بسم الله الرحمن الرحيم
الحمد لله الذي جَعَلَ الْحَمْدَ مفْتَاحاً لذِكْرِهِ وَخَلَقَ الاشْيَاءَ نَاطِقَةً بحَمْدِه وَشُكرِهِ
وَالصَّلاةُ وَالسَّلامُ عَلى نَبِيِّهِ مُحَمَّد الْمُشتَقِّ اسْمُهُ مِنْ اسْمِهِ الْمحْمُودِ
وَعَلى آلهِ الطَّاهِرينَ اُولِي الْمَكارِمِ وَالْجُوِد
أخي الكريم عظم الله أجوركم بهذا المصاب الجلل
دينك يا محمد يصرخ اليوم = كبر العسكري والهادي مهدوم
نكسوا كل الاعلام = ينحب دين الاسلام=
****
ابسامره البقيع انعاد مجروح
وحزنانه الشريعه اليوم وتنوح
مثل جده الحسين الهادي مذبوح
ومثله العسكري عل الغبره مطروح
لفعلة اهل الاجرام = ينحب دين الاسلام
كبر العسكري والهادي مهدوم =
****
بسامرا الضلع مكسور يا ناس
نعاين عل الارض جفين عباس
امام الكون كله الهادي نبراس
هتكت حرمته زمرة الارجاس
ردت بينه الآلام = ينحب دين الاسلام=
كبر العسكري والهادي مهدوم =
****
نعزي بهلخطب طه وحبيبه
وعلينه النايبه لا مو غريبه
نعيش بكل عصر حاله عصيبه
مصيبه ونايبه تتبع مصيبه
عشنه القهراعوام = ينحب دين الاسلام=
كبر العسكري والهادي مهدوم =
*****
قبور الي تضم حجةالديان
صبح بيهه الشرف والتقوه عنوان
نطق بيه الذكر بكل لهجه ولسان
بيا سوره وحديث اليوم تنهان
يل حرفتو الاحكام = ينحب دين الاسلام=
كبر العسكري والهادي مهدوم =
*****
دينك يا رسول الخير هل ضاع
بسوك اهل الفتن ينشره وينباع
يحرفون الكلام بغمزة اطماع
عقايد فاسدة ولعبت بالاوضاع
عقايد كلهه اوهام = ينحب دين الاسلام=
كبر العسكري والهادي مهدوم =
*****
وحك ضلع الزجيه ومنحر حسين
وحك طبرت علي وكطعة الجفين
وحك ذاك البقيع الي غدا اثنين
اذا جانه الامر من مرجع الدين
نسحك اهل الاثام = ينحب دين الاسلام=
كبر العسكري والهادي مهدوم =
للشاعر/عمار جبار خضير
دمتم برعاية بقية الله الأعظم
منارات سامراء في بقيع العراق
العرض العادي
