[خالد محمد مهدي]

((2))

مولود لفاطمه الزهراء عليها السلام (( الموالي والمحبه))

**********************

الموالي والمحبه ** شوگه المله گلبه

ترحاله ** وآماله ** عله ام الحسن دربه

**************

هذا العشك والحب كتبته الفطره **تظل الروح مرهونه ألاسم زهره

تبحر عينّه وتعاين العـــــبره **تشوف عليها جف البضعه متحضره

من تاخذنه بيدينه ** ألامان الله توّدينه

تاخذنه // تعبّرنه //يخف ابلحظه ذنبه **عله ام الحسن دربه

**********

حب وضحّي لمحبتك كل عمرك**گرة عين باجر لو طلع فجـــــــرك

من أجل التودّه وسّعه الصدرك ** وحمّل صبرك اعداله على صبرك

وثبت بيقينك **البضعه تعينك

اليواليها// اليحاميها //سموم النار متگربه ** عله ام الحسن دربه

**********

بدار أيرتل القــــــــران ونواره **أليمر عالباب بيده ياخذ بشاره

يمها الكون حاضر كاشف أسراره **واليعجز يم فاطم ألف جاره

أتمسّك أبابه ** بوسه عله عتابه

أدعيها //أنخيها//تعينك عله الصعبه ** عله ام الحسن دربه

*************

لوحة فرح نرسمها بمعانيها ** وجف نرسمه مغلوله وحقد بيها

وصورة نار تحرك بابهاعليها **حته من يعاين لعن ماذيهــــــا

السقيفه من حكمها** عليها أجرت ظلمها

بعناده // بحقاده // منها الحق يسلبه // عله ام الحسن دربه

***************

بدموع الفرح نكتب قصيدتنه **رغم عدانه حزن وفرح لمّتنه

ما توسع الدنيه هاي فرحتنه **حلوآسم الرافضه الناصبه سمّتنه

يا آل محمد ** بحبنه الله يشهد

بشعائرنه // بضمائرنه // حب العتره يربه // عله ام الحسن دربه
*************

((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********