونقليه بالزيت حتى يحمرر

ونظيف الباذنجان في صفرية الصلصة


وبيكون اللحم في هالوقتـ استوى وطبخـ زينـ

وقبل ما يجهز اللحم يفترض نكون خلصنا من طبآخ الرز ونحاول ما نخلي الرز لين زوود ..

والآن للمرحلة المهمة من الطبخة
نآخذ شي من مآي الصلصة
و نكبـ اللحم فوق طبقة الصلصة والباذنجان
ونوزعـه بالتسآوي
وبعدهآ نكب الرز فوق اللحم

ونكبـ مآي الصلصة فوق الرز .. بس احنا نسينا ما اخذنا مآي الصلصة فكبيت من مآي اللحم

ونتركه على نآآآآآر هآدئة إلى ان ينشفــ

وبعد ما ينشف المآي ..
نسوي حركة خطيرة الوالدة ما سوتها تخاف ينكب العيش ههههه

نفتح غطآ الصفرية ونحط الصحن فوقهآ مثل الغطآ
ونقلب الصفرية حتى ينزل كله في الصحن
وتصير طبقة الصلصة فوق ع الصحن ^_^.
وعليكم بالعافية
وهذي الصورة بس ما ضبطت لأن مثل ما قلت ليكم ههه




وخلصنآ عفر ؟ لوول


انزين اختآر بعدي ممممممممممممــ



أنوآر البتول

[Blossoms]

حركات فلان تطبخ عدل تسلم الايادي بس مرة ثانية غسل اللحم عدل والله مابناكل خخخخ

[أنوار البتول]

يااااااي حركاااات عليك فلانوووكووول
يمممم شكلهاا طبختك حلوووه ..
ياااي من زمان ماتغذيت شهيتني
عليكم بألف صحة وعاافيه
والله طلعت احسن من البنااات واشك انك بنيه مو ولد :rolleyes:;)
يووه الله يغربلك مااخترتني الا انا :eek:
ترى ماعرف اطبخ غذيااات وحتى لو طبخت كل شووي ارووح لامي واقوول ليهاا كذا
ولابعض الاحيان اتصل على خوااتي كيف اسووي ..:cool:
بس يلااا ماراح اردك وبشووف بكره وش اسووي ..

[ربيعيه]

فلان هاي طباخك صحيح عن جد تسلم ايدك

سؤال صريح الرجال يعرفو يطبخو او لا زوجي تغرب 4 سنوات لكن يقول ما يعرف شيء

وانت فنان كده لا بكره الطباخ على ابو العيال

[ربيعيه]

نور المستوحشين ام وحيده طابخه ومصوره لكن المنتدى ما يفتح عندها حتى لو غيرت الرابط

وهي تحاول لكن مايفتح وقالت اسالكم عن السبب واني نسيت الموضوع

[ربيعيه]

فلان شكلك اخدت على الرز اشوي علشان كده صارت حبته لينه

مو مصدقه كل شوي ارد اطالع الصور


ههههههههه تسلم ايدك ويعطيك العافيه