[طيار عراقي]

اقتباس : المشاركة الأصلية كتبت بواسطة عفتي فاطمية [ مشاهدة المشاركة ]

ماترجمتولي كلمة (اثاري)

اسف منتبهت الها بس هسه اترجمها تدللين خاصه انها مايحتاج الها صوره


اثاري : تعني تبين ان الامر كذا او تبين انه كذلك

مثال : صعدت بالسياره اريد اشغل اشو متشتغل اثاري اخويه شايل الباتري واني ما ادري

،،،

اذا مفهمتيها كولي اترجمها اكثر واطيج جمل عده اخرى واني بالخدمه

[طيار عراقي]

اقتباس : المشاركة الأصلية كتبت بواسطة (بنت بغداد) [ مشاهدة المشاركة ]

خوش فكره حلوه واي بنيه محتاجه مساعده اني موجوده بس المشكله خاف اترجم بالمقلوب هههه

بنت بغداد شمعنه بس للبنات شنو هل عنصريه ههههه^_^

عادي ترجمي واذا غلط انصححلچ

بانتظار ترجمتچ او استفسارچ

[طيار عراقي]

حكايا اثاري تجي شكلك صح

مثال : ردت اساعدك واسوي لك زين بس اثاري انته متستاهل

[ابو سكينة]

والله عاشت إيدك اخي الطيار ، بس لا فد يوم يسألون عله ( شنهي ما شهني ) هههههه

[بهار]

اقتباس : المشاركة الأصلية كتبت بواسطة طيار عراقي [ مشاهدة المشاركة ]

يلا اريدچ انشط واريدچ تسبقيني بالترجمه ^_^

ان شاء الله اسبقك عمي ^_^
يلى خالتي ام هاني ننتضرررررج

[طيار عراقي]

طبعاً عندي كلمات من اهل الجنوب نتيجة معاشرتي الهم

اذا طرحتها حتى ام هاني ماتهرف اترجمها ههههه

خل اختبرها بكلمة ونشوف


الكلمه هي


(مگعبز) بانتظار الترجمه من الجميع ههههههه

[بهار]

اقتباس : المشاركة الأصلية كتبت بواسطة طيار عراقي [ مشاهدة المشاركة ]

كلمة اغا بالأيراني الها معنى ثاني تعني اخي

امممممم طيب هع
واحنة بالتركماني نقول اغا للاستاذ او المثقف ^_^

[طيار عراقي]

اقتباس : المشاركة الأصلية كتبت بواسطة ابو سكينة [ مشاهدة المشاركة ]

والله عاشت إيدك اخي الطيار ، بس لا فد يوم يسألون عله ( شنهي ما شهني ) هههههه

شنهي ماشنهي سهله

اذا سألو عن (شنهي ما ها ها )

شلون بينه هههههههههه

[بهار]

اقتباس : المشاركة الأصلية كتبت بواسطة طيار عراقي [ مشاهدة المشاركة ]

طبعاً عندي كلمات من اهل الجنوب نتيجة معاشرتي الهم اذا طرحتها حتى ام هاني ماتهرف اترجمها ههههه خل اختبرها بكلمة ونشوف الكلمه هي (مگعبز) بانتظار الترجمه من الجميع ههههههه

هاي مو اللهجة العراقية ابد
شنو هالكلمة
اخي اني مااعرفها
بس لاتقولها خلي خالتي ام هاني تيجي ونشوفها

[طيار عراقي]

اقتباس : المشاركة الأصلية كتبت بواسطة بهار [ مشاهدة المشاركة ]

امممممم طيب هع واحنة بالتركماني نقول اغا للاستاذ او المثقف ^_^

وهذي اتعلمنه تركماني هم هههههه