|
|
عضو برونزي
|
|
رقم العضوية : 70779
|
|
الإنتساب : Feb 2012
|
|
المشاركات : 791
|
|
بمعدل : 0.17 يوميا
|
|
|
|
|
|
المنتدى :
المنتدى الثقافي
الى حبيب الله المصطفى محمد كريم السعبري
بتاريخ : 05-01-2013 الساعة : 06:39 PM
بحزن ولوعه نصيح بصوت يا زهراء
عنج طه يبعده الموت يا زهراء
اليوم بعبره نحيي الذكره
-------------------------
نبقه بصوت نصرخ راح هادينه
وعلى ادروب التقى هو يدلينه
بيوم الذكره دم ادموع هلينه
جرح ظل ابكلبنه ومن يداوينه
جرح البينه ما يلتام يازهراء
ينزف متطيبه الايام يازهراء
باكبر حسره نحيي الذكره
-----------------------
حسره بكل كلب الكم يبو الزهره
بينه ماطفت لليوم متوجره
تهيج تهيج بينه من تجي الذكره
ودم ادموعنه فوك الثره نمطره
بهم البينه ندك اندك اصدور يازهراء
بهاي الذكره نفور انفور يازهراء
يمته بكبره نحيي الذكره
------------------------------
بعد الصار الله يعينج اعله الصار
ابابج يل الزجيه شلون شعلو نار
لاحشمو علي ولاحشمو المختار
واحملتي الطغات وذاك الاستكبار
الهادي لو يمج موجود يازهراء
من يوصل بابج ويعود يازهراء
وكلبج سره نحيي الذكره
-----------------------------
عليهه اتجبرو جاحيدر موصيه
يسل السيف بعدك انته متخليه
خدهه والصدر يل المصطفى مدميه
وحكه من الخلافه حيدر مسلبيه
لومتغير هذا الحال يازهراء
حيدر همته تهد جبال يازهراء
شمعظم صبره نحيي الذكره
---------------------------
ياسيد الرسل نبقه نصيح بصوت
ذكرك مانعوفه لو اجانه الموت
تعلمنه عله دربك نلعن الطاغوت
وعلمنه الوصي فوك الكلافه نفوت
الطفل اليولد ونربيه يازهراء
من حب الهادي نغذيه يازهراء
وحب العتره نحيي الذكره
------------------------------
كريم السعبري
| |
|
|
|
|
|
العرض العادي
