[سفينة البحار]

على طولي الجرح يتمدد اوياي ... وبليل الشته جرحي يغطيني
عيني عليه تشوفه شبيه مابيه ... وعليهه ازعل لون ما قصرت عيني




تحيــــــــــــــــــــــــــــــــــــــــــــاتي

[زكي الياسري]

وينك .. يطيف الفرح ؟؟ للــــدوم ناسيني
مهموم محّد مسح دمعـــــــــــــات البعيني
وينك يطيف الفرح .. دلحكَلـــــــي داويني
كل ساعه اكَل للأجـــــل .. لحظات تانيني
مل الصبُر
جاهز كَبُر
شلّي ابعمُر
من غير خلّي الرحَـل چا شلّي بسنيني ؟؟

[الروح]

لچمني الگلب وجيت اتناشد الناس
هم شفتوا گلب ضيع وتينه ..!؟

[زكي الياسري]

ردِت اعقد صُلح وَي طيــــــف الافراح
بلچن يمحي حزنـــي وبسمــــــة تبقه
واكتبت الكليشة ابحبــــر الآمــــــــــال
واغتالوا الطيف و فشلِـــــــت الصفقه
وردت اكتب احزاني بورقـــــة الليـــــل
بعدني إبـ آه و انتــــــرســــــت الورقه
و ردِت ارسم جرح من ماضي لجـروح
لكَيت اللوحة كَلبي وجــــــــرحي طلقه






ردت انحَت كيانــــي بواقع الحـــــــــال
لچَن ازميلي عانـَـــــــــــــد نِحَت دمعه
و طاوعته وكَلتله انحـــــــــــــت الآلآم
وي صبر الـ صُبرته .. نِحَــــــــت قلعه

[ابو ياسر الكعبي]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

وينك .. يطيف الفرح ؟؟ للــــدوم ناسيني مهموم محّد مسح دمعـــــــــــــات البعيني وينك يطيف الفرح .. دلحكَلـــــــي داويني كل ساعه اكَل للأجـــــل .. لحظات تانيني مل الصبُر جاهز كَبُر شلّي ابعمُر من غير خلّي الرحَـل چا شلّي بسنيني ؟؟

الحزن عندي فرح والفرح عندي موت
أوجاعي مثل الدمع تنزف حزن بسكوت
ولوسكن لحظه النزف يذبح ابشفتي الصوت !


وسأكون والوجع بانتظار الوجع .

[ابو ياسر الكعبي]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

ردِت اعقد صُلح وَي طيــــــف الافراح بلچن يمحي حزنـــي وبسمــــــة تبقه واكتبت الكليشة ابحبــــر الآمــــــــــال واغتالوا الطيف و فشلِـــــــت الصفقه وردت اكتب احزاني بورقـــــة الليـــــل بعدني إبـ آه و انتــــــرســــــت الورقه و ردِت ارسم جرح من ماضي لجـروح لكَيت اللوحة كَلبي وجــــــــرحي طلقه ردت انحَت كيانــــي بواقع الحـــــــــال لچَن ازميلي عانـَـــــــــــــد نِحَت دمعه و طاوعته وكَلتله انحـــــــــــــت الآلآم وي صبر الـ صُبرته .. نِحَــــــــت قلعه

عقدت الصلح گبلك وي الاحزان
وگلت يبقى النزف وجروحي تبقه
أثاريني اطلعت ياصاح وهمان
إربحت صفقه وخسرت اوياه صفقه
إربحت كل الوجع واخسرته شريان
انگطع لاكن ترك بضلوعي طلقه !

[سفينة البحار]

الحزن عندي فرح والفرح عندي موت
أوجاعي مثل الدمع تنزف حزن بسكوت
ولوسكن لحظه النزف يذبح ابشفتي الصوت !

الله على هذه الاوجاع .......

بالحزن صوتي عله وسمعتني كل الناس
ودمعاتي يا هالخلك كاس وتدير بكاس
ولمن يمرني الفرح اخرس صفه الاحساس
اضحك ولاكن جذب والمتن شال الراس
وجروحي غمك الالم لو للالم مقياس

تحيـــــــــــــــــــــــــــاتي

[رياض الرسل]

مد ليل السهـر وأغـرگ أبحر الاه
وشگ جنح الظلام وطلع الگـمره
وعايـن عالسمه وتخيـل المعـراج
والكعـبـه الشريفه وقبة الصخـره

[زكي الياسري]

ما شاء الله تبارك الله
اوجاع احلى من الشهد و اعذب من الزلال


يَصاحب شوف جـالت خيل الجروح
على صدر المشاعر بالحـــــــــــوافر
دهر ذبني بمتاهه وشامت ايبـــــوح
بلا چلمات بس تحچـــــــــي النواظر
بطرف عينه يـِعاين نحري مذبـــوح
و يغض طرف الصلافه وآنـه صابـر
صُبح يا صاح نهج الدنيـة مفضـوح
صديق اليوم يصبـح عـــــــــدو باچر





تحية الى كل الاحبة المبدعين

زكي

[ابو ياسر الكعبي]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

مد ليل السهـر وأغـرگ أبحر الاه وشگ جنح الظلام وطلع الگـمره وعايـن عالسمه وتخيـل المعـراج والكعـبـه الشريفه وقبة الصخـره

الله الله یاریاض

نوّرت كل المساحه

وشكرا على تثبيت الموضوع