صينية الفلافل بالخضار

الحيدرية · بتاريخ : 15-10-2008 الساعة : 08:15 PM

المقادير

1 خس – 3حبات خيار – 2حبة طماطم – فلفل رومي حبة وحده – حزمة بقدونس – طحينية – ليمون – ملح –فلفل –طبعا والفلافل جاهزه - باذنجان حبتين

الطريقة:

طبعا اول شي تقطعي الباذنجان شرايح على كيفك عرضية طوليه وتقليها وتخليها على جنب
تقطعي الخضار كلها وتحطيها في الثلاجه لحد ما يجي وقت التقديم
الطحينية تخففيها بالموية على قد طلبك وتحطي معها ملح وفلفل احبها كذا وليمون
طبعا
اول شي تقطعي الطعمية الي هي الفلافل كل حبة اربع اقسام

بعدين ترصي فوقها المقادير الباقية زي الصور الباذنجان والسلطة والكزبرة نصها او ثلاث ارباعها وتحركياها زي الصور

في النهاية بعد ما تحطي كل شي تحطي الطحينية على الوجة والبقدونس

وبعدين بعد ما ولعت الفرن على درجة 200 خليه ربع ساعة يعني قبل تسوي أي شي وطفية وحطي الصينية وخرجيها على السفرة على طول

وبالهناء والعافية على قلوبكم