امم
خطر عبالي هالموضوع
عندي كتير اشيا قصص
احكيلكم هيي
لو شفت انو في تفاعل بكمل واذا لأ
حذفو الموضوع
اول مغامرة هي بالاسونسير
يعني بالمصعد الكهربائي
من انا وزغيرة عندي عقدة من الاسونسير
بخاف منو كتير
يعني مستعدة اطلع 10 طوابق مشي ولا اطلع بالاسونسير
لان مرة انا وزغيرة
كنت طالعة عند حكيم الاسنان انا وماما
وانقطعت الكهربا
وانا ولا شوي بخاف صرت ابكي وصرخ
كان عمري وقتا 9 سنين
المهم انقذونا وكان الاسونسير عالق بين الحيط والباب
ما بعرف ا>ا فهمتوا عليي
المهم من وقتا تعقدت وما بقيت اطلع بالاسونسر ابداا
هلء مرقت يعني شي 10 سنين وما طلعت بولا اسونسير
حتى لما صرت بمنسك هونيك بالجامعة كان في واحد اسونسير
بقيت اول اسبوع روح الجامعة وما اطلع فيه مو بايدي بس لخاف
لحد ما يوم كنا ضاهرين ومستعجلين
أنا وابن عمي ورفيقتي و2 من رفقاتي
انا ما قبلت اطلع بالاسونسير
وبدي انزل 7 طوابق مشي ولازم نسرع لانو متأخرين
قمت رديت عابن عمي وطلعت بهالاسونسير
المهم نزلنا 2 طابقين
انا ايدي عقلبي
شافوني اني خيفانة قاموا صاروا ينطنطوا بالاسونسير
فجاة وقف
هو وقف وانا متت من الخوف بلشت ابكي
هههههههههههههههههههههههههه
ييييييييي منا نهار ما بنساه انا بلشت احكي بالمقلوب وعيط عرفقاتي
المهم
كنا بعدنا ما منعرف نحكي روسي
ولا حدا منا بيحكي روسي
كبسنا زر الجرس
قمنا سمعنا وحدة بتحكينا بالروسي
ونحنا المشحرين المعترين ما منفهم شي
المهم انا فرطت اعصابي
يعني الدقيقة بيحسا الانسان سنة
انا قلت خلص متنا ما بقا في اوكسيجين
بلشت اقرا شهادة الموت
بقينا هيكي تحكينا وحدة بالروسي ونحنا نحكيها بالعربي
ههههههههههههههههههههه
اخر شي اتصلت بابن عمي التاني
رانيا: زييييييييييييييييييين دخيلك تعا بسرعة حموت انا
زين: وليي شو بكي ليش عم تبكي شو صايرلك
رانيا: وقف فينا الاسونسير
زين : ههههههههههههههههههههههه
رانيا: زيييييييين تعا دخيل الله انا اختنقت وحموت
زين:طيب ما كبستو الجرس
رانيا:بلى بس مش عم نفهم عالمرا شي
زين:ههههههههههههههههههه طيب قربي التلفون من الميكروفون انا بحكيها
المهم حكاها
مرقت عخير
هيدي اول مغامرة
ما بعرف اذا بايخة قولولي بحذف الموضوع
ومن بعد هيدي القصة ما بقيت اطلع بولا اسونسير بحياتي كلا
العرض العادي
