[فلاان]

بسم الله الرحمن الرحيم
اللهم صل على محمد وآل محمد
السلام عليكم ورحمة الله تعآلى وبركاته
.
.
كنـتـ حآب انزل بعض الصور والهدرة عن جزء بسيط من محاضرتنآ الفسيولوجي
لكن يوميتنا مليئة بالأحداث الطريفة والمفيدة والقميلة

من الطالب المدرسي والجامعي .. وحتى الموظف
والموظفين مختصين بالمقآلب اكثر :p

هنآ مساحة خاصة لنآ لكتابة ومشاركة الجميع بهذا اليوم
وحي الله الجميع ما عندنا عنصرية مثل بعض الناس رحنآ قسمهم ومسخروا ابنا

بإنتظآركمـ ..

.^_^ برب ^_^.

[فلاان]

عـــــدنآ


مممــ
طبعآ عندنا الحين مادة الفسيولوجي 2
ما بكتب بانجليزي واتفلسف زايد مثل اللي يعرفو ليهم كلمتين ويوهقونا بهم :p
الفسيلولوجي يدرس علم وظآئف الأعضاء

لما دخلنا على 1 .. كان عن الخلية ووظايفها والدم وهالخرآبيط
وفي 2 .. الدكتور السوداني الله يهداه نفس ون يقعد يعيد ويخربط لينا ولا نفهم شي .. وهو يشرح يقول هذا في التشريح العيني هذا في الماكيرو هذا في البايو
طيب وين اللي في الفسيو :S

في المعمل العملي السنة تطبيقنا ع الضفادع
وعضلة (البطة على قولتنا ) ههه اللي هي القاستريولار

وكيف نعمل ليهم بيثنق (تخدير)
ع قولة الدكتور احنا ما بنقتل الضفدع بطريقة غير رحيمة .. رآح نعمل لوو شلل ونبدأ نشتغل عليه
هع

اول خطوه في التخدير هي التخدير الجزئي وينشل الجزء السفلي من الجسم
بإدخآل الإبرة من بداية عظآم العمود الفقري حتى نقطع الحبل الشوكي




ونتأكد انه انشل إذا ما حرك جسمه التحتي

ومن ثم الخطوة الثانية اللي هي التخدير الكامل
عن طريق ادخال الابره في جمجمته هع

ورآح نلاحظ انه سكن وعيونه ما تغمض

بعد التخدير حتى نوصل للعضلة اللي محتاجينها
نفصل الجلد عنه هالشكل



وأول اسبوع لينا في العملي صارت لينا قصة ههه
انا مع واحد .. جيت بخدر الضفدع والابراه مهي راضية تدخل
والضفدع مسكين يفوغص ويصارخ عذبناه اكثر مما نبي نريحه
هههه استغفر الله ما بنروح جهنم يمكن إلا من ظلم الضفادع

وبعدها اخذ زميلي الضدفع ودخلها بقوة .. اقول له متأكد تم الأمر

يقول ايي اكيد شوف ما يتحرك
ويبدأ يقطع الجلد اللي حقه ويقوووووووم الضفدع ومصارينه طلعت وهو يحاول يهرب بجلده مسكين
وي وي وي ههههههه
وبعدها أقينــــــ خدرناه هع هع

.. نرجع لمحور حديثنا هه
بعد ما نقص الجلد حول بطن الضفدع ننزل الجلد من رجوله
هالشكل





اهنآ خلصت الصور لكن مثل ما وضحت ليكم بالدائرة في الصورة السابقة
هي عضلة القاستريولا
طبعا نعد 3 فقرآت من تحت ونقطع القسم العلوي من الضفدع مالينا حاجة فيه
بس نحتاج اقدامه هه .. إسرآف في الضفدع صحيح
لأن من الفقرة الثانية تقريبا يكون عصب العضلة موجود واحنا محتاجين لبدايته إلا النهاية
نفصل العضلة من العمود الفقري في الحبل الشوكي بحذر ولا نجرح العصب لأنه رآح تخترب الشغلة كلها بعدين .. لين ربآط العضلة من اخرها ونثبتها في جهآز وحط معاها مآي ونوصله بالكهربا حتى نقيس تقلصات العضلة وطبعا العضلة تتأثر استجابتها بالمآء اذا كان ساخن او بآرد

وعضلة الضفدع هي الأنسب للقياس لأنها تتحمل اكثر من غيرها

واذا تبغوا اصور ليكم البقية حآضرين هههه

ومن المواقف اللي تحصل مع الشباب .. مرة كنا ناخذ الضفدع من الطشت
وهرب واحد وخلال هروبه طآآح في جيب بالطو زميلنآ ههه
سكرت على جيبه لا يهرب وقلت له هذا هو سهمك روح ههه

بس انا للحين شوي النفسية ما تقبلت العب وامسك فيهم ههه بعضهم بإيدهم يمسكونه بدون قفازاتـ لكن شوي رزآلة احسها <<< رقيق لوول

وموفقينـ

[ربيبة الزهـراء]

السلام عليكم ورحمة الله وبراكته

فــــلان كيف لك قلب تمسكه و اتشيل جلديه .. يمه (( غمضت عيونها ههه ))

الصراحة خـوش يوميات
ولا حــــلوه الابرا ما دخلت قـول ماتعرف
المهم مشكور حجي فلان على التقرير
اكيد البنات مو مسموح لهم بالدخـول لوووـ لـ !!

ننتظر بقية الشباب

يالله بفااارق ههه

[لحن القمر]

هههههههههههههه
شريرين صحيح
ابذكر موقف صار اللعام في المدرسه ..
كان عندنا عن الحيوانات المائيه والبنات ماخلوا حاجه الاجباوها
وفي وحدة جابت ضفدع وربطت رجلة بسيم في العلبة ..وقامت المعلمة
تمسكه من السيم وهو كل شي يكفل احين شوي شوي انقطعت رجلة وقفت يعني
بس على جزء خفيف منها بس كسر خاطري بصراحه هالضفدع انقطعت رجلة
ونتوا كله كذا انا اقول ضفادع اشوة من فيران اخوي لما كان يدرس يشرحون
جثث بشر وفيران وماردي شنو يعني انتو اهون .. بس هذا شنو التخصص ..؟؟
موفقين يارب

تحياتي لكم
لحن القمر

[أنوار البتول]

ايواااا عااش دكتورنا البيطري فلانوو
خووش يوميااات حليووه ومعلومااات قيمة وقمييله
حليوو التشريح بس يبغى ليه دقه وتركيز موو
ياااعلي فلانوو مالاعت شبدك وانت تشرحهم
هههههه زين سوو الضفدع وانخش باللابكوت << البالطوو
عشااان ماتعلبوون فيه المسكين ..
يلااا كمل لنا ترى انا احب هالاشيااء مع ان تلووع شبدي بس يلاا ماعليه ..
يعطيك العافيه وعسااك عالقووه ..

[فلاان]

ربيبــــة

اقتباس :

السلام عليكم ورحمة الله وبراكته فــــلان كيف لك قلب تمسكه و اتشيل جلديه .. يمه (( غمضت عيونها ههه )) الصراحة خـوش يوميات ولا حــــلوه الابرا ما دخلت قـول ماتعرف المهم مشكور حجي فلان على التقرير اكيد البنات مو مسموح لهم بالدخـول لوووـ لـ !! ننتظر بقية الشباب يالله بفااارق ههه

عليكم السلام والرحمة
هههه
يالرقيقة ربيبـو لوول
متطلبات الدراسة لازم نسمكه
ياماكنت العب فيهم ايام الطفولة بعد :$
هههه

وصراحة اي بعدي ما اعرف عدل اسوي التخدير هههه
يبغى لي اتدرب اكثر :p
وعآدي حياكم الله اهم شي نستفيد ههه شباب بنات اهم شي الفايدة ^_^. << اي فايدة في هالموضوع لوول

[فلاان]

لحنـــــــ

اقتباس :

هههههههههههههه شريرين صحيح ابذكر موقف صار اللعام في المدرسه .. كان عندنا عن الحيوانات المائيه والبنات ماخلوا حاجه الاجباوها وفي وحدة جابت ضفدع وربطت رجلة بسيم في العلبة ..وقامت المعلمة تمسكه من السيم وهو كل شي يكفل احين شوي شوي انقطعت رجلة وقفت يعني بس على جزء خفيف منها بس كسر خاطري بصراحه هالضفدع انقطعت رجلة ونتوا كله كذا انا اقول ضفادع اشوة من فيران اخوي لما كان يدرس يشرحون جثث بشر وفيران وماردي شنو يعني انتو اهون .. بس هذا شنو التخصص ..؟؟ موفقين يارب تحياتي لكم لحن القمر

هههه اهلين لحن ولكمو ^^.

ولوووووووووول مسكين هالضفدع ههه عذبتوه

والفيران الترم اللي راح تعلمنا كيف نخدرهم ههه

وجاوبت المتحرية انوار ع السؤال ههه

ادرس طب بيطري ^_^.
فترينآري هه

[فلاان]

أنــوآآر

اقتباس :

ايواااا عااش دكتورنا البيطري فلانوو خووش يوميااات حليووه ومعلومااات قيمة وقمييله حليوو التشريح بس يبغى ليه دقه وتركيز موو هع حياج الله ايي اكيد يبي له دقة وتركيز مو له :p ياااعلي فلانوو مالاعت شبدك وانت تشرحهم هههههه زين سوو الضفدع وانخش باللابكوت << البالطوو عشااان ماتعلبوون فيه المسكين .. ولآ ما لاعت عآدي هع هع وخطيرة تعرف اللابكوت ومادري شنو ;) يلااا كمل لنا ترى انا احب هالاشيااء مع ان تلووع شبدي بس يلاا ماعليه .. يعطيك العافيه وعسااك عالقووه ..

وان شاء الله السبت الجاي نكمل تصوير هه
وتلويعة جبد مرة في الاسبوع زين تمرين للجبد ههههه

والله يعافيج ويقويج ومشكورة ع المرور ^_^.

[أنوار البتول]

وخطيرة تعرف اللابكوت ومادري شنو
هههه مو لأني لبسته سنتين واليهال مايخلوناا لي نظيف دايما يتووسخ واشتري لي واحد جديد
وقصتنا قصه مع هالابكووت كل مانرووح انا واختي نشتري لنا يطلعوا كبار علينا ونقوول للبنات كيف انتوا مقاسكم زين واحنا كبير مع ان نفس احجامنا قالوا يالهبلان احنا نضيقه بالخيااط ..
لان كنا بالبدايه نلبس من عند اختي الكبيره ..
ياااي وحشني لبسه وأياامه وللحين خاشتنهم مابرميهم مايندرى يمكن ارجع لشغلي ..:rolleyes:
يلا بإنتظار تلويعة الشبد مره ثانيه ..:p

[عاشق الأكرف]

اووو هذا الموضوع الي تقول فيه يعنوو

اشوف الشعب مشارك هني

يالله عيل خلني اقول يومياتي امس

عاد خوش درس عن الضفادع هههههه

عاد امس جلست الساعة 6 عشان اروح المدرسة ولبست الغترة وكشخت ورحت مشوار نص ساعة
وحضرنا الطابور الصباحي وبعدها رحنا الغرفة مع الاستاذ وعاد عطوني حصة انتظار في صفوف

الاعاقة السمعية لان المدرسة الي فيها انا نموذجيه تبع ارامكو وعاد حلو الوضع في المدراس الابتدائية كل ما امشي يجون يسلمون علي على اني استاذ كبير هههههه

يحس الواحد رزة يعني احم احم

ودخلت لدا الصف الا فيه 7 بس شياطين هم من ميزاتهم انهم حركين واجد عاد قلت ويش اسوي وياهم ديلا

قلت لابد اشغلهم قبل لا يشغولني خخخ

وقلت لهم يالله طلعو رسوماتكم وخليني اشوف عاد هم مايتكلمو في بعض الكلمات عدل لان اساسا معاهم ضعف سمع

وشغلتهم وضاعت الحصة وياهم بشكل ممتع وياهم وعاد بعض الاحيان ادوخ

لان يتكلمو بين بعض بالحركاات ولا افهم شي خخخخخ

بس فهمت ليهم في حركة ان يقولو بيشدخو واحد بعد ما اطلع ههههههههههه

والمهم خلص دوام المدرسة
ورجعت الشقة اكلت لي شي على الطاير وصليت ورحت المحاضرة وبعدها طلعت علطول المحطة خذيت لي شراب وشوكلاته

ورجعت قطقطف ورجعت وحلقت وغسلت السيارة وربعدها رجعت صليت وسبحت ورحت قضيت كم شغلة

وبعدها عشا وبعدها نوم عميق من التعب

وهذا بختصار شديد يومي امس والحين جلست على المنتدى

وكان الله غفورا رحيما